බංකලොත් තර්ක

-AD Hominem
තර්කය පිලිබදව නොව තර්ක කරන කෙනා හෝ තරකයට අදාල වන පුද්ගලයකුගේ පෞද්ගලික දේ ගැන කතා කරයි.
උදා : “හරි මිනිහ එහෙම කියනවා තමා. ඒත් බලනවකො මිනිහගේ පවුල් ජීවිතේම අසාර්තකයිනේ. ගෑනි වෙන මිනිහෙක් එක්ක ගියා. මේ මිනිහා බංලෛාත් උණා. බීඹට ඇබ්බැහි උනා. ලොකු කොල්ලා හොරකම් කරලා අහු උනා. මොකෙද්ද ඌ”

“කැම්පස් යාගන්න බැරුව ඉරිසියාවට කියන කතා මේ “

“මූන දැක්කම පේන්නැද්ද කියන කතා විස්වාස කරන් න බැරි බව”

-Bandwagon Policy
බොහෝ දෙනෙකු එය පිලිගන්නා නිසා බොහෝ දෙනා සිදු කරන නිසා තමුන්ගේ තර්කය නිවැරදි බව තර්ක කරයි.

උදා: දෙවියෝ ලෝකෙ මැව්ව බව කීදෙනෙක් නම් පිලිගන්නවද ඔයා පිලිගත්තේ නැතුවට. ඒ ඔක්කොම වැරදිද ??

“ ඔයා ඔහොම කිව්වට ඔය වාදය ලෝකෙ පුරාම අද පිලිගන්නවා හරිද. එ් නිසා ඔය තර්කය වැරදී”

“අපේ භාන්ඩය කී දෙනෙක් නම් මිලට ගන්නවාද? ඒ ඔක්කොටම වරදින්න පුලුවන්ද ? “

-Argument from Antiquity
අතීතයේ සිට පිලිගෙන තිබූ නිසා, පුරුදු කරනු ලැබූ නිසා චාරිත්‍රයක් නිසා මේ දෙය නිවැරදි යැයි පැවසීම.
සෑහෙන කාලයක් තිස්සේ මේක මිනිස්සු පිලිගත්තා. ඉතින් මේක වැරදිනම් ඔච්චර කල් මිනිස්සු පිලිගනීද ?

විවිධ ඇදහීම්, විශ්වාස සියල්ල ඉතිහාසයේ සිට සිදු කර තිබෙන නිසා හෝ චාරිත්‍ර නිසා පිලි ගත යුතුයැයි කරන තර්කය බංකොලොත් තර්කයකි.

-All Natural Fallacy
ස්වභාවිකබව පෙන්වා සත්‍ය බවට තර්ක කිරීම.
‘’මේ කෑම එකට අත්තික්කා, වසාවාසි. ගස්ලබු පිති, හබරල කොල, දුංකොල, නියගලා අල ඔක්කොම දාලා තියෙන්නේ. මේ ඔක්කොම ස්වභාවික දේවල් ඉතින් ගුණ නැද්ද?. ‘’

“ මේ තද කොල පාටීන්ම පේන්නැද්ද මේවා ස්වභාවික පලතුරු කියලා”
Telemarketing බඩු දැක්කහමත් වෙලාවකට ගන්න ඕනේ අදහසක් එන්න මේවගේ කෑලි එකතු කරනවා.

-Argument From Authority
තමුන්ගේ තර්කය වෙනුවට වෙනත් පුද්ගලයකුව ගාවා ගනමින් තමුන් නිවැරදි බව පෙන්වීඹට යාම..

“ඔයා ඔය මොනවා කිව්වත් මම මේ කියන දේවල් විද්‍යාඥයොත් කියලා තියෙන්නේ”
“ඔයා දන්නැතුවට ඔක්ස්ෆර්ඩ් විශ්ව විද්‍යාලේ මයිකල් මයර්ස් කියන විද්‍යාඥයත් මේක පිලි අරන් තියෙනවා. ඉතින් ඔයා කොහොමද වැරදී කියන්නේ ? "

“මේ කතාව අපේ අල්ලපු ගෙදර මිනිහත් කිව්වා. එයාගේ බාප්පා ඩොක්ට කෙනෙක්”

-Appeal to Quantum Physics
තමුන් කියන මොන දේ හරි හරි කියලා පෙන්නන්න විද්‍යාවෙන් කොටසක් ගලපා ගන්නවා. ඒක කිසිවිදියකින් අදාල නැති උනත්. වර්ත මානයේ ආගම් , ජෝතිෂ්‍යයය, වගේ දේ පතුරන අය අතරේ මේක හොදටම දකින්න පුලුවන්. මේ අනුව අසන්නා තුල මේ පවසන දෙයෙහි යම් විද්‍යාත්මක සත්‍යයතාවක් ඇති බව ඒත්තු ගැන්වීඹට උත්සාහ කරනවා.

“ අපේ ආත්ම සම්බන්ධ වීම තමා ක්වොන්ටම් එන්ටෑන්ග්ල්මන්ට් වලින් විස්තර වෙන්නේ. නැතුව වෙන මොකද්ද ? අපේ සිතිවිලි තමයි ක්වොන්ටම් සුපර්පොසිෂන් එකෙන් විස්තර වෙන්නේ “

“ හසන්ත මහත්තයෝ මෙහෙමයි අද භෞතික විද්‍යාවෙත් ජෝතිෂ්‍යය ගැන කතා වෙනවා. අගහරු වලට රොකට් එක යවන්න හොද නැකතුත් හැදුවා මොකද මේ අගහරුගෙන් පිටවන නරක විද්‍යුත් චුම්භක තරංග එක් කාලයකට වැඩි වන නිසා එය යානාවේ ඇන්ජින් එකේ චුම්භක ක්ෂේත්‍රයට හානී කරන්න පුලුවන් නිසා. “

මේ අකාරයෙන් තරක්යක් ගොඩ නගන්න බැරි කක් නැහැ. නමුත් තර්කය ගෙනෙන්නාට හැකි විය යුතුයි ඒ සම්බන්ධය නිවැරදි ලෙස හුවා දක්වන්න. එහොම නැතුව කාන්දමකුයි ගුරුත්වාකර්ෂණයයි දෙකම ආකාර්ෂණ නිසා සමානයි කියනවා වගේ සරල කතා සම්පූර්ණයෙන්ම වැරදී. ග්‍රහලෝක වලින් එන කිරණ, විශ්ව ශක්තිය වගේ මේ නොයෙක් කතා අද කාලේ අහන්න පුලුවන්.

-Weasel Words
තර්කය දිනා ගැනීම සදහා ජනප්‍රිය පොදු වචනයක් භාවිතා කරනවා කොහොමද වෙන්නේ කියලා විස්තර නෙවෙන.

“මේක ගැහුවොත් නම් ඇගට මාර හොදක් තියෙන්නේ ඈ. අරගෙනම බලහන්කො”
“ඔයා මොනවා කිව්වත් මේක ආපු එකෙන් තමා ලෝකෙට මෙච්චර හොදක් වෙලා තියෙන්නේ”

මෙතෙන්දී "හොද" කියන වචනයේ ගොඩක් අර්ත තිබුනත් අහන කෙනා අර කියන කෙනා ඒ කියන්නේ හොදින් යමක් ගැන දැනගෙන බව හිතලා නතර වෙනවා. නමුත් එය නිකම්ම අදහසක් වෙන්න පුලුවන් තර්කය දිනා ගැනීම සදහාම.

මේ වගේ කතා අද සමහර ලිපි ලේකන වල දකින්න පුලුවන් මෙහෙම:
විද්‍යාඥයෝ අද වෙන කොට විස්වාස කරනවා.. ,
බොහෝ දෙනාගේ පිලි ගැනීම තමයි ..
මේ වගේ කතා සමහර විට නිවැරදි විය හැකී. නමුත් තර්කයට අදාලව බැලිය යුතුයි මොහු මේ උත්සාහ ගන්නේ බංකොලොත් තර්කයක් සදහා මේ පොදු වචනයකින් යම් වැරදි අදහසක් ලබා දීමටද බව . ගොඩක් විද්‍යඥයෝ පිලිගන්නවා කිව්වහම සමහරුන්ට හිතෙන්න පුලුවන් මෙයා මේ ගැන සොයලා විද්‍යාඥයෝත් පිලිගන්න නිසා තමා මේ කියන්නෙ නියලා. නමුත් බොහෝ විට කවුරුවත් පිලි නොගන් නදෙයක් වෙන්න පුලුවන්.

-Straw Man Argument
බොහෝම පොදු තර්කන විදිහ. ප්‍රධාන තර්කය අත ඇරලා ඒ මත ඉතාමත් සරල හෝ පහත් තර්කයකට ටික ටික බහිනවා. මේක තේරුම් ගත්තේ නැතුවහම අන්තිමට දෙපාර්ශවයම අර සරලා මෝඩ කතාව ගැනයි අන්තිමේදී තර්ක කර ගන්නේ.

“දැන් නම් රට යන විදිහ නම් හොදම නෑ නේද? “
“ඉතින් මහින්ද ගෙනාපුවහම හරිද ? මහින්ද හොරා”
‘’ කවුද මහින්ද ගේමු කිව්වේ රනිලුත් හොරානේ“
“දැක්කද ඔප්පු කරපන්”
“ඔප්පු කරන්නේ මොකටද දන්නවනේ හැමොම.......”

ඔව් ඔයා තමා දන්නේ ලෝකෙ ගැන. අනේ නිකම් පලයන් යන්න.

-Loaded Question
යම් නියත පිලිතුරු කිහිපයකට සීමා වුනු ප්‍රශ්න කිරීම්
“ කෝ කෝ අවකාශ කාල වක්‍රතාවය පෙන්නහන් බලන්න මෙතන. කෝ පුලුවන්ද බෑනේද හූ...”

“සංසාරය පෙන්නහන් බලන්න කෝ කෝ හෑලි වැඩක් නෑ ?? නෑ නෑ වෙන කතා නෑ පුලුවන්ද බැයිද එච්චරයි. බෑ නේද හූ...... “

“නිවන් අවබෝධ උනා කියන එක මෙතන පෙන්නහන් බලන්න? සමාධිය පුලුවන්ද ?? බෑ නේද ? පට්ටපල් බොරු “
මෙය නඩු දිනා ගැනීම සදහා නීතිඥයන් අතර ඉතා ජනප්‍රිය තර්ක ක්‍රමයකි.
නොබොන මිනිහෙක්ගෙන් :
අරක්කු බොන එක බොට සතුටක්ද ??
නෑ නෑ මේ.....
ආ නෑ ? නේද ඒ කියන්නේ අකමැත්තෙන් උණත් බොනවානේ. ඔයා අරක්කු බොන කෙනෙක්”

-Poisoning the well
තමුන්ගේ මතය දුර්වල උනත් ඒක තමා දැනට පිලිගන්න එක කියලා පෙන්වීම.

“පිස්සෝ විතරයි ඔය කතාව පිලිගන්නේ”

‘’ මම නම් පිලිගන්නවා ඇයි ඔයාට පිලිගන්න බැරි”

“ මේ අර පරන යල්පැනපු කතාවමනේ. ඉන්ජකසන් දෙන්නලු ලෙඩ වලින් වලකින්න නම්” (කවද්ද යල් පැනලා ගියේ ?)

“ මේක පිලිගන්න බැරි තොපි සිංහලයෝ නෙමේ. අවජතක පරයෝ නිසා ”

“ දැන්ම ලමයි හදන්න බෑ?? තමුසේ ලමයින්ට අකමැතියි නේද මෙහෙමත් මිනිස්සු “
මේ නම ඇවිල්ලා තියෙන්නේ යුරෝපයේ මහාමාරිය වසංගතය පැතිරෙන විට යුදෙව්වන්ට විරෝධයක් තිබීම නිසා ඔවුන් ලිං වලට වස මුසු කරන බව එයට හේතුව බව පෙන්වීමට උත්සාහ ගැනීම නිසා. ඒ වන විට වෛරස ගැන දැනුමක් තිබී නැහැ.

-Apeal to Ignorance
සරල එක් තර්ක්යකින් සමස්තයක් මැනීමට යැයි කීම.

“පිටස්වල ජීවියෝ දැක්කද ? සාක්කි තියෙනවද? නෑනේ. ඒ නිසා මේ විශ්වයේ අපි විතරයි ඉන්නේ ඒකේ දෙකක් නෑ. “

‘’අනේ බන් දැන් බලහන් අර හාමුදුරුවො කෙලින පිස්සු. ඉතින් බුද්ධාගම වැරදී”
කෝ මහාමේරු පර්වතය ? නෑ නේද ? ඉතින් බුද්ධාගම බොරු.

‘’ අර දොස්තර කරපු වැඩේ බලහන්. මේ දොස්තරලා අපේ බදු වලින් ඉගෙන ගෙන දැන් හැසිරෙන විදිහ. දොස්තරලා ඔහොමමයි”
"පිරිමි ඔක්කොම එක වගේ"
“ආගම් ඔක්කොම එකයි බන්. ඔයා සමහර උන් බෝම්බත් පුපුරවා ගන්නේ “

-Proof By Verbosity
තමුන් යමක් ගැන හොදින් දන්නා බව හෝ තරක්ය නිවැරදි බව පෙන්වීමට නිමක් නැති වචන ඇද බෑම. අසන්නාට සමහර විට නොතේරෙුනද අනෙකා මේ ගැන හොදින් සොයා ඇති බවක් දැනේ.

දේව බලෙන් ලෙඩ හොද කරන එක වැරදී තියලද කියන්නේ? මේ බලනව මම හොදට හෙයලා තියෙන්නේ.
states that if two bodies are in thermal equilibrium with a third body, they are also in thermal equilibrium with each other. This principle, as noted by James Maxwell in 1872, asserts that it is possible to measure temperature. An idealized thermometer is a sample of an ideal gas at constant pressure. pV=nRT,3.1415926535897932384626433832795028841971693993751058209749445923078164062868998628034825342117067982148086513282306647093844609550582231725359408128481117450284102701938521105559644622948954930381964428810975665933446128475648233786783165271201909145648566923460 Leading scientists once felt strongly that the answer was no. Now they generally accept that there was a beginning to the universe. The Bible said that clearly all along.—Genesis 1:1.
දැන් තේරුනාද ?

-Excluded Extreme
මොකක් හරි බොරුවක් පිලිනොගන්න එකට හේතුව ඊට වඩා පට්ට පල් බොරුවකින් හො සාක්ෂී නොමැති තවත් දෙයකින් සාධාරනය කරන්න යන එක.

මේක නෙමේ නම් පිලිතුර / මේක නිවැරදි නැතිනම් අනික අනිවාර්යයෙන්ම නිවැරදී.

“ඔයාට පිටසක්වල ජීවියෝ අපි අතරේ ඉන්නවා කියලා පේන්නැත්තේ පිටසක්වල ජීවියෝ ඔයාගේ මොලේ වෙනස් කරලා තියෙන නිසා. ඉතින් ඔයාට ඕකම තමා හරි කියලා පේන්නේ”

"බුදුන් ලංකාවේ බව පෙන්වන්න සාක්ෂි නැත්තේ සුද්දෝඒවා ඔක්කොම විනාෂ කරපු නිසා"

“රාවණා ගැන සාක්කි නෑ කියන්න බෑ. සුද්දෝ ඒවා ඔක්කෝම වහලා දැම්මා “

-Red Herring
තර්කය එයට කිසිම විදිහනි් අදාල නැති කතාවකින් යටපත් කරන්න හදන එක.

අයින්ස්ටයින්ගේ සාපේක්ෂතාවාදය මම නම් පිලිගන්නෑ. මොකද අයින්ස්ටියින් කිව්වා නේද විශ්වයම වක්‍රයක ගමන් කරනවා කියලා. ඒක වැරදුනා නේද විශ්වය ප්‍රසාරණය වන බව හොයා ගත්තු එකෙන් ? ඉතින් තවත් මොනවද කියන්නේ?

“සිරිසේන නම් දැන් තනිකර කෙලින්නේ පිස්සු නේද බන් ?
“එහෙම කියන්න එපා ඔයා දන්නවද සිරිසේන කොච්චර සරල ජීවිතයක්ද ගත කරන්නේ කියලා”

විල්පත්තු විනාශයට මුකුත් කරන්න බැයිද අපිට ?
“මේ නිකම් ජාතිවාදේ අව්ස්සන්නැතුව ඉන්නවා උබලා වගේ ජාතිවාදියෝ හින්දා තමා මේ රටට කෙල වෙලා තියෙන්නේ”

‘’ මිනිහා ඕක කලේ නෑ බන් පොරගෙ තාත්තා තමා මෙයා .........
මිනිහා කොච්චර හොද මනුස්සයෙක්ද? ”

-Special Pleading
තර්කය දිනා ගන්න බැරි උනහම ඔප්පු කරන්න බැරි නොදන්නා කතාවක් කීම.

ඔය වනිගසේකර බොරුවක් නෙමෙයි කරන්නේ. මිනිහා විශ්ව ශක්තිය ඔය භාවිතා කරන්නේ . තාම අද විද්‍යාවට බෑ ඕක හොයා ගන්න. පිස්සු නැතුව යමන්.

දෙවියන්වහන්සේගේ බලය විශ්වයේ පැතිරිලා තියෙන්නේ. ඉතින් මේක විස්වාස නොකර ඔයාට තේරෙන්නෑ.”

-Non Sequitur
නොගැලපෙන කොටසකින් තර්කයක් ඔප්පු කරන්න යැම.

“සමහර සිංහල වචන ඇවිල්ලා තියෙන්නේ දෙමල බාසාවෙන් ඉතින් උතුර නිජභූමියක් කියන එක සාධාරනයි”

“ඒඩ්ස් වලට බේත් නෑ. ඉතින් ඕකට හරියන්නෙ මේ වෙදමහත්තයා තමා “
,මෙයාල මේ ගම දෙන්න කියනවා කොහොමද දැන් ගම හදන්න බලාපොරාත්තු වෙන්නේ ?

මේ බලපන් මේ තමා නායක තුමා ඉන්න ගෙදර . තාම ගෙදරවත් හරියට හදා ගෙන නෑ. හොරකම් කරනවනම් මොනවා කරන්න තිබ්බේ නැද්ද. අන්න අවංකව සේවය කරන අය මචන් . ඉතින් ගමයි රටයි හදන එක අහන්න දෙයක්ද ? “

-Argument from Ignorance
තමුන් නොදන්නා දෙයක් නිසා එය නෙත් අයටත් සාධාරණ බව පවසා තවත් දෙයක් හරි යැයි කීම.

“කාන්දම් වැඩ කරන හැටි ඹට නම් තේරෙන්නේ නෑ. ඉතින් මම හිතන්නෑ ඕක වෙන කාටවත් තේරෙයි කියලා ? ඒ කියන්නේ මේව මවපු කිසියම් බලයක් තියෙනවා කියන එක “

“ඔය ප්‍රමේයය ඔප්පු කරන්න මම ත් බැලුවා ඕක කාටවත් විසදන්න බෑ. ”

"විද්‍යාවෙන් හැම දේම ඔප්පු කරන්න බෑනේ ඒ නිසා අපිට පිලිගන්න වෙනවා වෙන විශ්ව බලයක් තියෙන බව “

විද්‍යඥයෙක් වෙනනේ කොහොමද

අයින්සටයින් ඉස්සර කෝච්චියේ වැඩට යනවා. යන කොට නරගය මැද තියෙන ඔර ලෝසු කනුව පේනවා. දවසක් අයින්ස්ටයින් හිතුවා මම බැරි වෙලාවත් මේ කනුවේ ඉදන් ඈතට මේ කෝච්චියේ ආලෝකයේ ප්‍රවේගයෙන් ගියොත් මොනවා වෙයිද කියලා.( ඒ වෙන කොට ආලෝකයේ ප්‍රවේගය නියතයක් බවට පර්යේෂන සාධක තිබුනා. ) එහෙම උනොත් එහෙම මම කොච්චර දුර මේ ඔරලෝසු කනුවෙන් ඈතට ගියත් මට හැම වෙලේම එකම වෙලාව තමයි පේන්න ඕ නේ. මොකද ආලෝකයත් සමගම ඔහුත් ගමන් කරන නිසා. විකාරයක් වගේ පෙනුනට ඔහු නිකම් හිටියේ නෑ. ආලෝකයේ ප්‍රෙවේගයෙන් ගමන් ගන්න වස්තු වල කාලය ගත වීම ශුන්‍යය විය යුතු බව ඔහු නිගමනය කලා. අවසානයේ පර්යේෂණ වලිනුත් ඔප්පු උනා.

අයින්ස්ටයින් ආයේ මෙහෙම කිව්වා. ලිෆිට් එකේ යන කොට දැනෙන ත්වරණය වගේම තමා ගුරුත්වයෙදිත් දැනෙන්නේ. ඉතින් නොදන්නා කෙනෙකුට මේ ත්වරණය ලිෆ්ට් එකෙන් එනවද නැතිනම් ගුරුත්වයෙන් එනවද කියලා හොයා ගන්න බෑ. ඊට පස්සේ වැඩිදුර හිතුවා ඒ විතරක් නෙමෙයි මේ ලිෆිට් එක අධික වේගයෙන් ත්වරණය උනොත් එහි සිට දකින ආලෝක තරංග කොහොම පෙනෙයිද ? සාමාන්‍යයෙන් අප බෝලයක් සෘජුව විසි කලත් අපට පෙනිය යුත්තේ වක්‍රාකාර මාර්ගයක. එම නිසා අධික ගුරුත්වයකදී ආලෝක තරංගත් වක්‍රවී පෙනිය යුතුයි. මේ හිතලුව අනුව ඔහු නිගමනය කලා ආලෝක තරංග ස්කන්ධයන් හමුවේ වක්‍ර විය යුතු බව.( වැඩි ස්කන්ධය = වැඩි ගුරුත්වය) ඔන් න අවකාශ කාල වක්‍රතාව එලියට ආවා. නැවතුනේ නිව්ටන්ගේ ගුරුත්වාකර්ෂණ නියමයෙන් විසදිය නොහැකිව තිබුනු ගැටලුත් විසදලා.

සෘණ සංඛ්‍යා ගණිතයට හදුන්වාදීමෙන් පසු ගණිතඥයන්ට ගැටලුවක් ආවා X^2+1 = 0 වගේ ශ්‍රිතයක් කොහොමද විසදන්නේ කියලා. ඇත්තටම පිලිතුරු නැති ගැටලුවක්. ඔවුන් උතාස කරලා කරලා බැරිම තැන ඒක අත ඇරලා දැම්මා. මතක විදිහට රෙනේ ඩෙකාර්ට් පසු කාලෙක කිව්වා මෙහෙමයි මේකට විසදුමක් නැතුව නෙමෙයි . විසදුම තියෙන්නේ මේ අපි දන්න තලයේ නෙමෙයි කියලා. ඔහු ඒ සම්බන්ධ සංකීර්ණ සංඛ්‍යා සම්බන්ධ විසදුමක් හැදුවා. ඒ සමග අර විසදිය නොහැකි වුනු සමී කරන සියල්ලටම විසදුමක් ආවා. විසදුම තිබුනේ වෙනත් තලයක . අද භෞතික විද්‍යාවේදී මෙම සංකීර්ණ සංඛ්‍යා කොතරම් වැදගත්ද කියලා දන්න අය දන්නවා ඇති.

‍මේ වගේ කතා ඕන තරම් තිබෙනවා ඉතිහාසයේ.

දැන් මේ සිදුවීම් දිහා බලන්න. එක විදිහට සාමාන්‍යය සිදුවීමක් හෝ නැතිනම් අමුතු සිදුවීමක් වෙනත් කෝණයකින් බැලූ විට එය හැම අතින්ම සාධාරණ තත්වයකට පත් වෙනවා විතරක් නෙමෙයි ප්‍රයෝගික වටිනා කමකුත් එක් කර දෙනවා.

බටහිර විද්‍යාවේදී යම් දෙයක් ඇයි මේ දේ කියන එකට පිලිතුරක් නැහැ. ඔවුන්ට එය හොයන්නත් බැහැ. නමුත් අපි බලමු අපේ බුදු දහමේ එන අඥ්ගඥ්ඤ සූත්‍රය දිහා අඥ්ගඥ්ඤ සූත්‍රය අනුව සත්ත්වයා පහල උනාට පසුව තමා අනෙක් සියලු දේ ලෝකය මත ඇති උනේ . ඉර හද තරු පවා. මේක දිහා අපි කොහොමද දැන් බලන්න ඕනේ. අයිනිස්ටයින් වගේ බලන්න ට්‍රයි කරනවාද නැතිනම් අනේ බිග් බෑන්ග් එකෙන්නේ විශ්වය පටන් ගත්තේ කියලා හබල් කියලා තියෙවනේ මේවා නිකම් බොරු කතා කියලා හිතා ගන්නවද ?

නමුත් මෙහෙම බැලුවොත් . සත්ත්වයා කියන්නේ තනිකර හදුනා ගැනීම් නැතිනම් තොරතුරු මත යැපෙන සත්තවයෙක්. ඉර හද වේවා, ගුරුත්වය වේවා, කාන්දම් වේවා, පෙනෙන දේවල්, අපේ සිරුර, අපේ ඉන්ද්‍රිය , අපිට දැනෙන් දේවල් , හැගෙන දේවල් මේ සියල්ල අපිට තොරතුරු. ඉතින් තොරුතුර කියන ඒවා කාලයත් සමග වෙනස් වෙනවා. අපි වැඩි පුර තොරතුරු ගන්න ගන්න මේ තොරතුරු වෙනස් වෙනවා. තොරතුරු වෙනස් වෙනවා කියන කොට සත්ත්වයාගේ ඇගත් වෙනස් උනා කිව්වට කමක් නෑනේ නේද? ඇයි ඇග කියන එකත් සත්ත්වයට තොරතුරක්. ස්පර්ශයත් තොරතුරක්. වේදනාව තොරතුරක්. ඉතින් දීර්ග කාලයක් මෙහෙම යනකොට අර යම් යම් දේ සත්ත්වයාට සාපේක්ෂව සකස් වෙලා තියෙන බව පේනවා. ඒ හැම දෙයක්ම සත්ත්වයාට සාපේක්ෂවයි. ඉර පහල උනා කියලත් දකින්න පුලුවන් . සද පහල උනා කියලත් දකින්න පුලුවන්. තරු පහල උනා කියලත් දකින්න පුලුවන්. කාන්දම් යකඩ වලට ඇලෙනවා කියලත් දකින්න පුලුවන්. තමුන්ගේ තොරතුරු වලට සාපේක්ෂව ඩී එන් ඒ යනුවෙන් යමක් පවා පරිණාමය වී ඇති බව දකින්න පුලුවන්. මේ තමයි සංකල්පීය පරිණාමය. (මේ නම මම දැම්මේ අවශ්‍ය නම් වෙන හොද නමක් දා ගන්න :) )

දැන් බලන්න අර මුලින් මම අග්ගඥ්ඤ සූත්‍රය ගැන කියපු කොටසේ ඉර හද පහල උනෙත් සත්ත්වයාට පසුව කියන එක එතෙන්දී කොච්චර වෙන්න බෑ වගේ දැනුනනත් දැන් වෙන කොට වෙනසක් තියෙනවා නේද ? ඔය කතාව නේද මේ සූත්‍රයේ පැහැදිලි කරලා තියෙන්නේ ?? (ඇත්තටම වුනු සිදුවීමත් මේකම තමයි නමුත් අවශ්‍ය නම් මේ ගලපා ගත්තු කතාවක් කියලා ගන්නකො. ඒත් කමක් නෑ)

නමුත් අපි හබ්ල් ගේ කතාව අල්ලාගෙන ඒකෙන් මේක මනින්න ගියා නම් මේක විකාරයක් නේද ? ඔන්න ඔය නිසා තමා බටහිර විද්‍යා කියන වචනයක් මේ අපෙත් සමහර අය භාවිතා කරන්නේ. ඒක ගැලපෙන්නේ නැහැ අපේ සමහර චින්තනයන් සමග . අපේ සංස්කෘතියේ සමහර දේ සමග. දැන් අපේ අය මොකද කරන්න ඕනේ මේ වගේ දෙයක් දැක්කහම? සසරින් ගැලවෙන්න අවශ්‍ය අය ඒ ගැන තවත් සිත පහදවාගෙන එතනින් යන්න. අනිත් අයට බැයිද අර බටහිර විද්‍යාවට බැරි උනු මේ බලය ඇති උනු ආකාරය වගේ දේවලට මෙතනින් පිලිතුරක් සපයන්න ?? පිලිතුරක් සපයන්න විතරක් නෙමෙයි ප්‍රයෝගික ප්‍රතිපල වලට පවා යන්න පුලුවන් :)

දැන් කෙනෙක් කියයි . ආ එහෙම නන් ඉතින් දෙය්යන් වහන්සේවත් සාධාරනේ කරන්න පුලුවන්නේ කියලා. එකක් තමා ඒක බෑ. හරි ඒත් පුලුවන් නම් කරන්න. කරලා බලමු. මොකද්ද සාර්ථක කියලා. කවදා හරි දවසක් හරි එක මොකද්ද කියලා ප්‍රත්‍යක්ෂම වෙයි. නමුත් එතකම් හරි අපිට පුලුවන් අන් දැනුම් පද්ධති අභිබවා යන්න මෙන්න මේ විදිහට හිතුවොත් ( මොකද අපේ දැනුම ප්‍රත්‍යක්ෂයන් මත ගොඩ නැගුනක් වීමත් විශෞෂයි) අද එක තැන පල්වෙන විද්‍යාවත් එක්ක අපිත් පල්වෙන්න ඖනෙ නෑ. මැරෙන්න ඉස්සෙල්ලා යුරෝපාවල ඉදන් බ්‍රහස්පතී පායන හැටි බලන්න අපිත් ආසයිනේ. අපේ චක්‍රාවාටෙම එහා කොනේ තනිකර ග්‍රහලෝකයක්ම වෙන් කරලා තියෙනවලු එන්ජෝයි කරන්න විතරක් .

වැදගත්ම දේ නිර්මාණශීලීත්වය සදහා අමුද්‍රව්‍ය සකසා ගන්න එක. ඒවා නැහැ විද්‍යා පොත්වල. හබල් ගේ කතා වල ඒවා නැහැ. සාපේක්ෂතාවාදයෙන් මිනිහෙක් නිර්මාණශීලී වෙන්නේ නැහැ. 

වෙන්නේ මොනවායින්ද ? කතන්දර වලින් , සින්දු වලින් , ජාතක කතා වලින් , ජන කතා වලින් වගේම වෙනත් විග්‍රහයන් තුලින් පමණයි. බුදු දහමේ තිබෙන මේ යම් යම් සිදුවීම් අපිට හොදට යොදා ගන්න පුලුවන් නව දැනුමක් නිර්මාණය කරන්න. අනිත් එක බුදු දහමේ යම් සංසිද්ධි අපිටම විස්තර කරන්න පුලුවන් දැනුමකුත් ලබා ගන්න පුලුවන්. ගැටලුව වෙලා තියෙන්නේ බටහිර දැනුමින් එය සෘජුවම ප්‍රතික්ෂේප වීම. ඒක නිසා මේ විද්‍යාව කියන එක හොදින් තේරුම් ගන්න. අනිත් දවසේ අඩේ විද්‍යාවේ මෙහෙමයි උබලගෙ මෙහෙමයි කිව්වහම අවශ්‍ය උත්තර දෙන්න. මේක කුඩා දරුවාගේ ඉදන් හැමෝටම කියලා දෙන්න.

හැම දේටම වඩා බුද්ධිමත්ව ලෝකය දිහා බලන එකත් ඊටත් වඩා නිර්මාණශීලීත්වයත් හරිම වැදගත්.

Imagination is more important than knowledge. Knowledge is limited. Imagination encircles the world
-අයින්ස්ටයින්

වතුරට මතකයක් ?

කවුරු හරි ඉලෙක්ට්‍රොණික් අන්වීක්ෂයකට එහෙම ඇක්සස් තියෙන කෙනෙකුට මේ පර්යේෂනය නැවත කරන්න බැරිද ?

1999 Masaru Emoto කියන ජපන් විද්‍යාඥයා විවිධ තැන් වලින් ලබා ගත් ජල සාම්පල ශීත කරපුවම සැදෙන ක්‍රිස්ටල්ස් (ස්ඵටික) එකිනෙකින් වෙනස් බව පෙන්වුවාලු. නමුත් විශේෂත්වය වන්නේ මිනිසුන්ගේ සිතිවිලි වලට සාපේක්ෂවත් ජලයේ සෑදෙන ස්ඵටික හැඩයන් වෙනස් වෙන බව ඔහු පැවසීම. ඒ කියන්නේ සිතිවිලි අනුව ජල අනු වෙනස් වන බව.
මොහු මේ ගැන පර්යේෂන වාර්තාවකුත් ඉදිරිපත් කරලා තියෙනවා. එයට සම්බන්ධ ඡායාරූප කීපයක් තමයි පහල පෙන්වනවා කියලා කියන්නේ. මේ ඔහු ගැන විකිපීඩියා පිටුව (https://en.wikipedia.org/wiki/Masaru_Emoto) හොද සිතිවිලි වලට හැඩවත් ස්ඵටික හැදෙන බව ඔහු කිව්වා. නමුත් මෙයට අනෙක් විදාඥයන් විරුද්ධ උනේ ජලයට ම.කයක් තිබිය නොහැකි බව කියමින්. නමුත් මම දැකපු විදිහට ඔහුට ගොඩක්ම විරුද්ධව පල කරලා තිබුනු අදහස පාලක පර්යේෂනයක් නොතිබීම. මේ රැෂනල් විකියේ තර්කය (https://rationalwiki.org/wiki/Masaru_Emoto) . නමුත් අපි සාමානයෙන් දන්න විදිහට මෙහෙම සරලව නෙමෙයි ඔවුන් ප්‍රතිතර්ක ගෙනෙන්නේ. මෙයටම සාපේක්ෂව 1998 වගේ හෝමියෝපති වෛද්‍යවරුන් පිරිසක් විසිනුත් මෙවැනි අදහසක් ගෙන ආ බවත් එය සම්පූර්ණයෙන්ම නිෂප්‍රභා කර දැමූ බව පැවසෙනවා පර්යේෂන මගින්ම විශේෂයෙන්ම ජල අනු යනු නිසල නොවන දේ යන්න ගැනීම මගින්ම. නමුත් Masaru_Emoto ගේ පර්යේෂනය ට වඩා ටික්ක වෙනස් බවයි පෙන්නේ. ඔහු මේ බව යම් යම් ධාන්‍ය ඇට ඇසුරෙන්ද පෙන්වා තිබෙන බවක් දුටුවා. මේ පර්යේෂන යූටුයුබ් හි සමහරුන් කරමින් එය සත්‍යයක් බව පෙන්වන ආකාරයත් දැකිය හැකියි. සිතිවිලි මගි්න් හා සිතිවිලි හා බැදුනු කටහඩ මගින් ජල ස්ඵටික වෙනස් වේද? කියන එකයි පර්යේෂනය විය යුත්තේ. පාලක පරීක්ෂණයක් තියා ගන්න අමතක නොකර හොද අන්තීව්ක්ෂයක් තියෙනවානම් පහසුවෙන් කල හැකි පර්යේෂනයක් නිසා කරලා අපටත් විස්තර කියන්න පුලුවන් කෙනෙක් ඉන්නවා නම් හොදයි :)

Masaru_Emoto නිවැරදි බව හා ඔහුගේ විස්තර ඇතුලත් ඔහු වෙනුවෙන් නිමැවුනු වෙබ් අඩවිය ට මෙතනින් යන්න පුලුවන්. https://www.masaru-emoto.net/en/

water memory කියලා ගැහුවම ගොඩක් ලිපි එයි.
‍මේ 2015 නැවතත් ජරමන් විද්‍යාඥයකු මෙය සත්‍ය බවට කරපු ප්‍රකාශයක් https://www.collective-evolution.com/…/study-shows-water-h…/

‍මේ යූටුයුබ් https://www.youtube.com/results?search_query=water+memory

ජනප්‍රිය ඉංග්‍රීසි ළමා ගී වල අදුරු ඉතිහාසය

1558-1603 කාලය තුල බ්‍රිතාන්‍යයේ රජකම් කල පලවෙනි එලිසබෙත් රැජිනියගේ පාලන කාලය බ්‍රිතාන්‍යයට බොහෝ සෙයින් අපල කාලයක් විය. වෙනත් රටවල් සමග නොනවතින යුද්ධ කෝලාහල මෙන්ම එලිසබෙත්ගේ දරුනු රාජය පාලනයද රටවැසියාගේ අවාසනාවම විය. කසපහර දීම, ප්‍රසිද්ධියේ නිරාහාරව තැබීම , පන පිටින් පුලුස්සා දැමීමේ සිට නටන තෙල්වල හෝ ඊයම් තුල බැස්වීමේ දක්වා අතිශය කෲර වධ බන්ධන විවිධ වැරදි සදහා ගැහැණු පිරිමි භේදයකින් තොරව සැකකරුවන් ලක්වීම එකල සුලභ කරුනක් විය.

ස්පාඥ්ඥය නෞකා 130 පමන සමන්විත දැවැන්ත හමුදා බල ඇනියක් එංගලන්තය ආක්‍රමනය සදහා පිටත් වූයේද මෙම සමයෙහිදීමය . මෙඩීනා සෙඩෙනියා නම් ආදිපාද වරයකු යටතේ පිටත් වුනු මෙම හමුදාවට පහසුවෙන් බ්‍රිතාන්‍ය සතු කුඩා නෞකා හමුදාව පරාජය කිරීමේ හැකියාව පැවතුනද අවසානාවන්ත කාලගුණය හමුවේ ඔවුන්ට මුහුණ දීමට සිදුවූයේ හාත්පසින්ම වෙනස් වුනු අද්දැකීමකටය . දරුනු කුනාටු හමුවේ සී සී කඩ විසිරුනු ස්පාඥ්ඥ නැව් හමුදාවට බ්‍රිතාන්‍යය සතු කුඩා නෞකා බලකායේ ප්‍රහාරය දරා ගත නොහැකි විය. අවසානයේදී ඉතිරි නෞකා 65 ක් සහ දහ දාහක පමන බල ඇනියක් පරාජය හමුවේ නැවත ස්පාඥ්ඥයට පලා ගියහ. මේ කතාව බොහෝ දෙනෙකු නොදන්නවා විය හැකි නමුත් මෙම සිදුවීමට අදාල සින්දුවක් අප සියලු දෙනා කුඩා කල සිටම ගායනා කර ඇත. එනම් rain rain go away සින්දුවයි. ස්පාඥ්ඥ පරාජය පිලිබද මතකය බ්‍රිතාන්‍යය ගැමියන් අතර මතකයක් වී තිබුනේ ඒ ආකාරයෙනි.

Rain rain go away,
Come again another day.
Little Johnny wants to play;
Rain, rain, go to Spain,
Never show your face again!

1307-1327 බ්‍රිතාන්‍යයේ රජකම් කල දෙවන එඩ්වර්ඩ් රජ සමයේ බැටලු ලෝම් සහ ඒ ආශ්‍රිත නිශාපදන සදහා ඉතා විශාල වෙළද පොලක් පැවති සමයක් විය. යුරෝපයේ හොදම බැටලු ලොම් එංගලන්තයේ නිස්පාදනය වුවද හොදම බැටලු ලොම් ආශ්‍රිත රෙදි පිලි නිර්මාණ කරුවන් සිටියේ බෙල්ජියමේ විය. හොදම බැටලු ලොම් සකසන්නන් වර්ණ ගන්වන්වන් සිටියේ ප්‍රංශයේ විය. බා බා බ්ලැක්ෂිප් ගීතය සදහා මුල් වී තිබුනේ මෙම සිදුවීමයි. පලවන එඩ්වර්ඩ් රජු සමයේදීම මෙම වූල් ව්‍යාපාරය සදහා සියලුස්‍ම වරායන් වලින් බදු ගැසීම ආරම්භ කල අතර මෙම නිසා නිෂ්පාදකයාට අයත් ලාභයෙන් වැඩි කොටසක් රජු සහ පල්ලිය අතර බෙදී ගියේය. සින්දුව මෙම අසාධාරන බදු සදහා කරනු ලබන විරෝධයක් වැනිය. මෙහි මාස්ටර් වන්නේ එඩ්වර්ඩ් රජු වන අතර අවසානයේ little boy වන්නේ නිෂ්පාදකයාය.

Baa, baa, black sheep,
Have you any wool?
Yes, sir, yes, sir,
Three bags full;
One for the master,
And one for the dame,
And one for the little boy
Who lives down the lane.

ප්‍රංශයේ රජකල 15 වන ලුවී රජු සහ හුගේ බිසව මාරි ඇන්ටනෙටේ ඔවුන්ගේ පාලන සමය තුල දීම බලයෙන් පහ කර දමන්නේ එරට ජනතාව විසින් ඇති කල කැරැල්ලක් මගිනි. ලොව ප්‍රතම විප්ලවය සටහන් කල මෙම සිදුවීම මේ අවසානයේ රජු සහ බිසවගේ හිස ගසා දමනු ලබන්නේ විප්ලවය සදහාම නිපදවුනු ගිලටීනය මගිනි. ජැක් ඇන්ඩ් ජිල් ගීතයෙන් විස්තර වන්නේ මේ සිදුවීමයි.

මෙහි ජැක් යනු ලුවිී රජු වන අතර ජිල් මේරි බිසවයි. ඇය බොහෝ සෙයින් ජනප්‍රිය පාන් නැත්තම් කේක් කාපියව් යැයි පැවසූ බවය. නමුත් මෙම ප්‍රකාශය ඇය විසින් සිදු නොකල බවට පසුව ඔප්පු කරන ලදී. මෙය 1770 පමන කිසිවකු විසින් ඇය සිදු කලා යැයි ප්‍රකාශ කලත් ඒ වන විට මේරිට අවුරුදු දහහතරක් පමනක් වි. ඇය පසුකාලයේදීද රටවැසියාගේ දුක දැක බොහෝ සුභාසාදක කාර්යයන් සදහා දායක වී ඇති බවද නොරහසකි.

ගිලටීනයෙන් හිස සිදීමෙන් පසු හිසකෙස් වලින් හිස ඔසවා ප්‍රදර්ශනය කිරීමද වධකයාගේ කාර්යය භාරයකි. තත්පර අටකින් පමන හිස සුන් සිරුර නිසල වීමෙන් පසු හිස අත හරිනු දමයි. ගීතයේ අග කොටස පසු කලෙක ළමුන් සදහා වෙනස් කර ඇතැයි සිතිය හැක.

Jack and Jill
Went up the hill
To fetch a pail of water
Jack fell down
And broke his crown,
And Jill came tumbling after.

බ්‍රිතාන්‍යයේ රජකම් කල පලවෙනි මේරි බිසවට යෙදෙන තවත් අනුවර්ත නායමයක් වනුයේ බ්ලඩී මෙරි යන්නයි. අතිශය කෲර සහ සාහසික කාන්තාවක් වුනු ඇය විනෝදය පිනිසද වධ හිංසා ලබා දුන් ගැහැනියක විය. රෝමානු කතෝලික ආගමට සහය දැක්වූ ඇයගේ පාලන සමය තුල හතරවන එඩ්වර්ඩ් රජු විසින් සහය ලබා දුන් ප්‍රොතෙස්තන්ත ක්‍රිස්තියානි ආගම ඇදහීම තහනම් වුනු අතර එසේ ඇදහූවන් නොයෙකුත් වධ බන්ධන මද්‍යයේ මරණයට පත් කරන ලදී. මුල් කාලයේම සිය ගනන් ප්‍රෙතෙස්තන්ත කරුවන් පනපිටින් පුලුස්සා මරා දමන ලදී.

Mary Mary quite contrary,
How does your garden grow?
With silver bells and cockle shells
And pretty maids all in a row.

මෙහි silver bells and cockle shells යනු විවිධ වධක උපකරණයි.මෙහි Maiden ්‍යනු ගිලටීනයේ මුල් නිර්මාණයයි. පසුව එය ගිලටීනය ලෙස බහුලවම භාවිතා වූයේ ප්‍රංශයේ හා ස්කොට්ලන්තයේය. මේරිට පසුව රජවුනු පලවෙනි එලිසබෙත් විසින් නැවතත් ප්‍රෙතෙස්තන්ත ආගමට මුල් තැන ලබා දෙමින් කතොලිකයන් ඝාතනය කරන ලදී.

මෙම ගැමි ගීත ඒකාලයේ රජය පිලිබද විරෝධතාව සහ අනතුරු පිලිබදව අනෙක් අය දැනුවත් කිරීමේ අහිංසක මාධයයක් විය. ලෙහෙසියෙන් මතක තබා ගත හැකි වචන සහ කෙලින්ම රාජ්‍යයට විරුද්ධත්වය ප්‍රකාශ කිරීමක් සිදු නොකිරීමත් නිසා ආරක්ෂාකාරීව සහ පහසුවෙන් මේවා ජනයා අතර පැතිර ගියේය. අද කාලේයේ හාස්‍යය ජනක ලෙස පැතිරෙන දේශපාලනික අන්තර්ජාල මෙමෙස්ද මෙහිම ප්‍රතිරූපයක් විය හැක. :)

ලන්ඩන් පාලම බ්‍රිිතානයේ අගනුවර ඓතිහාසික සලකුනකි. පලමු ශතවර්ශයේ රෝමනු ආක්‍රමිනකයින් විසි ගොඩ නැගුනු මේ පලම ඒ වන විට ගීතයේ පැවසෙන ආකාරය ගොඩ නැතුනේ ලී වලින් සහ අනෙකුත් එහි සදහන් ද්‍රව්‍යය වලිනි. නොයෙකුත් ආපදා වලින් හානි වෙමින් තිබුනු මෙම පාලම දහවන ශතවර්ශයේ සිදුවුනු වයිකින් ආක්‍රමනය හමුවේ සම්පූර්ණයෙන්ම විනාෂ වී ගියේය. 11 වන ශතවර්යේ දී නැවතත් ගොඩ නැගුනු මෙම පාලම මෙවර ගොඩ නැගුනේ ගල් වලිනි. අවුරුදු තිස් තුනක් පමන ගතවුනු අඩි තිහක් පමන පලල මෙම නිර්මාණය ඉන් ලංඩනයේ ප්‍රදාන වෙළද පොලක්ද විය. රන් හා රිදී විකිණුම් ගැනුම් ස්ථාන පාලම මත තට්ටු ගණන් උසට පිහිටුවා තිබුනු වෙලද ස්ථාන හරහා සිදුවිය. මෙහි පිවිසුම් දොරටුව රාජ්‍ය විරෝදීන් ගේ කපා දැමූ අලුත් හිස් සවිකල හෙල්ල වලින් අලංකාර වී තිබුනි. වසර ගනනකට පසුව පාදම් දුර්වල වී තිබුනු මෙම පාලම විශාල ගින්කට හසුවුනු අතර වෙලද මද්‍යස්තාන ඉන් පසු අයිතිකරුවන් විසින් අත හැර දැමුනි. නැවත වරක් මෙම පාලම වර්තමාන තත්වයෙන් ගොඩ නැගෙන්නේ 1920 දී පමනය.

ලන්ඩන් බ්‍රිජ් ගීතය මෙම පාලමේ වැටීම් හා නැගීම් අලලා මිනිසුන් විසින් නිර්මාණය කරනු ලැබී ගීතයකි.

London Bridge is falling down,
Falling down, falling down.
London Bridge is falling down,
My fair lady.

බ්‍රිතාන්‍යයේ රජකම් කල දෙවන හෙන්රි රජු සහ ඔහුගේ බිසවට වුන් රැකි කතෝලික සම්ප්‍රදාය ඉදිරියට රැගෙන යාම සදහා පුතකු බිහි කිරීමට අසමත් විය. මේ නිසා ඔවුන් සිදු කරන්නේ වෙන් ගැහැනියකගේ දරුවකු පැහැර ගෙන විත් තමුන්ගේ ලෙස පෙන්වීමයි. නැතිනම් නෙදර්ලන්තයේ සිට හමන ප්‍රෛාතෙස්තන්ත සුලග? මගින් තොටිල්ල බිම දමනු ඇත. රොක්බයි බේබි ගීතයේ මූලය මෙයයි.

Rock-a-bye baby
On the tree tops,
When the wind blows,
The cradle will rock
When the bough breaks,
The cradle will fall,
and down will come Baby,
Cradle and all.

මෙම ගීයට තවත් මුල් ඉතිහාස දෙක්ක තිනෙ අතර එකක් අමෙරිකානු සම්භවයක් වන අතර අනෙක් අගුරු නිෂාපදනය කරමින් විශාල ගස ජීවත් වුනු පවුලක් පිලිබදවත්ය.

එංගලන්තයේ මීට වසර 400 පමන පෙර සිර කදවුරක ගැහැනු සිරකරුවන් මරා දැමුවේ මල්බෙරි ගසක් අවටය. එම නිසාම හියර්වී ගෝ එරවුන්ඩ් ද මල්බෙරි බුෂ් ගීය තැනී ඇති බව පැවසේ. ( by R. S. Duncan)

baba black sheep , twinkle twinkle little star , a,b,c,e,f,g සින්දු තුනටම පොදු ලක්ෂනය කුමක්ද ? ඒවා තුනේම තාලය සමානය.
‍
මේ ආකාරයටම ලංකාවේ කොපර කොපර පිපිඤ්ඤා ගීතයට හා තවත් ගීත කීපයකට මෙවැනි අදුරු පසුබිම් ඇති බව අසා ඇති නමුදු දැනට මතකයේ නැත.

යුනිට් 731 (සංවේදී අය සදහා නොවේ)

“තිස් හැවිරිදි වියේ පමන වුනු තරුණයකු ඇද මත හොවා තදින් ගැට ගසනු ලැබුනි. සුපරුදු ලෙසම නිර්වින්දක භාවිතා කිරීමක් නොමැත. අවට සිදුවන ක්‍රියාවන්හි අරමුණ ගැන වැටහීමක් නොමැති වුවද මේ තමුන්ගේ අවසානය විය යුතු බව ඉවෙන් මෙන් දැනුනු නිසාදෝ ඇතිවුනු භීතිය තරුණයාගේ මුහුනින් පිළිඹිබු වේ. ප්‍රදාන වෛද්‍ය වරයා සැත්කම් පිහිය ගනිත්ම හු බැමි වලින් මිදීමට දැවැන්ත උත්සාහයක් ගත්තද එය අසාර්ථක විය. සැත්කම් පිහිය සෙමෙන් ඔහුගේ පපු ප්‍රදේශයෙන් ඇතුලු වී බඩ දක්වා කැපුමක් ඇති කරන්නට විය. දරා ගත නොහැකි. අදික වේදනාවෙන්මර හඩ නැගූ ඔහුගේ හඩ ගලා යන රැධිරයද සමග කෙමෙන් නිසල විය.”

“ශාලාවට අප සැම රැස් කරවූ ඔවුන් අප ඉදිරියට සිරකරුවන් දෙදෙනෙකු ගෙන එන ලදී. අපගේ ඇස් පනා පිටම වුන්ට වෙඩි පහර බැගින් එල්ල කලේය. අනතුරුව තවමත් පන තිබෙන සිරකරුවන් පසෙකින් පිහිටි සැත්කම් කාමරයට ගෙන ගොස් වැදුනු උන්ඩ දෙක එලියට ගැනීමට අපට නියම කලේය. නිර්වින්දක නොමැතිව සිදු කරන්නට නියම වුනු මෙම කාර්යය නවකයන් වුනු අපට මෙය එදින දැඩි කම්පනයක් ඇති කලත් පසුව කෙමෙන් කෙමෙන් සාමාන්‍ය දෙයක් බවට පත්විය.”

ඔබ මේ කිව්වේ අලුත් හොරර් ෆිල්ම් එකක හරි සිදුවීම් දෙකක් ගැන කියලද හිතන්නේ ? නැහැ. 189 4 චීනයේ කුයින්ග් අධිරාජ්‍යය සහ ජපන් අධිරාජ්‍යය අතර වර්තමාන කොරියාව සම්බන්ධයෙන් විශාල ගැටුමක් හට ගන්නවා. යුදස්ධය අවසන් වන්නේ කුයින්ග් අධිරාජ්‍යයේ කොටසක් ජපානය සතු කරමින් සහ ජපායනට ජය ගෙන දෙමින්. කොරියාව , තායිවානය , කහ මුහුද ආහ්‍රිතව ඇතිවන මේ ගැටුමෙදී ජපානය චීනය සතුවුනු මැන්චූරියාව නම් ප්‍රදේශය අත්පත් කර ගන්නවා. ඉන්පසු පුරා දශක තුනක් පමනම මේ ප්‍රදේශයේ අණසක පතුරවන්නේ ජපනුන්. මැන්චූරියා ප්‍රදේශය දුප්පත් ගොවීන්ගෙන් සමන්විත මිශ්‍ර ජනවර්ගය සිටි පලාතක්. වැඩිපුර චීන ජාතිකයන් සමග රැසියානු සහ මොන්ගෝලියානු ජාතිකයන්ද මේ පලාගේ ජීවත් වුනා. 1931 වසරේ චීනයත් එක්ක එතෙක් පැවති යුද්ධයේ පියවරක් එක් චීන හමුදා නිලධාරියකුගේ බෝම්බ ඇටවීමේ ක්‍රියාවක් නිසා ජපානය මැන්චූරියාව චීනයෙන් වෙන් කර වෙනම ප්‍රාන්තයක් ලෙස පාලනය කිරීමට පටන් ගන්නවා. 1925 දී පලවෙනි ලෝක යුද්ධයේ අද්දැකීම් අනුව නිකුත් වුනු ප්‍රඥ්ඥප්තියක් අනුව ජීව විදයාත්මක අවි නිපදවීම තහනම් කෙරුනත් . චීනුන් වැනසීමේ අරමුණින් සිටි ජපනුන් විසින් 1937 වර්ෂයේදී පමන මැන්චූරියාව පෙදෙසේ ජලපිරිපහදු කම්හලක් ලෙස අගවමින් ජීව විද්‍යාත්මක අවි පිලිබද පර්යේෂණ සිදු කිරීම සදහා විශාල පර්යේෂණා ගාරයක් රහසිගතව ආරම්භ කරනවා. 1941 දී මෙයට යුනිට් 731 යන නම ආරූඨ වනවා. මුලු ලේාකයේම මෙම ම්ලේච්ඡ පර්යේෂනා ගාරය අද කාලයේ ප්‍රසිද්ධ මෙම නාමයෙන්. මෙහි ප්‍රධාන තැන ගන්නේ හිරෝඉෂි නම් දක්ෂ ජපන් අණදෙන නිලධාරී වරයෙක්. ඔහු දක්ෂ වෛද්‍යවරයෙක් මෙන්ම භෞත චිකිත්සකවරයෙක්. මෙම විශාල පර්යේෂනාගාරයට ප්‍රධානම හේතුව වන්නේ 1937 වර්ෂයේදී අමෙරිකාවේ සහ රුසියාවේ ආධාර ඇතුව ජාපානය සමග නැවතත් චීනය යුද්ධයට එලබීම.

එලඹ සිටින සතුරාගේ විශාලත්වය මෙන්ම පර්යේෂනා ගාරයද වශාල විය යුතුයි. සතුරාගේ ප්‍රහාර දැඩි වනවාක් ලෙසම පර්යේෂණ ක්‍රියාවලියද දැඩි කල යුතුයි. වර්ග කිලෝමීටර තුනක පමණ ප්‍රදේශයක් පුරා පැතිරුනු මෙම පර්යේෂණා ගාරය සතුව ඒ වනවිට පැවති නවීනතම වෛද්‍ය උපකරණ පහසුකම් සහ එක්දහස් පන්සියයක පමණ වෛද පර්යේෂකයන් පිරිසකගෙන්ද සැදුම් ලත් අති විශාල කාර්යය මණ්ඩලයක්ද සහිතව නිවාස සිර කුටි, විවිධ පර්යේණාගාර, සත්ත්ව ගාල් ආදී සියලු දෙයින් සමන් විත ගොඩ නැගිලි එකසිය පනහකට අධික සංඛ්‍යවෙක් ඉදිවී තබෙනවා. අදික උසින් යුත් බැමි සහ ඊටත් උඩින් ඇදුනු විදුලිය යෙදූ කම්බි වලිනුත් බාහිර ලෝකයෙන් මේ පර්යේෂනාගාරයා සහ එහි කෲරත්වය වසා දැමුනා.

එක් පර්යේෂ ණඅංශයක් වෙන් කර තැබුනේ කොලරා, මහාමාරිය, සරම්ප, ඇන්ත්‍රැක්ස් වැනි ලෙඩ රෝග හා විශ පිලිබදව පර්යේෂණ සදහා. තුන්සීයයක් පමණ රැදවිය හැකි සිරකුටියක්ද සමගින් පැවති මෙහිදී පර්යේෂණයට ලක්වූවන්ට බලහත් කාරයෙන් නොයෙකුත් මේ ආකාර ලෙඩ රෝග වලදවා පසුව රෝගයේ විවිධ අවදි වලදී ශරීරයට සිදුවන වෙනස් කම් දැක ගැනීම සදහා විවිධ මට්ටම් වල සිටින පුද්ගලයින් ශරීර විවච්ඡේනයට (VIVISECTION) ලක් කර පරීක්ෂා කර තිබෙනවා. නමුත් භයානකම දෙය නම් පර්යේෂණ ප්‍රතිපල වලට හානි වේ යැයි යන සැකය නිසා කිසිවකුටත් නිර්වාන්දක (ANESTHETIC) භාවිතා කිරීමක් සිදුවී නෑ.

දෙවන අංශය වෙන්වී තිබුනේ හානිකර ලෙඩ රෝග බෝකරමින් මිනිසුන් වනසා දැමීම සදහා පර්යේෂණ සිදු කිරීමටයි. විශේෂයෙන් සිපිලිස් වැනි සමාජ රෝග සිරකරුවන් හා සිරකාරීයන් හරහාම අනෙකුත් සිරකරුවන් හා සිරකාරියන් දූශණය කරමින් බලහත් කාරයෙන් වලදවා පෙර මෙන්ම විවිධ අවස්ථා සදහා පන තිබියදීම විවච්ඡේදනයට ලක් කර තිබෙනවා. සමහර සිරකාරියන්ට මේ හර හා දරු උපත් සිදුවූ විට එය පවා පර්යේෂණයට හේතුවක් වී තිබෙනවා.

තුන්වන කොටස ජීව විද්‍යාත්මක අවි ආයුධ නිපදවීමේ පර්යේෂණ සදහාත් හතරවන කොටස මෙම බැක්ටීරියා බෝ කිරීම සහා ගබඩා කිරීම සදහාත් යොදා ගෙන තිබෙනවා. පහ හය හත අට වැනි කොටස් පුහුණු කටයුතු කාර්යාලීය කටයුතු ආදිය සදහාද යොදා ගෙන තිබෙනවා.

පර්යේෂන සදහා බිලිවන මිනිසුන් සපයා ගැනීමට මැන්චූරියාව පෙදෙසේ ජීවත් වන අහින්සක ජනතාව ඉතාමත් පහසුවක් වී තිබෙනවා. එමෙන්ම විවිධ වැරදි යටතේ අල්ලා ගෙන එන සිරකරුවන්ද මෙයට යොදා ගෙන තිබෙනවා. විවිධ ලෙඩ රෝග වලදවා පනපිටින් ශරීරයේ විවිධ අවයව ඉවත් කිරීමේ සිට අත්පා ඉවත් කිරීම . එ්වා වැරදි පැති වලින් ශරීරයට බද්ධ කිරීම, සත්ත්ව රැධිරය ශරීරයට එකතු කිරීම , ශරීරයට වෙනත් නොයෙකුත් අහිතකර දේ එක් කිරීම ගිනි තැබීම, අදික විකිරණ වලට ලක්කිරීම, අවයව කපා දමා ලේ ගලා යාමට හැර මරණයට ගත වන කාලය පරීක්ෂා කිරීම, බඩගින්නේ තබා මරණයට පත්වන කාලය බැලීම, කකුල් වලින් සිටුවා මරණයට ගත වන කාලය බැලීම, වකුගඩු වලට අශ්ව මුත්‍ර එක් කිරීම, අදික පීඩනයන්ට ලක් කිරීම අධික ශීතලට ලක් කිරීම ( ඒ ඒ අවස්තාවල ශරීරයට වන බල පෑම් පර්යේෂන කිරීම සදහා), කනු වල ගැට ගසා බෝම්බ වලට කෙලින්ම නිරාවරණය කිරීම මගින් එක් එක් දුර ප්‍රමාණ වලදී පුද්ගලයන්ට සිදුවන හානි පරීක්ෂා කිරීම ආදී අතිශය ම්ලේච්ඡ පර්යේෂන සිය ගණන් මේ තුලදී සිදු කර තිබෙනවා. සමහර දේ පර්යේෂන නොව ඉතාමත් ම මෝඩ ක්‍රියාවන් පමණයි . මේ කාය විවෙච්ඡේදන අවසාන වන්නේ පැය විසිහතර පුරාම අහසට කලු දුම් විදින ආදාහනාගාරයට ජීවයට ගෙන දෙමින් බවත් පැවසිය යුතු නැහැ. මේ පර්යේෂන සදහා කිසිදු ආකාරයකින් වත් කාන්තා පිරිමි හෝ අඩුවයස් ආදී භේදයක් පැවතීත් නැහැ.

ඊටත් අමතරව ප්‍රශ්න කිරීම සදහා රැගෙන එන සිරකරුවන්ට වධ හිංසා පමුනුවා ප්‍රශ්න කිරීම්ද මෙයටම සමගාමීවම සිදුකර තිබෙනවා. මේ ආකරයෙන් සිරකරුවන් තුන්දහසත් හාරදහසත් අතරගේ පමණ ඉරණම මේ පර්යේශනාගාරය තුල විසදෙද්දී එයට ඇතුලත් නෙවී නමුත් පිටත ජීවත් වුනු ගැමියන් පිටත සිටගෙනත් මේ පර්යේශණ වල කොටස් කාරයින් බවට පත්වීමට සිදුවුනා. එයට හේතු වුනේ මහාපරිමාණයෙන් මෙම් ජීව අවි පරීක්ෂා කිරීම සදහා ජපනුන් අවට ගම්මාන තොරා ගැනීම. වසංගත රෝග පැතිරවීමේ සිට විවිධ විශ ද්‍රවශ පරිසරයට මුසු කිරීම හරහාත් විසි පන්දහසකට නොඅඩු ජීවිත සංඛ්‍යාවක් බිලි ගැනීමට මේ පර්යේෂණ හේතු වී තිබෙනවා.

අණදෙන නිලධාරී හිරෝ ඉෂිගේ සැලසුම් වලට අනුව පිටතට නොපෙනන ලෙස සිරකරුවන් පර්යේෂාගාර කරා රැගෙන ගොස් පවා තිබුනේ පොලව යට පිහිටවූ විශේෂිත උමං මාර්ග හරහායි.

කෙසේ වුවත් පසෙක් සිටි පරම හතුරාට මුල්ම ප්‍රහාරය දියත් කිරීම සදහා මෙමගින් නිපදවුනු ජීව විදයාත්මක අවි රැගත් මරාගෙන මැරෙන ගුවන් නියමුවකු සහිත ගුවන් යානාවක් (Kamikaze Flight) එක්සත් ජනපදය වෙත යැවීමට කටයුතු කෙරුවත් හේතුවක් නිසා එය සාර්තක වන්නේ නැහැ.. මේ වන විට පර්ල් වරායට ජපනුන් එල්ල කල ප්‍රහාරයත් සමගම ජපානය දෙවන ලේක යුද්ධයේ ප්‍රදාන කොටස් කරුවන්ද වී හමාරයි. අමෙරිකාව මෙහිදී විශේෂ ඉලක්කයක් බවට පත්වීමට මෙය විශේධම හේතුවක්.

ලෝකයේ එක් පසෙක මෙසේ ජීවි විද්‍යාත්මක මිනිසුන් වැනසීමට පර්යේෂණ සිදු කෙරනා අතර තුර අනෙක් පස භෞතික විද්‍යාත්මකව මිනිසුන් වනසන්නේ කෙසේ දැයි යන පර්යේෂද ගජරාමෙට සිදුවෙමින් පැවතුනා. මෙහිදී ප්‍රධානත්වය ගත්තේ එන්රිකෝ ෆර්මි , රොබර්ට් ඔපෙන්හයිමර් වැනි ලෝ පතල විද්‍යාශයන් විසින්. අයින්ස්ටයින්ගේ E=mc^2 නිවැරදි බව තහවුරු කරමින් සහ ජීව විද්‍යාත්මක අවියට වඩා භායනක අවි තවත් ලොව තුල ඇති බව පෙන්වමින් 1945 අගොස්තු හය සහ නමය යන දිනවල ජපානයේ හරෝශිමා සහ නාගසාකි නගර පදාර්ථයේ සැගවුනු ශක්තියෙන් ගිණියම් වී යන්නේ දෙවන ලෝක යුද්ධයට නැවතීමේ තිත තබමින් වගේම ලක්ෂ දෙකකට වැඩි ජනතාවකට මරණය අත්කර දෙමින්.

නොසිතූ විරූ පුහාරය හමුවේ යටත් වුනු ජපානයත් සමග ඔවුන්ගේ පර්යේෂනාගාර ආදී සියල්ලද අත හැර දැමෙනවා. පර්යේෂනාගාර පුපුරවා දැමෙන අතර හිරෝ ඉෂිගේ අනින් ඉතිරීවී සිටි සිරකරුවන් මරා දැමෙනවා.

නමුත් පුදුමයකට වගේ මේ පිලිබදව පසුව දැන ගත්තත් යුධ අපරාධ චෝදනා යටතේ මෙතෙක් කල් මේ ම්ලේච්ඡ පර්යේෂනා ගාරයේ සේවය කල හිරෝ ඉශි ඇතුලු වෛද්‍යවරුන්ට කිසිදු දඩුවමක් හිමි වන්නේ නැහැ. රැසියාව මොවුන්ට දඩුවම් ලබා දීමට උත්සාහ කලත් අමෙරිකාව මෙහිදී එයට මැදහත් වෙනවා. ඔවුන් මෙහිදී ඉල්ලා සිටින්නේ එක දෙයයි. ජීව විද්‍යාත්ම පර්යේෂන වාර්තා අප වෙත ලබා දෙන්න . එය ලබා දීමට නම් ජීවිත දානය හිරෝ ඉෂිගේ පාර්ෂවය මගින් සිදු කෙරෙනවා. ඉතා සාදාරණ ගනුදෙනුවක් මෙසේ සාර්ථකව අවසන් වනවා පමණක් නෙවෙයි ඔවුන් පසුව නැවතත් අමෙරිකාණු අනුග්‍රහය මෙම පර්යේෂණ ඉදිරියට ගෙන යාම සදහාත් අවස්තාවක් ලැබෙනවා. ඔහු පසු කලෙක අමෙරිකාව බලා පිටත් වන්නේත් මේ සම්බන්ධ පර්යේෂණ සදහා අනුග්‍රහය ලබ ාදීමටමයි. එසේම 1951 වසර වන විට උතුරු කොරියාව සමග ජීව විද්‍යාත්මක අවිහරඹද රැගත් යුද්යකට පැටලී සිටි අමෙරිකානුවන්ට සහය වීම සදහා ඔහු දකුනු කොරියාවට පැමිනි බවටත් සමහර වාර්තා පලවී තිබෙනවා. ඔහු පසුකලේක මිය යන්නේ ඉතාමත් ස්වාවික හේතූන් මත.

දිගු කලක් සිදුවුනු මේ පර්යේෂනාගාරය පිලිබද විවිධ අදහස් සහ හැල හැප්පීම් අවසන 2018 වර්ශයේ ජපානය මගින් පලමු වරට මෙම පර්යේෂනාගාරය ආහ්‍රිතව සේය කල පුද්ලයන් තුන්දහස් ගණනකගේ නාම ලේකනයක් එලි දක්වනවා මෙන්ම ජපානය මේ පිලිබදව සමාවද අයැද සිටිනවා.

පලමුවෙන්ම මේ පර්යේෂනාගාරයේ සිදුවුනු සමහර පර්යේෂණ වල දැනුම අදටත් යම් දේ සදහා යොදා ගැනෙනවා. මින් ජනප්‍රියම සොයා ගැනීම නම් අධික ශීතලෙන් ගල් ගැසුනු ශරීර අවයව යතා තත්වය පත් කිරීමට කලයුතු හොදම දෙය එය අතින් ඇතිල්ලීම නොව අංශක 100 ත් 120 අතර ජලයෙන් සෝදා හැරීම බව. එම සොයා ගැනීම සිදු කල ආකාරය මෙහිදී ඔණැම කෙනෙකුට සිතා ගන්න පුලුවන්.

මෙම කතාව තුලින් අපට ලබා ගැනීමට වැදගත් පණිවුඩ කීපයක්ද තිබෙනවා.
පලවන දෙය තමයි විද්‍යාව හා තාක්ෂනය කොතරම් දියුනු වුවත් එය මිනිසාගේ සදාචාරය සදහා ඉවහ්ල නොවන බව. සාමාන්‍ය පිලිගත් මතය වන්නේ විදයාව වැනි විශයය් ඉගෙනීම සිදු කරන්නේ බුද්ධිමත් පුද්ගලයින් බවත් එම නිසා අනෙක් සාමාජමය ගැටලු ආදිය පිලිබදවත් ඔවුන් බුද්ධිමත් වන බවයි. නමුත් මෙය ඉතාමත් වැරදි බව ඉහත උදාහරණ දෙකෙන්ම පෙන්වා දෙනවා. විද්‍යාව හෝ ගණිතය මිනිසත් කම උගන්ව්නනෙ නැහැ. ඒ පිලිබදව සිතන්න පොලඹ වන්නේ නැහැ. මෙම නිසා අනිවාර්යයෙන් හොද මිනිසුන් බිහි කිරීමට නම් ප්‍රාථමික අද්‍යාපනය සම්පූර්ණයෙන්ම ගුණ ධර්ම ඉගැන්වීම සදහාම වෙන් කල යුතු වෙනවා. ඒ වගේම මෙය දිගටම අතරින් පතර හෝ කර ගෙන යායුතුද වෙනවා. විද්‍යාවෙන් තාක්ෂනයෙන් ඉදිරියට යන ලෝකය මනුෂ්‍යත්වය ඉදිරියට රැගෙන යන්නේ නැහැ. මනුෂ්‍යත්වය නොමැතිව ඉදිරියට යන ලෝකය තුල බිහිවන්නේ මෙවැනි බිහිසුණු යක්ෂයින් පමණයි. අද ලංකාව තුල පවා විෂය අධ්‍යාපනය පමණක් මූලික වුනු අධ්‍යාපන ක්‍රමයේ ප්‍රධාන වරදක් මෙය. මෙයට ගුරුවරුන් මෙන්ම දෙමව්පියන්ද හවුල්කාරයින් වනවා.

මීලග දෙය නම් මෑතකදී සිදු කෙරෙුනු මනේ විද්‍යා ගවේශනකයට අනුව හෙිල කෙරුනු යම් අණක් ඔසසෙ හෝ යම් කිසිවකුගේ යටතේ සිටීමේදී මිනිසුන් තවත් මිනිසකුට හිංසා කිරීම සදහා පැකිලීමක් නොදක්වන බව. සාමාන්‍යයෙන් තම පෞද්ලික ගැටලුවකදී වුවත් තවත් පුද්ගලයකුට හිංසා කිරීම ප්‍රතික්ෂේප කරන පුද්ගලයකු වුවත් යම් ආිපත්‍යයක් යටතේදී මේ සදහා නොපැකිලෙන බව. එය අණක් නොව රාජකාරියක්සේ සැලකීම වුවද මෙයට සෑහෙනවා. ඒ විතරක් නෙමෙයි ඔනෑම නිලධාරයකු වුනත් වැරදි පාලනය යටතේ වැරදි සිදු කරන්න පුලුවන්. ඉහත යුනිට් 731 පර්යේෂනා ගාරයේදී පර්යේෂණයට යොදා ගන්නා සිරකරුවන්ට යොදා ගෙන තිබුනු වචනය වූයේ කොටන් යන්නයි. අද කොටන් කීයක් අවසන් කලාද ආදිය පර්යේෂකයන්ගේ සාමාන්‍ය කතාබහක් වී තිබෙනවා.

දැන් මේ වගේ පර්යේෂන සිදු කිරීම මෙයින් පසුව නැවතුනාද ? නැහැ දෙවන ලෝක යුද්ධ සමයේම දොස්තර මෙන්ගල් ගේ විධාන යටතේ ජර්මනියේ අවුට්ස්විච් සිරකදවුර තුලදීම මෙවැනි පර්යේෂණ බොහෝ ගණනක් සිදුවුනා. මෙයට පෙර හා පසුව කැනඩාව එරට නොදියුනු ජනකොට්ඨාෂ යොදා ගනිමින්ද, ඕස්ට්‍රේලියාව ඇබෝජීනියන් වරු යොදවාද, එංගලන්තයද මෙවැනි පර්යේෂණ වල නිරත වුනා පසු කාලීන අමෙරිකාවෙන්, අප්‍රිකානු රටවලින්ද මෙවැනි පර්යේෂණ වාර්තා වුනා. නමුත් මේ වාර්තා වුනු දේ පමණයි.

නමුත් මේ පර්යේෂන වල ඉතිහාසයේ සිටම දිනපතාම නිරන්තරම ගොදුරක් වන්නේ තිරිසන් සතුන්. ඉහත යුනිට් 731 පර්යේෂනාගාරයටත් වඩා අන්ත පර්යේෂණ වලට ඔවුන් නිතිපතාම පත්වන්නේ බොහෙත් ආදිය සදහා ලෙඩ රෝග වලදවාගෙන මෙන්ම රූප ලාවන්‍ය නිෂාපදන මත්ද්‍රව්‍යයය අදී දේ සදහාද පර්යේෂන මාධයයක් ලෙස භාවිතා වෙමින්. මෙහිදීද බල්ලන් බළලුන් වදුරන් මීයන්, කුරුල්ලන් වැනි බොහෝ සතුන් විවිධ පනපිටින්ම විවිධ සැත්කම් ආදියට ලක්වන්නේ අපේ සුවපහසුව වෙනුවෙන් මයි. මේ නිසාම සත්ත්ව අයිතීන් සදහා පෙනී සිටින සංවිධාන බොහෝ අවස්තාවල මේවට විරුද්ධව උද්ගොෂන වල නියැලෙනවා. අටෙප් රටවල මෙවැනි පර්යේෂන සිදු නොවීම එක් අතකට වාසනාවක් වුවත් සත්ත්ව අයිතීන් අතින් අපේ රටද පහත් තත්වයක පවතින බව දැනට දෙහිවල සත්ත්ව උද්‍යානය පවා රාත්‍රියේ හැර තබමින් විදුලි ආලෝක මධ්‍යයේ සත්ත්ව හිංසන සිදු කිරීම මෙයට හොද උදාහරණයක්.

Man Behind the Sun සහ Philosophy of the knife යන චිත්‍රපට වලින් යුනිට් 731 පර්යේනාගාරය පිලිබද තවත් බොහෝ දේ කියා දේවී. මේවා යූ ටුයුබ් හි නොමිලේ නැරඹීමට හැකියි. නමුත් ඉතා සංවේදී චිත්‍රපට බැවින් සියලු දෙනාටම මේවා සුදුසු වන්නේ නැහැ. එසේම මිහිමත මිනිසුන් නිසා තිරිසන් සත්ත්වයින් විදින දුක පිලිබදව Earthlings චිත්‍රපටය අතිශයින් ප්‍රසිද්ධ වුනු අනිවාර්යයෙන් නැරඹිය යුතු විශිෂ්ඨ චිත්‍රපටයක්.

කෙටි විද්‍යා ප්‍රබන්ධ හා ත්‍රාසජනක කතා

අපගේ සයන්ෂියා ගූගල් ප්ලස් පිටුවෙන්

මොට්ටයන් බිහිකිරීමේ නවීන විද්‍යාත්මක ක්‍රමය

මිනිසුන් ස්වභාවයෙන්ම සිහින දකින්නවුන්ය, කුතුහලයෙන් පිරුනු සත්ත්ව කොට්ඨාශයකි.අද්භූත අමුතු දේ ගැන සෙවීමට කැමැත්තක් දක්වයි. දකින අසන දේ වලට ප්‍රපංච නිර්මාණය කිරීමෙහිලාද දක්ෂයෝය. මානව ඉතිහාසය දෙස හැරී බැලීමේදී අද ලෝකය යම් ලෙසකින් විද්‍යාවෙන් තාක්ෂණයෙන් කලා නිර්මාණයන්ගෙන් විචිත්‍ර වී ඇද්ද මෙයට හේතු භුත වී ඇත්තේ ඉකුත් කාරණා හැර වෙන කිසිවක් නොවේ.   ඈත අතීතයේ විද්‍යාප්‍රබන්ධ කියා සාහිත්‍ය කොටසක් තිබුනේ නැත. මුල්ම විද්‍යා ප්‍රබන්ධ එලි දකින්නෙ දහඅටවන ශත වර්ශයේ මුල් භාගයේදීය. ඊට පෙර තිබුනු යථාර්තයෙන් ඔබ්බට ගිය සාහිත්‍යය වැටුනේ සුරංගනා කතා ගණයට හෝ නැතිනම් ආගමික කතා ගණයටය.

    විද්‍යා ප්‍රබන්ධ විද්‍යාත්මක පසුබිමක සිට පැවසෙන කතාන්තර වුවද සැම විටම එය එසේ නොවේ. බොහෝවීට විද්‍යාප්‍රබන්ධ තුල සුරංගනා කතා වලට අදාල ලක්ෂද දැකිය හැක. සුපර්මෑන් ස්පයිඩර් මෑන් වැනි කතා තුල මේ ලක්ෂණ දැකිය හැක. විද්‍යා ප්‍රබන්ධ වර්ථමාන විද්‍යාම්ක තාක්ෂනික දියුනුවේ  සියයට හැත්තෑපහකට වඩා නව සොයා ගැනීම් සදහා දායක වී  ඇත. රොබෝවන්, ණයපත්, චන්ද්‍රිකා, ලේසර්,  වැනි බොහෝ දේ සදහා මූලාරම්භය විද්‍යා ප්‍රබන්ධ මගින් ලබා දී ඇත.  ඒ අනුව අප මුලින් කල කරුනු දැකවීම සත්‍යය බව ඔප්පු වේ. එනම් ලෝකය විචිත්‍රවත් වූයේ මිනිසාගේ සිහින දැකීමේ හැකියාවෙනි. ඈත අතීතය දෙස බලන විට වර්තමාන මිම්මෙන් විද්‍යාප්‍රබන්ධ නොතිබුනද එයට සමාන කතාන්තර ඕනෑ තරම් දොයා ගත හැක. අහසින් යා හැකි ලනු මගින් පානය කල හැකි ගරුඩ යන්ත්‍ර යානා,  දඩු මොනර, ස්වංක්‍රීය ආලෝක විහිදුම් ක්‍රම ( උම්මග්ග ජාතකය) , පලාත් පිටින් වනසා දමන ආයුධ, වෙනත් මානයන්( රාමායනය),  නොපෙනී සිටීමේ හැකියාවන් , අහසේ පාවෙන මාලිගා , අමරණීය වීම ආදිය මෙයට උදාහරන කීපයක් පමණි. අතීතයේ පෙරදිග කතා බොහොමයක එන යම් යම් අද්භූත දේ වලට එයට යොදා ඇති සත්ත්ව නම අත හැර අගට යන්ත්‍රය යනුවෙන් යෙදුවේ නම්  සමහර කතා ක්ෂනිකවම සුරංගනා කතා ගොඩෙන් විද්‍යා ප්‍රබන්ධ ගොඩට ඇද වැටෙනු ඇත. කෙසේ වුවත් ඒ කාලයේ ඒ කතා ඇසුරෙන් මිනිසාගේ නව සොයා ගැනීම් කෙරෙහි සෘජුවම බලපාන්නට ඇත. අමරණීය වීම සදහා බෙහෙත් සොයන්නට හො නිපදවන්නට උත්සාහ කරන්නට ඇත . එයින් අවසානයේ මරණය පරදුවේ නැතිදු දක්ෂ වෛද්‍යවරයෙක් බිහිවන්නට ඇත. දෙව්ලොව යාමට විශාල ඉදිකිරීම් සිදු කරන්නට ඇත. දෙව් ලොව නොගියද දක්ෂ ඉංජිනේරු ශිල්ප ක්‍රම බිහිවන්නට ඇත.

      

එක් එක් කාල සීමා වල මිනිසුන් සිහින දකින ආකාරය එම පරිසරයට සාපේක්ෂය .ඒ කාලයේ පාවෙන අලියා පසු කලෙක පාවෙන බැලුම වී  උඩ ගියේය. ඒ කාලයේ මන්තරයෙන් මිනී වලෙන් අවදි වුනු මිනිසා අද විද්‍යාවේ පිහිටෙන් මරනයෙන් නැගී සිටීන්නෙකි, ඒ කාලයේ අහසේ පාවෙන මාලිගා අද ප්‍රතිගුරුත්වය යටතේ පාවෙන නගර වී ඇත. ඒ කාලයේ යකුන් පෙරෙතයින් අද විද්‍යාත්ම ක ලෙස සෝම්බීන්, ජාන විකෘති වූවන්,  පිටසක්වල ජීවීන් ආදීන් ලෙස එලියට පැමින ඇත. මහා මකරුන් ඇත් කද ලිහිණීන්  ඩයිනසොර්ලා වී ඇත. ටෙලි පති සිතිවිලි අනුව ක්‍රියාත්මක වන මැෂින් වී ඇත.  අද වන විට ප්‍රතිගුරුත්වය, ජාන ක්ලෝනීකරනය, ඩයිනසෝර්ලා නැවත බිහිකිරීම, නොපෙනී සිටීම, වැනි දේ සම්බන්ධව දහස් ගණන් පර්යේෂණ සිදුකෙරේ. හෙට දවසේ මේවා යතාර්තයක් වීමට බොහෝ සේ ඉඩ ඇත. කෙසේ නමුත් මෙහි තේරුම් ගත යුතු යතාර්තය වන්නේ කුමන හෝ නිර්මාණශීලී පරිකල්පනය මිනිසාට සෑම විටම සුබ අතට තිබූ බවයි. ඒ කාලයේ මන්තරයේ මිකැනිසම් එකට අර්තකතනයක්, අහසේ පාවීමට යම් හේතු සහගත විග්‍රහයක් තිබුනා විය හැක. නමුත් ඒ කාලයේ අයට අද කාලයේ විද්‍යාප්‍රබන්ධ පෙන්වුව හොත් ඒවා නිසැකවම සුරංගනා කතා ගනයටම ඇද වැටෙනු ඇත.

                මෙම සාපේක්ෂ බව තේරුම් නොගැනීම නිසා අප වැනි රටවල වැසියන්ට සිදුව ඇත්තේ අරුම පුදුම සිදුවීමකි. නිර්මාණශීලීත්වතුල පිහිටක් සොයා ගත නොහැකිව අතරමන්ව ඇති  ආතක් පාතක් නැති පිරිසක් බිහිවී ඇත. මෙයට ප්‍රධානම හේතුව අද විද්‍යාව විසින් පෙර තිබුනු විද්‍යා ප්‍රබන්ධ හෝ සුරංගනා කතා යන්න ප්‍රතික්ෂේප කිරීම පමණක් නොව ඒවා ගැන කතා කරන්නන් සිතන්නන් මෝඩයන් ලෙස සැලකීමට පටන් ගෙන තිබීමයි. මෙයට ප්‍රධානම හේතුව බුද්ධිමත් කම පෙන්වීම සදහාපමනක් කිසිදු ආසාවකින් තොරව කොහෙන් හෝ බඩගා අමාරුවෙන් විද්‍යාව සම්බන්ධ උපාධියක් ලබා ගෙන ඉන් මත්තට ඒ දැනුමින් කිසිවක් කර ගත නොහැකිවූ මොට්ටයන් පිරිසක් තම කැපී පෙනීමේ එකම අවස්ථාව නිසාදෝ එලව එලවා පැරනි සාහිත්‍යයන්ට හා විශ්වාසයන්ට පහර දෙනු දැකිය හැක. අතීතයෙන් පැමිනි යම් කතාවක සදහන් වුනු දෙයක් රසවිදීම ඒ තුල සිහින දැකීමේ හෝ තමුන්ට අනුව නැවරදි යැයි සිතේ නම් එැවැනි යම් යම් දේ සම්බන්ධව සොයා බැලීම පරීක්ෂන කිරීම හෝ වත් වැරදි වන්නේ නැත. නමුත් අද වන විට මෙවැනි දේ තනිවචනයකින් කපා හරිනු ලැබේ. එනම් සාක්ෂි නැත. මෙම නිසාම අප ජනතාව අද නිර්මාණෂීලීත්වය අතින් මොට ජාතියක් වී ඇති බව හොදා කාරවම දැක ගත හැක. ඔවුන් සිතීමට බියය. අලුතින් සිතීමට බියවන්නේ තමුන් පිලිබද ඇති දැනුම හීනමානය නිසාවෙනි.   උන් දන්නා කෙහෙම්මල් විද්‍යාවක් නැත. අම්ම අප්පා කියා දුන්දේ විදීමට නිදහසක්ද නැත.  කල හැකි එකම දෙය විද්‍යාවනම් මේ මොකද්දො මගුලෙන් කොහෙන් ලබා ගන්නා  අදහස් තුලින් දැයි  සිතා ගත නොහැකි මහා විස්මිත නිර්මාන  බටහිරයන් විසින් ගෙනත් දෙන තෙක් කට බලියාගෙන සිටීම පමනි.  නමුත් අනිත් අතින් බටහිරයන්ට තමුන්ට කැමති කැමති ලෙස සිහින දැකීමටද නිර්මාණ කිරීමටද උපරිම නිදහස ඇත. මන්ද  නිර්මාණශීලීත්වයේ උපත එය බව ඔවුන් දන්නා බැවිනි.  නිර්මාණශීලීත්වය අහසින් පාත් වන්නෙ නැත පැරනි සුරංගනා කතා වල සිට නොයෙකුත් ආගමික කතා පවා ඇසීම  රස විදීමේ හැකියාව සිහින දැකීම   අනිවාර්යයෙන් ම  මෙහි මුදුන් මුල් වේ. එම නිසා සක් දෙවිදුන් හදේ හාව ඇදීමේ සිට දෙවියන්ටවත් බිය නොවුනු  හර්කියුලිස් , කල්ප ගණන් පෙර ආත්ම වල ඉපදී ගුන දම් වැඩූ  බෝසත් වරුන්,  සුලැගිල්ලෙන් සක්වලම බැබලිය හැකි බ්‍රහ්මයන් පිලිබදවත්  , ලෞකික සෘද්ධි පිලිබදවත් ආදී සියලු දැනුම දරුවන්ට ලබා දීමට පසුබට නොවන්න. කවදා හෝ ඔවුන් එක්කො ඒවා සත්‍ය අසත්‍ය බව පසක් කර ගනු ඇත. එසේ නොවුනද නිර්මාණශීලී පුද්ගලයෙක් සමජයට දායාද වී ඇත. දැන් පාරමී පිරීම නිර්මාණශීලීත්වයට හේතුවන්නේ කෙසේද යනුවෙන් ඇසීමට තරම් මොට්ට නොවෙන්න. :-)

සෑහන කලක සිට දකින්නට ලැබෙනන උක්ත  මොට්ට විද්‍යාපාලලාගේ  අපූරු තරකයකින් ලිපිය අවසාන කරමි. ඔවුන්ට අනුව ඉලෙක්ට්‍රෝණය ඇත්තකි. පුනර්භවය බොරුවකි. ඉලෙක්ට්‍රෝණය ඇත්ත වන්නේ එය අපට නොපෙනුනද සිදුම් පරීක්ෂණ ආදී දහස් ගණන් ප්‍රතිපල මතය. එසේ නම් පුනර්භවය බොරු වන්නෙ කෙසේද? මට මතකත් නෑ ඔබට මතකත් නෑ අරයට මතකත් නෑ කාටවත් මතක නෑ කලින් හිටපු ජීවිතේ ගැන . ගැටලුව මෙයයි. මුල් ඉලෙක්ට්‍රෝණය දැකීමට නොහැකි වීම ඇහැට එම හැකියාව නොමැති වීම වී පෙර ජීවිතයක් මතක නැති වීම මතකයේ අවුලක් නොවන්නේ යැයි කෙලින්ම පවසන්නේත්  කෙසේ ද ?  

          පුනර්භවය ගැන මෙතෙර එතෙර කතා කරන කුමන විද්වතා වුවද අන්තිම ප්‍රාථමික ලෙස මෙතෙක් කල් සෑම තැනම තා කර ඇත්තේ පොත් ලියා ඇත්තේ පර්යේශණ කර ඇත්තේ ද මේ මතකය සම්බන්ද ඉතාමත්ම ප්‍රාතමික ක්‍රම වේදයක් අල්ලා ගනිමිනි. පුනර්භවය ගැනද  ඉලෙක්ට්‍රෝණය ගැන ලෙසම පර්යේෂණ කල යුතුය. කිසිවක් තොරතුරක් වන්නේ කෙසේද , තොරුතරු ඇති වන්නේ සෙදෙ විනාෂ වන්නේ කෙසේද ? පුද්ගලයෙක් වැලි පස්  ගල් වලින් වෙනස් වන්නේ කෙසේද ,සත්ත්වයෙක් සත්ත්වයෙක් වන්නේ කෙසේද  යන සියුම් පර්යේෂණ ගණිතමය සාධන  ආදිය සිදු කල යුතුය. අන්න එවිට තොරුතුරු විනාශ විය නොහැකි බව හා යම් අකාරයක් ගනී බව ආදී ලෙස යම්  දිනක සාධනය වේ නම් එයම සංසාරය ඔප්පු කල හැකි මගත් වන්නේය.
     පුනර්භවය ඔප්පු කිරීම ප්‍රායේගිකව උපකාරී වන්නේ කෙසේද ? ජාන ගත රෝග නිධාන හදුනා ගැනීම ප්‍රතිකාර කිරීම, ජන විකෘතිතා පැහැදිලි කිරීම මෙන්ම පුද්ගල හැකියාවන් හදුනා ගැනීම සහ පෞර්ෂ වර්ධනය සදහා වුවද යොදා ගැනීමට හැක.