නයනී

ආදරණිය නයනී.... ඔන්න අපි බලාපොරත්තු වුනු කාලය උදාඋනා. හැමදාමත් මම පතපු විදිහට මට හැමදාම මේ ඔයාගේ ලස්සන මූන දිහා බලාගෙන ඉන්නයි. ඔයා ආස කරපු විදිහට මට තුරුල් වෙලා ඉන්නයි අපේ කාලය උදා වෙලා නයනී. බලන්න මේ වගේ ඔයාට කිට්ටුවෙලා ඔයා ගේ ඇස් දිහා බලන්න පුලුවන් වෙන දවසක් එනකම් කොච්චර කල් මම බලා හිටියද ? මතකද අපි මුලින්ම හමුවුනු දවස ? අපේ පුහුනුවේ පලවෙනි දවසේ . එදා ඉදන් මම කොච්චර නම් උත්සාහ කලාද ඔයා ලගට එන්න. ඔයාට මතකද ඔයා මාව ගනන් නොගෙන ගිය හැටි. ගස්සලා ගිය ැටි. මගේ දිහා රවලා බලපු හැටි. ඒත් මම දැනගෙන හිටියා කවදා හරි ඔයාටයි මටයි එකතු වෙන්න පුලුවන් බව.අපේ දෛවයේ ඒක ලියවිලා තියෙන බව. අන් නඒ නිසයි මම මෙච්චර කල් මග බලාගෙන හටියේ. සහතිකයි මම කවදාවත් ඔයාව තනිකරන්නේ වත් ඔයාට නපුරුකමක් කරන්නේ වත් නෑ. ඔයා ඒක දන්න බව මම දන්නවා. මේ වෙලාව විශේෂයි. අපේ අලුත් ජීවිතය පටන් ගන්න තැනදි ඔයාට පොරාන්දු වෙන එක මගේ යුතුකමක්. විශේෂයෙන් කිලෝමීටර් ට්‍රිලියන ගනණක් ඈත මේ පාලු අභයාවකාශයේ… මම ඇර ඔයාව වෙන කවුද බලාගන්නේ. කාටවත් බැහැ ඔයාට මුකුත් කරන් නයනී. ඔයා මුලු විශෟවයෙන්ම සුරක්ෂිතයි නයනී...

අර කාලකන්නි ලුතිනන්. ඌට මොකද්ද තිබුනු අමාරුව අපේ සම්බන්දේ ගැන.මට ගැහුවා මතකද ඔයා ගැනම හිත හිත හිටපු නිසා මගේ වැඩ පොඩ්ඩක් මග ඇරුනාම. වයරින් එක වැරදිලා ඇන්ටෙනාව පිච්චුනේ මගේ වරදින් උනත් ඌට හිතන්න තිබුනා මම කලින් කොච්චර කැප වෙලා වැඩ කලාද කියන එක. ඔයාව මගෙන් වෙන් කරලා මගේ මනස වැට්ටුවේ ඌයි නයනී. ඒකට ඌ දඩුවමක් විදින්න ඖනෙ නයනී. රෙපායර් එකට ඉංජිනේරු සහයකයො එලියට යවන්න ගිය වෙලේ ඌ පිටවීමේ දොර ලග හිටගෙන හිටියා.ඔව් මම අරුන් යනකම් ඉදලා දොර ඇරලා මූවත් තල්ලු කරා වායු අගුල අතුලට. දාල දොර ඇරියා. ඔයා දකින්න තිබුනේ ඌ දොර අරින්න කියලා දොරට ගහ ගහ කෑ ගහපු හැටි . ඒත් අනතුරු සංඥා ඔබන්න ඉස්සර ඈත අභ්‍යාවකාශයෙට ඌ ව ඇදිලා යන් න ගියේ පොඩි වෙලාවයි. ඔයා දන්නවනේ ඇතුලතින් ලේ රත් වෙලා නටන කොටයි පිටත හීතලෙන් ගල් ගැහෙනකොටයි හුස්ම නැතුවත් මැරෙන්න යන පොඩි වෙලාවට උනත් විදින්න වෙන දුක. මම ඒ දිහා බලන් හිටියේ සතුටකින් නෙමෙයි නයනී. ඒ ගැන මට දෙවියෝ සමාව දෙයි මම ඒ ඔක්කොම කලේ අපේ ආදරේ වෙනුවෙන් නයනී අන්න ඒ නිසයි.

අර පර දොස්තර ගෑනි මොකෙද්ද ඒකි. ඇයි ඒකි අපේ ෂිෆ්ට් මාරු කලේ. දවසක් ඔයාට මම කරදර කරනවයි කියලා මගේ ග්‍රේඩ් බස්සන්ත් හැදුවා මතකද ? ඒකි මොනවා දැනගෙනද ඒ. ඔයා වෙනුවෙන් මම නිකම් ඉදීද ? මම හොරෙන් තියා ගත්තු බ්‍රෝමයිඩ් ටිකක් ඒකිට ඉන්ජෙක්ට් කලා. අගේ වාරු නැති උනහම තමා බෙහෙත් ගබඩාවේ දොරට බෙල්ලට තියලා දෙර වැහුවේ. වෙන්න බැරි උනත් දොර තද වෙන කොට ඒකිගේ ඇගට හිටි හැටියෙම වාරු ආවානේ.. ඒත් පරක්කු වැඩී එතකොට. කවුරුත් හිතුවේ හදිසි අනතුරක් කියලා ඒත් බලන්න හිතන්නේ බලන්නේ නැතුව පිවිතුරු ආදරයකට විරුද්ධ වෙන කොට වෙන දේ. මට ැමදාම ඕනේ උනේ ඔයා ලගටම වෙලා මෙහෙමම ඉන්න නයනී. කවුරුවත් එක්ක රන්ඩු වෙන්න නෙමෙයි. මගේ හිත සමනලයෙක් වගේ අහිංසකයි.

ප්‍රොපෙසර් ගැන උනත් එහෙමයි නයනී උනේ මට තීරණයක් ගන්න උනා. මම ඔයාට කරදර කරනවයි කියලා ඔයා කම්ප්ලේන් කලා කියලා මාව ලගට ගෙන්වලා කැප්ටන් ලගට අරන් යන් න හැදුවා. මම බලෙන් මිනිහව නවත්වලා ඔයාලා අර අලුත් මූල ද්‍රව්‍ය ටෙස් කරන්න තිබ්බ අංශු ත්වරකේ ඇතුලට දාලා ඔන් කලා. මට වෙන කරන්න දෙයක් නොතිබුනු බව ඔයාට තේරෙන්න ඕනේ. මිනිහාගේ ඇග ටිකෙන් ටික අතුරු දහන් උනේ හරියට වාශ්ප වෙලා හුලගට ගහගෙන යනවා වගේ. මම වැරදි නැහැ නේද නයනී.... මේ ඔක්කොම ඔයා ලගට එන්න මම කලේ. අපේ බලාපොරාත්තු හරියාගෙන එන කොටම මේ අය ඇයි මෙච්චර කුරිරු විදිහට අපිට එරෙහි වෙන්න පටන් ගත්තේ. අනික බොරු කතා හද හද කාවද රවට්ටන්න හැදුවේ. මේ අසරණ මාව නේද නැතිනම් ඔයාව?.

ඔයා ශිත නින්දට යන් න එතකොට ලං වෙලා තිබුනේ. මට ඔයාව නොදැක කාලයක් ඉන්න වෙනවා කියලා හිතෙන කොට දරා ගන්න බැරි උනා. නමුත් ඒ ටික දවසටවත් මට ඔයාව බලන්න බැරි වෙන තැනට මුන් ඔක්කොම එකතු වෙලා වැඩ කරන් න පටන් ගත්තා. කැප්ටන් ඉස්සරහදී ඔයා මගේ කම්මුලට ගැහුවේ බොරුවට බව මම දන්නවා. අපිට සම්බන්ධකම් පවත්වන්න තහනම් නිසා නේද. ඉතින් කැප්ටන් ඉස්සරහා ඔයාගේ ග්‍රේඩ් බහිනවට මමත් කැමති නැහැ. මගෙයි වැරැද්ද එදා ඔයාව අනශවශ්‍ය විදිහට නතර කර ගන්න හදපු එක. ඒක අනිත් අය දැක්කා. ඉතින් අන්තිමේ කොහොම නමුත් ඔයා නින්දට ගියා මටත් නොකියාම. මම තනිඋනා. ඒත් මම හිතුවා ඔයා නැගිටින කම් මම හිත තද කර ගෙන ඉන්නම් කියලා. ඒත් අපි කොච්චර අහිංසක උනත් ලෝකය එහෙම ඉන් නදෙන්නේ නැහැ අපිට නයනී . ඒක තමා මේ ලේාකයේ හැටි.

ඊට පස්සේ උනු දේ ගැන මට කරන් නදෙයක් තිබුනේම නැහැ . නමුත් දැන් හිතෙනවා ඒක අපේ හොදටමයි කියලා. දෙවියෝ මට පාර පෙන්නුවා ඔයා ලගට එන්න. චීප් ඉංජිනේරුවා ප්‍රොපෙසර් ගෙයි දොස්තරගෙයි මරණ වලට මාව සැක කලා ඔයා ශිත නින්දට යන් න ටික දවසකට කලින් ඉදන්ම. මම කලින් හයි වෝල්ටේජ් දීලා ඩේටා සෙන්ටර් එකේ ඉදන් සෙකියුරිටිකැමරා ඩේටා මෙමරි විනාශ කලා. මොනවා උනත් විදුලිය එන්නේ මගේ හරහානේ. ඒත් මට බැකප් ඩේටා වගයක් වෙනම අහු උනේ පස්සේ . මම ඒක මකන්න හදනකොට ඌ දැක්කා මාව. මම රෙපයාර් වලට ගෙනල්ලා ලග තිබුනු ලේසර් මීටරෙන් ගහලා වයර් උගේ බෙල්ල වටේ ඔතලා හිර කලා. එහෙම කරන්න උනේ පාරක් ගහන්න තරම් ලොකු ආයුධයක් මම ලග නොතිබුනු නිසා. පස්සේ ඇදගෙන ගිහින් පරමාණු ඇංජිමේ කෝව ඇතුලට දාලා දොර වැහුවා.

ඒත් ඒ වෙන කොටත් පරක්කු වැඩී. අර අයිටී කාරයා එලාම් ගහල. බඩ තඩි චෙෆයි ඩෝසරයයි මාව අල්ලන්න එනවා. මම ඇන්ජිමේ කූලරේ බටයක් ගලවලා මම හැංගිලා චෙපාගේ මූනට ඇල්ලුවාවිතරයි ඒක ගල් වෙලා ගියා. පස්සේ ඌ මාව පාලනය කරන්න ගෙනත් තිබුනු දිග බටෙන් ඩෝසරයාට ඇන ගෙන ඇන ගෙන ගියා.

එතකොට පස්සෙන් ආපු කැප්ටන් මාව පෙරලාගෙන වැටුනා. ඌ සද්දන්තයා බව දන්නවානේ. ඌ මාව උස්සලා පොලවේ ගහපු පාර මගේ ඉල ඇට තුනක් වත් කැඩුනා වෙන්න ඕනෙ. මම අමාරුවෙන් නැගිටලා හයිටෙන්ෂන් කේබ්ල දෙකක් ගලවා ගත්තා. කැප්ටන් ලංවෙනකොටම ඔලුවටම ඇල්ලුවා. උගේ ඇස් එලියට පැනලා ඔලුව කුඩු වෙච්චි හැටි ඔයාට දකින්නයි තිබුනේ. රතුපාට ලේ වලින් මාව නෑ උනා. ඒත් ඔයා වෙනුවෙන් මම ඒවා රතුමල් වැස්සක්ම කියලා හිතා ගත්තා නයනී. මේ බලන්න මගේ හැටි. මේක අපිට සදාකාලික සිහිවටනයක් වේවී.

එලාම් වැදුනු නිසා තවත් පරක්කු වෙන්න බැරි උනා. අනිත් අය එන්න කලින් මම පාලක මැදිරියට පැනලා දොර ලොක් කලා. දෙවෙනි නියමුවට ගහලා බිම දැම්මා. කෘත්‍රීම ගුරුත්වය ඕෆ් කරලා. ක්ෂනිකව යානාව පහලට ත්වරණය කලා. ගොඩ දෙනෙක්ට ඒ ගැටුම දරා ගන්න බැරි උනා. පස්සේ ගබඩාවයි ශාලාවයි යානෙන් ගලවලා අත ඇරියා. මොකද ෂිප්ට් එක නිසා ඉතුරු උන් ඔක්කොම ගබඩාවේ බව මම දැනගෙන හිටියා. අනික අපි දැන් ඔය බඩු කාට කියලා විකුණන්නද ? අපේ බඩුත් නෙමෙයිනේ. අසරණයෝ ටික ගැන කනගාටුයි. නමුත් තව හිටියා නම් මට උන් එක්කත් හැප්පෙන්න වෙයි. නමුත් ඔයා බලන්න අපේ අවංක ආදරේ වෙනුවෙන් මම කරපු කැපවීම. ඒ වෙනුවෙන් අපේ මේ යානාවේ වගකීම වුනත් බාර ගන්න ලෑස්ති වෙලයි මම ඒ දේ ඔක්කොම කලේ.
අපිට දැන් කෑම ටිකක් හිග වෙන බව ඇත්ත. නමුත් අපි ට ආදරයෙන් හිගයක් නම් වෙන්නේ නැති බව සහතික වෙන් න පුලුවන්.

තව ඉතුරු උනේ එක්කෙනයි නයනී. අපේ ලොකුම හතුරා. ඔව් ඔයා මාව තරහා ගස්සන්න බොරුවට ආදරේ බව පෙන්නපු ඌ. ඔව් ඔව් ඌ තමයි. ඌ ඔයාව වැලද ගත්තු හැටි සිප ගත්තු හැටි මම බලා හිටියේ මොන තරම් වේදනාවකින්ද කියලා ඔයා නිකමටවත් හිතුවද ? ඔයා ඇත්තටමද බොරුවටද ඒක කලේ??..................................................බොරුවට නේද ???? ..... මට ඕනෙ නම් ඔයාවත් ..... අනේ නෑ. මම කලබල වෙලා ඉන්නේ... මගේ ඔලුව විකාර වලින් පිරිලා... මොනවා කියනවද කියලා මම වත් දන්නෑ.. මම ශිත නින්දට යන කොට ඔයාටයි ඌටයි එක ශිෂ්ට් එකක් වැටෙන බව දැනගත්ත එකම තමා මේ ඔක්කොටම ගොඩක්ම හේතු උනේ.. අහගෙන ඉන්න . ඔන් නඇහෙනවා. ෂ් ෂ් ෂ් ........ ඇහෙනවද සද්දේ ......... ඔව් මම උගේ ශිත නින්දේ පෙට්ටියේ වයර් ටික ගැලෙව්වා . ඌ ට ඇහැරිලා උනත් දැන් එලියට එන්නත් බෑ... ඔය සද්දේ ඌ කෑගහන සද්දෙයි පෙට්ටියට ගහන සද්දෙයි. ඇහෙනවා නේද? . ඕක දවස් දෙක තුනකින් නැවතිලා යයි අපිට ඒ ගැන එච්චර හිතන් න දෙයක් නෑ. කරපු දේ වල් තමයි පස්සෙන් එන්නේ ... සමහර විට අපිට ආහාර මදි උනොත්..... නෑ නෑ එහෙම හිතන්න හොද නෑ.

මොනවා උනත් අපි දැන් නිදහස්. අපේම ලෝකයක් හමුවෙන බව විශ්වාස නිසාම මම යානය වෙන පැත්තකට හැරෙව්වා. දැන් යන්නේ කොහෙද කියලා මම වත් දන්නේ නෑ. නමුත් අපේ අහිංසක ආදරේ පල ගන්වන්න කොහේ හරි ලස්සන ලෝකයක් බලන් ඉන්න බව මට හොදටම විස්වාසයි. නැවුම් සුවද හමන පස් වලින් පිරිච්ච අලුතෙන් ජීවයට අත වනන ඒ ලෝකය අපේ ආදරෙන්ම පන ලබයි. අපේ පැටවුන්ගෙන්ම පිරිලා ඉතිරිලා යාවි. ඒක අපි දෙන්නාගේම ලෝකය වේවී. මෙතුවක් කල් කොච්චර ප්‍රාර්ථනා කලත් කිසිම ආදරයකට ඉෂ්ට නොවුනු ඒ දේ අපි දෙදෙනා වෙනුවෙන් ඉටුවේවි..... ලස්සනම ලස්සන සුන්දර ලෝකයක් අපි දෙන්නාගේ නාමයෙන් විශ්වයට එකතු වේවි.

එතකම් නිදන්න රත්තරනේ.. ඔයාට තව කල් තියෙනවා... එතකම් මම කරන්න තියෙන වැඩ ටිකක් කරන්නම්. ඔයා වෙනුවෙන් මේ යානය ටිකක් ලස්සන කරන්න මම හිතුවා.. අස් කරන්න දේවලුත් ගොඩක් තියෙනවානේ.....ඒත් ඒත් තනියම ඉන්න මම බයයි. දැන් පැය ගානකට ඉස්සෙල්ලා පිටවීමේ දොර පැත්තේ එලියෙන් දොරට ගහන සද්දයක් ඇහුනා. හරියට කවුරහරි දොර කඩාගෙන ඇතුලට එන්න හදනවා වගේ.. නමුත් එලියේ හිස් අභ්‍යාවකාශය විතරයි වෙන මුකුත් නෑ.... මම සලකුනු විදිහට තෝරලා තිබුනු ගැලැක්සි දෙකම හිටි හැටියේම ආගිය අතක් නැති උනා. එතන දැන් අදුරු විශ්වය විතරයි. .... ඉස්ලේලා ඇන්ටෙනාවෙන් ආපු සිග්නල් එකක් ඇහුවහම හරියටම ගෑනු කෙනෙක් යටි ගරියෙන් කෑ ගහන විදිහමයි හිතුනේ. ඒත් ඒ ආපු පැත්තේ බිලියන ගණනකටවත් එපිටින් මොනවත් නැති බවයි පේන්නේ...... මට හරි බයක් දැනෙනවා නයනී.... ඒත් ඒත් වැඩි කාලයක් නැහැනේ ..ඔයා ඉන්න කොට මොන බයක්ද ...ඒවායින් කමක් නෑ ඔයා හොදින් නිදා ගන්න. මම ඔයා ලගටම ලො ඉන්නම් පුලුවන් විදිහට . ..ඔයා කවදාවත්ම ආයේ නැගිට්ටේ නැති උනත්.මට සදාකාලිකවම ඉන්න පුලුවන් ඔයාගේ ඔය හුස්ම වැටෙන සද්දේ විතරක් අහගෙන උනත් ......