Tuesday, January 8, 2019

යුනිට් 731 (සංවේදී අය සදහා නොවේ)

“තිස් හැවිරිදි වියේ පමන වුනු තරුණයකු ඇද මත හොවා තදින් ගැට ගසනු ලැබුනි. සුපරුදු ලෙසම නිර්වින්දක භාවිතා කිරීමක් නොමැත. අවට සිදුවන ක්‍රියාවන්හි අරමුණ ගැන වැටහීමක් නොමැති වුවද මේ තමුන්ගේ අවසානය විය යුතු බව ඉවෙන් මෙන් දැනුනු නිසාදෝ ඇතිවුනු භීතිය තරුණයාගේ මුහුනින් පිළිඹිබු වේ. ප්‍රදාන වෛද්‍ය වරයා සැත්කම් පිහිය ගනිත්ම හු බැමි වලින් මිදීමට දැවැන්ත උත්සාහයක් ගත්තද එය අසාර්ථක විය. සැත්කම් පිහිය සෙමෙන් ඔහුගේ පපු ප්‍රදේශයෙන් ඇතුලු වී බඩ දක්වා කැපුමක් ඇති කරන්නට විය. දරා ගත නොහැකි. අදික වේදනාවෙන්මර හඩ නැගූ ඔහුගේ හඩ ගලා යන රැධිරයද සමග කෙමෙන් නිසල විය.”

“ශාලාවට අප සැම රැස් කරවූ ඔවුන් අප ඉදිරියට සිරකරුවන් දෙදෙනෙකු ගෙන එන ලදී. අපගේ ඇස් පනා පිටම වුන්ට වෙඩි පහර බැගින් එල්ල කලේය. අනතුරුව තවමත් පන තිබෙන සිරකරුවන් පසෙකින් පිහිටි සැත්කම් කාමරයට ගෙන ගොස් වැදුනු උන්ඩ දෙක එලියට ගැනීමට අපට නියම කලේය. නිර්වින්දක නොමැතිව සිදු කරන්නට නියම වුනු මෙම කාර්යය නවකයන් වුනු අපට මෙය එදින දැඩි කම්පනයක් ඇති කලත් පසුව කෙමෙන් කෙමෙන් සාමාන්‍ය දෙයක් බවට පත්විය.”

ඔබ මේ කිව්වේ අලුත් හොරර් ෆිල්ම් එකක හරි සිදුවීම් දෙකක් ගැන කියලද හිතන්නේ ? නැහැ. 189 4 චීනයේ කුයින්ග් අධිරාජ්‍යය සහ ජපන් අධිරාජ්‍යය අතර වර්තමාන කොරියාව සම්බන්ධයෙන් විශාල ගැටුමක් හට ගන්නවා. යුදස්ධය අවසන් වන්නේ කුයින්ග් අධිරාජ්‍යයේ කොටසක් ජපානය සතු කරමින් සහ ජපායනට ජය ගෙන දෙමින්. කොරියාව , තායිවානය , කහ මුහුද ආහ්‍රිතව ඇතිවන මේ ගැටුමෙදී ජපානය චීනය සතුවුනු මැන්චූරියාව නම් ප්‍රදේශය අත්පත් කර ගන්නවා. ඉන්පසු පුරා දශක තුනක් පමනම මේ ප්‍රදේශයේ අණසක පතුරවන්නේ ජපනුන්. මැන්චූරියා ප්‍රදේශය දුප්පත් ගොවීන්ගෙන් සමන්විත මිශ්‍ර ජනවර්ගය සිටි පලාතක්. වැඩිපුර චීන ජාතිකයන් සමග රැසියානු සහ මොන්ගෝලියානු ජාතිකයන්ද මේ පලාගේ ජීවත් වුනා. 1931 වසරේ චීනයත් එක්ක එතෙක් පැවති යුද්ධයේ පියවරක් එක් චීන හමුදා නිලධාරියකුගේ බෝම්බ ඇටවීමේ ක්‍රියාවක් නිසා ජපානය මැන්චූරියාව චීනයෙන් වෙන් කර වෙනම ප්‍රාන්තයක් ලෙස පාලනය කිරීමට පටන් ගන්නවා. 1925 දී පලවෙනි ලෝක යුද්ධයේ අද්දැකීම් අනුව නිකුත් වුනු ප්‍රඥ්ඥප්තියක් අනුව ජීව විදයාත්මක අවි නිපදවීම තහනම් කෙරුනත් . චීනුන් වැනසීමේ අරමුණින් සිටි ජපනුන් විසින් 1937 වර්ෂයේදී පමන මැන්චූරියාව පෙදෙසේ ජලපිරිපහදු කම්හලක් ලෙස අගවමින් ජීව විද්‍යාත්මක අවි පිලිබද පර්යේෂණ සිදු කිරීම සදහා විශාල පර්යේෂණා ගාරයක් රහසිගතව ආරම්භ කරනවා. 1941 දී මෙයට යුනිට් 731 යන නම ආරූඨ වනවා. මුලු ලේාකයේම මෙම ම්ලේච්ඡ පර්යේෂනා ගාරය අද කාලයේ ප්‍රසිද්ධ මෙම නාමයෙන්. මෙහි ප්‍රධාන තැන ගන්නේ හිරෝඉෂි නම් දක්ෂ ජපන් අණදෙන නිලධාරී වරයෙක්. ඔහු දක්ෂ වෛද්‍යවරයෙක් මෙන්ම භෞත චිකිත්සකවරයෙක්. මෙම විශාල පර්යේෂනාගාරයට ප්‍රධානම හේතුව වන්නේ 1937 වර්ෂයේදී අමෙරිකාවේ සහ රුසියාවේ ආධාර ඇතුව ජාපානය සමග නැවතත් චීනය යුද්ධයට එලබීම.

එලඹ සිටින සතුරාගේ විශාලත්වය මෙන්ම පර්යේෂනා ගාරයද වශාල විය යුතුයි. සතුරාගේ ප්‍රහාර දැඩි වනවාක් ලෙසම පර්යේෂණ ක්‍රියාවලියද දැඩි කල යුතුයි. වර්ග කිලෝමීටර තුනක පමණ ප්‍රදේශයක් පුරා පැතිරුනු මෙම පර්යේෂණා ගාරය සතුව ඒ වනවිට පැවති නවීනතම වෛද්‍ය උපකරණ පහසුකම් සහ එක්දහස් පන්සියයක පමණ වෛද පර්යේෂකයන් පිරිසකගෙන්ද සැදුම් ලත් අති විශාල කාර්යය මණ්ඩලයක්ද සහිතව නිවාස සිර කුටි, විවිධ පර්යේණාගාර, සත්ත්ව ගාල් ආදී සියලු දෙයින් සමන් විත ගොඩ නැගිලි එකසිය පනහකට අධික සංඛ්‍යවෙක් ඉදිවී තබෙනවා. අදික උසින් යුත් බැමි සහ ඊටත් උඩින් ඇදුනු විදුලිය යෙදූ කම්බි වලිනුත් බාහිර ලෝකයෙන් මේ පර්යේෂනාගාරයා සහ එහි කෲරත්වය වසා දැමුනා.

එක් පර්යේෂ ණඅංශයක් වෙන් කර තැබුනේ කොලරා, මහාමාරිය, සරම්ප, ඇන්ත්‍රැක්ස් වැනි ලෙඩ රෝග හා විශ පිලිබදව පර්යේෂණ සදහා. තුන්සීයයක් පමණ රැදවිය හැකි සිරකුටියක්ද සමගින් පැවති මෙහිදී පර්යේෂණයට ලක්වූවන්ට බලහත් කාරයෙන් නොයෙකුත් මේ ආකාර ලෙඩ රෝග වලදවා පසුව රෝගයේ විවිධ අවදි වලදී ශරීරයට සිදුවන වෙනස් කම් දැක ගැනීම සදහා විවිධ මට්ටම් වල සිටින පුද්ගලයින් ශරීර විවච්ඡේනයට (VIVISECTION) ලක් කර පරීක්ෂා කර තිබෙනවා. නමුත් භයානකම දෙය නම් පර්යේෂණ ප්‍රතිපල වලට හානි වේ යැයි යන සැකය නිසා කිසිවකුටත් නිර්වාන්දක (ANESTHETIC) භාවිතා කිරීමක් සිදුවී නෑ.

දෙවන අංශය වෙන්වී තිබුනේ හානිකර ලෙඩ රෝග බෝකරමින් මිනිසුන් වනසා දැමීම සදහා පර්යේෂණ සිදු කිරීමටයි. විශේෂයෙන් සිපිලිස් වැනි සමාජ රෝග සිරකරුවන් හා සිරකාරීයන් හරහාම අනෙකුත් සිරකරුවන් හා සිරකාරියන් දූශණය කරමින් බලහත් කාරයෙන් වලදවා පෙර මෙන්ම විවිධ අවස්ථා සදහා පන තිබියදීම විවච්ඡේදනයට ලක් කර තිබෙනවා. සමහර සිරකාරියන්ට මේ හර හා දරු උපත් සිදුවූ විට එය පවා පර්යේෂණයට හේතුවක් වී තිබෙනවා.

තුන්වන කොටස ජීව විද්‍යාත්මක අවි ආයුධ නිපදවීමේ පර්යේෂණ සදහාත් හතරවන කොටස මෙම බැක්ටීරියා බෝ කිරීම සහා ගබඩා කිරීම සදහාත් යොදා ගෙන තිබෙනවා. පහ හය හත අට වැනි කොටස් පුහුණු කටයුතු කාර්යාලීය කටයුතු ආදිය සදහාද යොදා ගෙන තිබෙනවා.

පර්යේෂන සදහා බිලිවන මිනිසුන් සපයා ගැනීමට මැන්චූරියාව පෙදෙසේ ජීවත් වන අහින්සක ජනතාව ඉතාමත් පහසුවක් වී තිබෙනවා. එමෙන්ම විවිධ වැරදි යටතේ අල්ලා ගෙන එන සිරකරුවන්ද මෙයට යොදා ගෙන තිබෙනවා. විවිධ ලෙඩ රෝග වලදවා පනපිටින් ශරීරයේ විවිධ අවයව ඉවත් කිරීමේ සිට අත්පා ඉවත් කිරීම . එ්වා වැරදි පැති වලින් ශරීරයට බද්ධ කිරීම, සත්ත්ව රැධිරය ශරීරයට එකතු කිරීම , ශරීරයට වෙනත් නොයෙකුත් අහිතකර දේ එක් කිරීම ගිනි තැබීම, අදික විකිරණ වලට ලක්කිරීම, අවයව කපා දමා ලේ ගලා යාමට හැර මරණයට ගත වන කාලය පරීක්ෂා කිරීම, බඩගින්නේ තබා මරණයට පත්වන කාලය බැලීම, කකුල් වලින් සිටුවා මරණයට ගත වන කාලය බැලීම, වකුගඩු වලට අශ්ව මුත්‍ර එක් කිරීම, අදික පීඩනයන්ට ලක් කිරීම අධික ශීතලට ලක් කිරීම ( ඒ ඒ අවස්තාවල ශරීරයට වන බල පෑම් පර්යේෂන කිරීම සදහා), කනු වල ගැට ගසා බෝම්බ වලට කෙලින්ම නිරාවරණය කිරීම මගින් එක් එක් දුර ප්‍රමාණ වලදී පුද්ගලයන්ට සිදුවන හානි පරීක්ෂා කිරීම ආදී අතිශය ම්ලේච්ඡ පර්යේෂන සිය ගණන් මේ තුලදී සිදු කර තිබෙනවා. සමහර දේ පර්යේෂන නොව ඉතාමත් ම මෝඩ ක්‍රියාවන් පමණයි . මේ කාය විවෙච්ඡේදන අවසාන වන්නේ පැය විසිහතර පුරාම අහසට කලු දුම් විදින ආදාහනාගාරයට ජීවයට ගෙන දෙමින් බවත් පැවසිය යුතු නැහැ. මේ පර්යේෂන සදහා කිසිදු ආකාරයකින් වත් කාන්තා පිරිමි හෝ අඩුවයස් ආදී භේදයක් පැවතීත් නැහැ.

ඊටත් අමතරව ප්‍රශ්න කිරීම සදහා රැගෙන එන සිරකරුවන්ට වධ හිංසා පමුනුවා ප්‍රශ්න කිරීම්ද මෙයටම සමගාමීවම සිදුකර තිබෙනවා. මේ ආකරයෙන් සිරකරුවන් තුන්දහසත් හාරදහසත් අතරගේ පමණ ඉරණම මේ පර්යේශනාගාරය තුල විසදෙද්දී එයට ඇතුලත් නෙවී නමුත් පිටත ජීවත් වුනු ගැමියන් පිටත සිටගෙනත් මේ පර්යේශණ වල කොටස් කාරයින් බවට පත්වීමට සිදුවුනා. එයට හේතු වුනේ මහාපරිමාණයෙන් මෙම් ජීව අවි පරීක්ෂා කිරීම සදහා ජපනුන් අවට ගම්මාන තොරා ගැනීම. වසංගත රෝග පැතිරවීමේ සිට විවිධ විශ ද්‍රවශ පරිසරයට මුසු කිරීම හරහාත් විසි පන්දහසකට නොඅඩු ජීවිත සංඛ්‍යාවක් බිලි ගැනීමට මේ පර්යේෂණ හේතු වී තිබෙනවා.

අණදෙන නිලධාරී හිරෝ ඉෂිගේ සැලසුම් වලට අනුව පිටතට නොපෙනන ලෙස සිරකරුවන් පර්යේෂාගාර කරා රැගෙන ගොස් පවා තිබුනේ පොලව යට පිහිටවූ විශේෂිත උමං මාර්ග හරහායි.

කෙසේ වුවත් පසෙක් සිටි පරම හතුරාට මුල්ම ප්‍රහාරය දියත් කිරීම සදහා මෙමගින් නිපදවුනු ජීව විදයාත්මක අවි රැගත් මරාගෙන මැරෙන ගුවන් නියමුවකු සහිත ගුවන් යානාවක් (Kamikaze Flight) එක්සත් ජනපදය වෙත යැවීමට කටයුතු කෙරුවත් හේතුවක් නිසා එය සාර්තක වන්නේ නැහැ.. මේ වන විට පර්ල් වරායට ජපනුන් එල්ල කල ප්‍රහාරයත් සමගම ජපානය දෙවන ලේක යුද්ධයේ ප්‍රදාන කොටස් කරුවන්ද වී හමාරයි. අමෙරිකාව මෙහිදී විශේෂ ඉලක්කයක් බවට පත්වීමට මෙය විශේධම හේතුවක්.

ලෝකයේ එක් පසෙක මෙසේ ජීවි විද්‍යාත්මක මිනිසුන් වැනසීමට පර්යේෂණ සිදු කෙරනා අතර තුර අනෙක් පස භෞතික විද්‍යාත්මකව මිනිසුන් වනසන්නේ කෙසේ දැයි යන පර්යේෂද ගජරාමෙට සිදුවෙමින් පැවතුනා. මෙහිදී ප්‍රධානත්වය ගත්තේ එන්රිකෝ ෆර්මි , රොබර්ට් ඔපෙන්හයිමර් වැනි ලෝ පතල විද්‍යාශයන් විසින්. අයින්ස්ටයින්ගේ E=mc^2 නිවැරදි බව තහවුරු කරමින් සහ ජීව විද්‍යාත්මක අවියට වඩා භායනක අවි තවත් ලොව තුල ඇති බව පෙන්වමින් 1945 අගොස්තු හය සහ නමය යන දිනවල ජපානයේ හරෝශිමා සහ නාගසාකි නගර පදාර්ථයේ සැගවුනු ශක්තියෙන් ගිණියම් වී යන්නේ දෙවන ලෝක යුද්ධයට නැවතීමේ තිත තබමින් වගේම ලක්ෂ දෙකකට වැඩි ජනතාවකට මරණය අත්කර දෙමින්.

නොසිතූ විරූ පුහාරය හමුවේ යටත් වුනු ජපානයත් සමග ඔවුන්ගේ පර්යේෂනාගාර ආදී සියල්ලද අත හැර දැමෙනවා. පර්යේෂනාගාර පුපුරවා දැමෙන අතර හිරෝ ඉෂිගේ අනින් ඉතිරීවී සිටි සිරකරුවන් මරා දැමෙනවා.

නමුත් පුදුමයකට වගේ මේ පිලිබදව පසුව දැන ගත්තත් යුධ අපරාධ චෝදනා යටතේ මෙතෙක් කල් මේ ම්ලේච්ඡ පර්යේෂනා ගාරයේ සේවය කල හිරෝ ඉශි ඇතුලු වෛද්‍යවරුන්ට කිසිදු දඩුවමක් හිමි වන්නේ නැහැ. රැසියාව මොවුන්ට දඩුවම් ලබා දීමට උත්සාහ කලත් අමෙරිකාව මෙහිදී එයට මැදහත් වෙනවා. ඔවුන් මෙහිදී ඉල්ලා සිටින්නේ එක දෙයයි. ජීව විද්‍යාත්ම පර්යේෂන වාර්තා අප වෙත ලබා දෙන්න . එය ලබා දීමට නම් ජීවිත දානය හිරෝ ඉෂිගේ පාර්ෂවය මගින් සිදු කෙරෙනවා. ඉතා සාදාරණ ගනුදෙනුවක් මෙසේ සාර්ථකව අවසන් වනවා පමණක් නෙවෙයි ඔවුන් පසුව නැවතත් අමෙරිකාණු අනුග්‍රහය මෙම පර්යේෂණ ඉදිරියට ගෙන යාම සදහාත් අවස්තාවක් ලැබෙනවා. ඔහු පසු කලෙක අමෙරිකාව බලා පිටත් වන්නේත් මේ සම්බන්ධ පර්යේෂණ සදහා අනුග්‍රහය ලබ ාදීමටමයි. එසේම 1951 වසර වන විට උතුරු කොරියාව සමග ජීව විද්‍යාත්මක අවිහරඹද රැගත් යුද්යකට පැටලී සිටි අමෙරිකානුවන්ට සහය වීම සදහා ඔහු දකුනු කොරියාවට පැමිනි බවටත් සමහර වාර්තා පලවී තිබෙනවා. ඔහු පසුකලේක මිය යන්නේ ඉතාමත් ස්වාවික හේතූන් මත.

දිගු කලක් සිදුවුනු මේ පර්යේෂනාගාරය පිලිබද විවිධ අදහස් සහ හැල හැප්පීම් අවසන 2018 වර්ශයේ ජපානය මගින් පලමු වරට මෙම පර්යේෂනාගාරය ආහ්‍රිතව සේය කල පුද්ලයන් තුන්දහස් ගණනකගේ නාම ලේකනයක් එලි දක්වනවා මෙන්ම ජපානය මේ පිලිබදව සමාවද අයැද සිටිනවා.

පලමුවෙන්ම මේ පර්යේෂනාගාරයේ සිදුවුනු සමහර පර්යේෂණ වල දැනුම අදටත් යම් දේ සදහා යොදා ගැනෙනවා. මින් ජනප්‍රියම සොයා ගැනීම නම් අධික ශීතලෙන් ගල් ගැසුනු ශරීර අවයව යතා තත්වය පත් කිරීමට කලයුතු හොදම දෙය එය අතින් ඇතිල්ලීම නොව අංශක 100 ත් 120 අතර ජලයෙන් සෝදා හැරීම බව. එම සොයා ගැනීම සිදු කල ආකාරය මෙහිදී ඔණැම කෙනෙකුට සිතා ගන්න පුලුවන්.

මෙම කතාව තුලින් අපට ලබා ගැනීමට වැදගත් පණිවුඩ කීපයක්ද තිබෙනවා.
පලවන දෙය තමයි විද්‍යාව හා තාක්ෂනය කොතරම් දියුනු වුවත් එය මිනිසාගේ සදාචාරය සදහා ඉවහ්ල නොවන බව. සාමාන්‍ය පිලිගත් මතය වන්නේ විදයාව වැනි විශයය් ඉගෙනීම සිදු කරන්නේ බුද්ධිමත් පුද්ගලයින් බවත් එම නිසා අනෙක් සාමාජමය ගැටලු ආදිය පිලිබදවත් ඔවුන් බුද්ධිමත් වන බවයි. නමුත් මෙය ඉතාමත් වැරදි බව ඉහත උදාහරණ දෙකෙන්ම පෙන්වා දෙනවා. විද්‍යාව හෝ ගණිතය මිනිසත් කම උගන්ව්නනෙ නැහැ. ඒ පිලිබදව සිතන්න පොලඹ වන්නේ නැහැ. මෙම නිසා අනිවාර්යයෙන් හොද මිනිසුන් බිහි කිරීමට නම් ප්‍රාථමික අද්‍යාපනය සම්පූර්ණයෙන්ම ගුණ ධර්ම ඉගැන්වීම සදහාම වෙන් කල යුතු වෙනවා. ඒ වගේම මෙය දිගටම අතරින් පතර හෝ කර ගෙන යායුතුද වෙනවා. විද්‍යාවෙන් තාක්ෂනයෙන් ඉදිරියට යන ලෝකය මනුෂ්‍යත්වය ඉදිරියට රැගෙන යන්නේ නැහැ. මනුෂ්‍යත්වය නොමැතිව ඉදිරියට යන ලෝකය තුල බිහිවන්නේ මෙවැනි බිහිසුණු යක්ෂයින් පමණයි. අද ලංකාව තුල පවා විෂය අධ්‍යාපනය පමණක් මූලික වුනු අධ්‍යාපන ක්‍රමයේ ප්‍රධාන වරදක් මෙය. මෙයට ගුරුවරුන් මෙන්ම දෙමව්පියන්ද හවුල්කාරයින් වනවා.

මීලග දෙය නම් මෑතකදී සිදු කෙරෙුනු මනේ විද්‍යා ගවේශනකයට අනුව හෙිල කෙරුනු යම් අණක් ඔසසෙ හෝ යම් කිසිවකුගේ යටතේ සිටීමේදී මිනිසුන් තවත් මිනිසකුට හිංසා කිරීම සදහා පැකිලීමක් නොදක්වන බව. සාමාන්‍යයෙන් තම පෞද්ලික ගැටලුවකදී වුවත් තවත් පුද්ගලයකුට හිංසා කිරීම ප්‍රතික්ෂේප කරන පුද්ගලයකු වුවත් යම් ආිපත්‍යයක් යටතේදී මේ සදහා නොපැකිලෙන බව. එය අණක් නොව රාජකාරියක්සේ සැලකීම වුවද මෙයට සෑහෙනවා. ඒ විතරක් නෙමෙයි ඔනෑම නිලධාරයකු වුනත් වැරදි පාලනය යටතේ වැරදි සිදු කරන්න පුලුවන්. ඉහත යුනිට් 731 පර්යේෂනා ගාරයේදී පර්යේෂණයට යොදා ගන්නා සිරකරුවන්ට යොදා ගෙන තිබුනු වචනය වූයේ කොටන් යන්නයි. අද කොටන් කීයක් අවසන් කලාද ආදිය පර්යේෂකයන්ගේ සාමාන්‍ය කතාබහක් වී තිබෙනවා.

දැන් මේ වගේ පර්යේෂන සිදු කිරීම මෙයින් පසුව නැවතුනාද ? නැහැ දෙවන ලෝක යුද්ධ සමයේම දොස්තර මෙන්ගල් ගේ විධාන යටතේ ජර්මනියේ අවුට්ස්විච් සිරකදවුර තුලදීම මෙවැනි පර්යේෂණ බොහෝ ගණනක් සිදුවුනා. මෙයට පෙර හා පසුව කැනඩාව එරට නොදියුනු ජනකොට්ඨාෂ යොදා ගනිමින්ද, ඕස්ට්‍රේලියාව ඇබෝජීනියන් වරු යොදවාද, එංගලන්තයද මෙවැනි පර්යේෂණ වල නිරත වුනා පසු කාලීන අමෙරිකාවෙන්, අප්‍රිකානු රටවලින්ද මෙවැනි පර්යේෂණ වාර්තා වුනා. නමුත් මේ වාර්තා වුනු දේ පමණයි.

නමුත් මේ පර්යේෂන වල ඉතිහාසයේ සිටම දිනපතාම නිරන්තරම ගොදුරක් වන්නේ තිරිසන් සතුන්. ඉහත යුනිට් 731 පර්යේෂනාගාරයටත් වඩා අන්ත පර්යේෂණ වලට ඔවුන් නිතිපතාම පත්වන්නේ බොහෙත් ආදිය සදහා ලෙඩ රෝග වලදවාගෙන මෙන්ම රූප ලාවන්‍ය නිෂාපදන මත්ද්‍රව්‍යයය අදී දේ සදහාද පර්යේෂන මාධයයක් ලෙස භාවිතා වෙමින්. මෙහිදීද බල්ලන් බළලුන් වදුරන් මීයන්, කුරුල්ලන් වැනි බොහෝ සතුන් විවිධ පනපිටින්ම විවිධ සැත්කම් ආදියට ලක්වන්නේ අපේ සුවපහසුව වෙනුවෙන් මයි. මේ නිසාම සත්ත්ව අයිතීන් සදහා පෙනී සිටින සංවිධාන බොහෝ අවස්තාවල මේවට විරුද්ධව උද්ගොෂන වල නියැලෙනවා. අටෙප් රටවල මෙවැනි පර්යේෂන සිදු නොවීම එක් අතකට වාසනාවක් වුවත් සත්ත්ව අයිතීන් අතින් අපේ රටද පහත් තත්වයක පවතින බව දැනට දෙහිවල සත්ත්ව උද්‍යානය පවා රාත්‍රියේ හැර තබමින් විදුලි ආලෝක මධ්‍යයේ සත්ත්ව හිංසන සිදු කිරීම මෙයට හොද උදාහරණයක්.

Man Behind the Sun සහ Philosophy of the knife යන චිත්‍රපට වලින් යුනිට් 731 පර්යේනාගාරය පිලිබද තවත් බොහෝ දේ කියා දේවී. මේවා යූ ටුයුබ් හි නොමිලේ නැරඹීමට හැකියි. නමුත් ඉතා සංවේදී චිත්‍රපට බැවින් සියලු දෙනාටම මේවා සුදුසු වන්නේ නැහැ. එසේම මිහිමත මිනිසුන් නිසා තිරිසන් සත්ත්වයින් විදින දුක පිලිබදව Earthlings චිත්‍රපටය අතිශයින් ප්‍රසිද්ධ වුනු අනිවාර්යයෙන් නැරඹිය යුතු විශිෂ්ඨ චිත්‍රපටයක්.

Wednesday, December 13, 2017

කෙටි විද්‍යා ප්‍රබන්ධ හා ත්‍රාසජනක කතා

අපගේ සයන්ෂියා ගූගල් ප්ලස් පිටුවෙන්

Tuesday, December 12, 2017

මොට්ටයන් බිහිකිරීමේ නවීන විද්‍යාත්මක ක්‍රමය

මිනිසුන් ස්වභාවයෙන්ම සිහින දකින්නවුන්ය, කුතුහලයෙන් පිරුනු සත්ත්ව කොට්ඨාශයකි.අද්භූත අමුතු දේ ගැන සෙවීමට කැමැත්තක් දක්වයි. දකින අසන දේ වලට ප්‍රපංච නිර්මාණය කිරීමෙහිලාද දක්ෂයෝය. මානව ඉතිහාසය දෙස හැරී බැලීමේදී අද ලෝකය යම් ලෙසකින් විද්‍යාවෙන් තාක්ෂණයෙන් කලා නිර්මාණයන්ගෙන් විචිත්‍ර වී ඇද්ද මෙයට හේතු භුත වී ඇත්තේ ඉකුත් කාරණා හැර වෙන කිසිවක් නොවේ. ඈත අතීතයේ විද්‍යාප්‍රබන්ධ කියා සාහිත්‍ය කොටසක් තිබුනේ නැත. මුල්ම විද්‍යා ප්‍රබන්ධ එලි දකින්නෙ දහඅටවන ශත වර්ශයේ මුල් භාගයේදීය. ඊට පෙර තිබුනු යථාර්තයෙන් ඔබ්බට ගිය සාහිත්‍යය වැටුනේ සුරංගනා කතා ගණයට හෝ නැතිනම් ආගමික කතා ගණයටය.

විද්‍යා ප්‍රබන්ධ විද්‍යාත්මක පසුබිමක සිට පැවසෙන කතාන්තර වුවද සැම විටම එය එසේ නොවේ. බොහෝවීට විද්‍යාප්‍රබන්ධ තුල සුරංගනා කතා වලට අදාල ලක්ෂද දැකිය හැක. සුපර්මෑන් ස්පයිඩර් මෑන් වැනි කතා තුල මේ ලක්ෂණ දැකිය හැක. විද්‍යා ප්‍රබන්ධ වර්ථමාන විද්‍යාම්ක තාක්ෂනික දියුනුවේ සියයට හැත්තෑපහකට වඩා නව සොයා ගැනීම් සදහා දායක වී ඇත. රොබෝවන්, ණයපත්, චන්ද්‍රිකා, ලේසර්, වැනි බොහෝ දේ සදහා මූලාරම්භය විද්‍යා ප්‍රබන්ධ මගින් ලබා දී ඇත. ඒ අනුව අප මුලින් කල කරුනු දැකවීම සත්‍යය බව ඔප්පු වේ. එනම් ලෝකය විචිත්‍රවත් වූයේ මිනිසාගේ සිහින දැකීමේ හැකියාවෙනි. ඈත අතීතය දෙස බලන විට වර්තමාන මිම්මෙන් විද්‍යාප්‍රබන්ධ නොතිබුනද එයට සමාන කතාන්තර ඕනෑ තරම් දොයා ගත හැක. අහසින් යා හැකි ලනු මගින් පානය කල හැකි ගරුඩ යන්ත්‍ර යානා, දඩු මොනර, ස්වංක්‍රීය ආලෝක විහිදුම් ක්‍රම ( උම්මග්ග ජාතකය) , පලාත් පිටින් වනසා දමන ආයුධ, වෙනත් මානයන්( රාමායනය), නොපෙනී සිටීමේ හැකියාවන් , අහසේ පාවෙන මාලිගා , අමරණීය වීම ආදිය මෙයට උදාහරන කීපයක් පමණි. අතීතයේ පෙරදිග කතා බොහොමයක එන යම් යම් අද්භූත දේ වලට එයට යොදා ඇති සත්ත්ව නම අත හැර අගට යන්ත්‍රය යනුවෙන් යෙදුවේ නම් සමහර කතා ක්ෂනිකවම සුරංගනා කතා ගොඩෙන් විද්‍යා ප්‍රබන්ධ ගොඩට ඇද වැටෙනු ඇත. කෙසේ වුවත් ඒ කාලයේ ඒ කතා ඇසුරෙන් මිනිසාගේ නව සොයා ගැනීම් කෙරෙහි සෘජුවම බලපාන්නට ඇත. අමරණීය වීම සදහා බෙහෙත් සොයන්නට හො නිපදවන්නට උත්සාහ කරන්නට ඇත . එයින් අවසානයේ මරණය පරදුවේ නැතිදු දක්ෂ වෛද්‍යවරයෙක් බිහිවන්නට ඇත. දෙව්ලොව යාමට විශාල ඉදිකිරීම් සිදු කරන්නට ඇත. දෙව් ලොව නොගියද දක්ෂ ඉංජිනේරු ශිල්ප ක්‍රම බිහිවන්නට ඇත.

එක් එක් කාල සීමා වල මිනිසුන් සිහින දකින ආකාරය එම පරිසරයට සාපේක්ෂය .ඒ කාලයේ පාවෙන අලියා පසු කලෙක පාවෙන බැලුම වී උඩ ගියේය. ඒ කාලයේ මන්තරයෙන් මිනී වලෙන් අවදි වුනු මිනිසා අද විද්‍යාවේ පිහිටෙන් මරනයෙන් නැගී සිටීන්නෙකි, ඒ කාලයේ අහසේ පාවෙන මාලිගා අද ප්‍රතිගුරුත්වය යටතේ පාවෙන නගර වී ඇත. ඒ කාලයේ යකුන් පෙරෙතයින් අද විද්‍යාත්ම ක ලෙස සෝම්බීන්, ජාන විකෘති වූවන්, පිටසක්වල ජීවීන් ආදීන් ලෙස එලියට පැමින ඇත. මහා මකරුන් ඇත් කද ලිහිණීන් ඩයිනසොර්ලා වී ඇත. ටෙලි පති සිතිවිලි අනුව ක්‍රියාත්මක වන මැෂින් වී ඇත. අද වන විට ප්‍රතිගුරුත්වය, ජාන ක්ලෝනීකරනය, ඩයිනසෝර්ලා නැවත බිහිකිරීම, නොපෙනී සිටීම, වැනි දේ සම්බන්ධව දහස් ගණන් පර්යේෂණ සිදුකෙරේ. හෙට දවසේ මේවා යතාර්තයක් වීමට බොහෝ සේ ඉඩ ඇත. කෙසේ නමුත් මෙහි තේරුම් ගත යුතු යතාර්තය වන්නේ කුමන හෝ නිර්මාණශීලී පරිකල්පනය මිනිසාට සෑම විටම සුබ අතට තිබූ බවයි. ඒ කාලයේ මන්තරයේ මිකැනිසම් එකට අර්තකතනයක්, අහසේ පාවීමට යම් හේතු සහගත විග්‍රහයක් තිබුනා විය හැක. නමුත් ඒ කාලයේ අයට අද කාලයේ විද්‍යාප්‍රබන්ධ පෙන්වුව හොත් ඒවා නිසැකවම සුරංගනා කතා ගනයටම ඇද වැටෙනු ඇත.

මෙම සාපේක්ෂ බව තේරුම් නොගැනීම නිසා අප වැනි රටවල වැසියන්ට සිදුව ඇත්තේ අරුම පුදුම සිදුවීමකි. නිර්මාණශීලීත්වතුල පිහිටක් සොයා ගත නොහැකිව අතරමන්ව ඇති ආතක් පාතක් නැති පිරිසක් බිහිවී ඇත. මෙයට ප්‍රධානම හේතුව අද විද්‍යාව විසින් පෙර තිබුනු විද්‍යා ප්‍රබන්ධ හෝ සුරංගනා කතා යන්න ප්‍රතික්ෂේප කිරීම පමණක් නොව ඒවා ගැන කතා කරන්නන් සිතන්නන් මෝඩයන් ලෙස සැලකීමට පටන් ගෙන තිබීමයි. මෙයට ප්‍රධානම හේතුව බුද්ධිමත් කම පෙන්වීම සදහාපමනක් කිසිදු ආසාවකින් තොරව කොහෙන් හෝ බඩගා අමාරුවෙන් විද්‍යාව සම්බන්ධ උපාධියක් ලබා ගෙන ඉන් මත්තට ඒ දැනුමින් කිසිවක් කර ගත නොහැකිවූ මොට්ටයන් පිරිසක් තම කැපී පෙනීමේ එකම අවස්ථාව නිසාදෝ එලව එලවා පැරනි සාහිත්‍යයන්ට හා විශ්වාසයන්ට පහර දෙනු දැකිය හැක. අතීතයෙන් පැමිනි යම් කතාවක සදහන් වුනු දෙයක් රසවිදීම ඒ තුල සිහින දැකීමේ හෝ තමුන්ට අනුව නැවරදි යැයි සිතේ නම් එැවැනි යම් යම් දේ සම්බන්ධව සොයා බැලීම පරීක්ෂන කිරීම හෝ වත් වැරදි වන්නේ නැත. නමුත් අද වන විට මෙවැනි දේ තනිවචනයකින් කපා හරිනු ලැබේ. එනම් සාක්ෂි නැත. මෙම නිසාම අප ජනතාව අද නිර්මාණෂීලීත්වය අතින් මොට ජාතියක් වී ඇති බව හොදා කාරවම දැක ගත හැක. ඔවුන් සිතීමට බියය. අලුතින් සිතීමට බියවන්නේ තමුන් පිලිබද ඇති දැනුම හීනමානය නිසාවෙනි. උන් දන්නා කෙහෙම්මල් විද්‍යාවක් නැත. අම්ම අප්පා කියා දුන්දේ විදීමට නිදහසක්ද නැත. කල හැකි එකම දෙය විද්‍යාවනම් මේ මොකද්දො මගුලෙන් කොහෙන් ලබා ගන්නා අදහස් තුලින් දැයි සිතා ගත නොහැකි මහා විස්මිත නිර්මාන බටහිරයන් විසින් ගෙනත් දෙන තෙක් කට බලියාගෙන සිටීම පමනි. නමුත් අනිත් අතින් බටහිරයන්ට තමුන්ට කැමති කැමති ලෙස සිහින දැකීමටද නිර්මාණ කිරීමටද උපරිම නිදහස ඇත. මන්ද නිර්මාණශීලීත්වයේ උපත එය බව ඔවුන් දන්නා බැවිනි. නිර්මාණශීලීත්වය අහසින් පාත් වන්නෙ නැත පැරනි සුරංගනා කතා වල සිට නොයෙකුත් ආගමික කතා පවා ඇසීම රස විදීමේ හැකියාව සිහින දැකීම අනිවාර්යයෙන් ම මෙහි මුදුන් මුල් වේ. එම නිසා සක් දෙවිදුන් හදේ හාව ඇදීමේ සිට දෙවියන්ටවත් බිය නොවුනු හර්කියුලිස් , කල්ප ගණන් පෙර ආත්ම වල ඉපදී ගුන දම් වැඩූ බෝසත් වරුන්, සුලැගිල්ලෙන් සක්වලම බැබලිය හැකි බ්‍රහ්මයන් පිලිබදවත් , ලෞකික සෘද්ධි පිලිබදවත් ආදී සියලු දැනුම දරුවන්ට ලබා දීමට පසුබට නොවන්න. කවදා හෝ ඔවුන් එක්කො ඒවා සත්‍ය අසත්‍ය බව පසක් කර ගනු ඇත. එසේ නොවුනද නිර්මාණශීලී පුද්ගලයෙක් සමජයට දායාද වී ඇත. දැන් පාරමී පිරීම නිර්මාණශීලීත්වයට හේතුවන්නේ කෙසේද යනුවෙන් ඇසීමට තරම් මොට්ට නොවෙන්න. :-)

සෑහන කලක සිට දකින්නට ලැබෙනන උක්ත මොට්ට විද්‍යාපාලලාගේ අපූරු තරකයකින් ලිපිය අවසාන කරමි. ඔවුන්ට අනුව ඉලෙක්ට්‍රෝණය ඇත්තකි. පුනර්භවය බොරුවකි. ඉලෙක්ට්‍රෝණය ඇත්ත වන්නේ එය අපට නොපෙනුනද සිදුම් පරීක්ෂණ ආදී දහස් ගණන් ප්‍රතිපල මතය. එසේ නම් පුනර්භවය බොරු වන්නෙ කෙසේද? මට මතකත් නෑ ඔබට මතකත් නෑ අරයට මතකත් නෑ කාටවත් මතක නෑ කලින් හිටපු ජීවිතේ ගැන . ගැටලුව මෙයයි. මුල් ඉලෙක්ට්‍රෝණය දැකීමට නොහැකි වීම ඇහැට එම හැකියාව නොමැති වීම වී පෙර ජීවිතයක් මතක නැති වීම මතකයේ අවුලක් නොවන්නේ යැයි කෙලින්ම පවසන්නේත් කෙසේ ද ?

පුනර්භවය ගැන මෙතෙර එතෙර කතා කරන කුමන විද්වතා වුවද අන්තිම ප්‍රාථමික ලෙස මෙතෙක් කල් සෑම තැනම තා කර ඇත්තේ පොත් ලියා ඇත්තේ පර්යේශණ කර ඇත්තේ ද මේ මතකය සම්බන්ද ඉතාමත්ම ප්‍රාතමික ක්‍රම වේදයක් අල්ලා ගනිමිනි. පුනර්භවය ගැනද ඉලෙක්ට්‍රෝණය ගැන ලෙසම පර්යේෂණ කල යුතුය. කිසිවක් තොරතුරක් වන්නේ කෙසේද , තොරුතරු ඇති වන්නේ සෙදෙ විනාෂ වන්නේ කෙසේද ? පුද්ගලයෙක් වැලි පස් ගල් වලින් වෙනස් වන්නේ කෙසේද ,සත්ත්වයෙක් සත්ත්වයෙක් වන්නේ කෙසේද යන සියුම් පර්යේෂණ ගණිතමය සාධන ආදිය සිදු කල යුතුය. අන්න එවිට තොරුතුරු විනාශ විය නොහැකි බව හා යම් අකාරයක් ගනී බව ආදී ලෙස යම් දිනක සාධනය වේ නම් එයම සංසාරය ඔප්පු කල හැකි මගත් වන්නේය.
පුනර්භවය ඔප්පු කිරීම ප්‍රායේගිකව උපකාරී වන්නේ කෙසේද ? ජාන ගත රෝග නිධාන හදුනා ගැනීම ප්‍රතිකාර කිරීම, ජන විකෘතිතා පැහැදිලි කිරීම මෙන්ම පුද්ගල හැකියාවන් හදුනා ගැනීම සහ පෞර්ෂ වර්ධනය සදහා වුවද යොදා ගැනීමට හැක.

Friday, October 6, 2017

සංකීර්ණ සංඛ්‍යා හා එ්කක වෘත්තය - ක්වොන්ටම් පරිඝණක ක්‍රමලේකනය සදහා

සංකීර්ණ සංඛ්‍යා යනු මනඞකල්පිත කොටසක් සහිත සංඛ්‍යාය. එම මනහ්කල්පිත කොටස නම් $\sqrt{-1}$ යන්නයි. මෙය i අකුරෙන් දැක්වෙන අතර මෙම නිසා i2 = -1 . එනම් එම සංඛ්‍යාවෙන්ම වැඩි කිරීමෙන් සෘණ අගයක් ලැබෙන සංඛ්‍යාවක් මනහ්කල්පිත කල්පිත සංඛ්‍යාවක් වේ. මෙය සිදුවිය නොහැකි නිසාම මනහ්කල්පිත නමභාවිතා වුවද ගණනය කිරීම් වලදී මෙය සැබැවින්ම උපකාරීවේ. කිසියම් ගණනය කිරීමකදී අප කටු කොලයක් භාවිතා කර පසුව නියම උත්තරය පොතක ලියන්නාක් මෙන් ගණිත කර්ම වලදී අප යම් යම් ගැටලු මෙම මනහ්කල්පිත අංක සහිත සංකීර්ණ අවකාශය තුල සිදු කර අවසාන උත්තරය නැවතත් නියම සංඛ්‍යා ලෙස ලබා ගනු ලැබේ. මෙම මනහ්කල්පිත සංඛ්‍යා වලට ගණිතයේදී අතාත්වික සංඛ්‍යා යැයි ියනු ලැබේ.

සංකීර්ණ සංඛ්‍යාවක් යනු a + ib වේ. a යනු ඕනෑම සැබෑ සංඛ්‍යාවකුයි . සෑම සංකීර්ණ සංඛ්‍යාවකටම එය හා බැදුනු ප්‍රතිබද්ධය යන්නක් ඇත. එනම් a + ib සංඛ්‍යාවේ ප්‍රතිබද්ධය (a-ib) වේ.

(a+ib) (a-ib) = a2-aib + aib– ib2

i2 = -1 නිසා

= a2 +b2 (මෙමගින් පෙන්නුම් කලේ ප්‍රතිබද්ධය භාවියෙන් මනඞකල්පිත කොටස ඉවත්ව නැවතත් තාත්වික සංඛ්‍යාවක්ම ලබා ගැනීමට හැකි බවයි.)

සංකීර්ණ සංඛ්‍යා	තාත්වික කොටස	අතාත්වික කොටස
3 + 2i	3	2
5	5	0
−6i	0	−6

සාමාන්‍ය සංඛ්‍යා යනුද සංකීර්ණ සංඛ්‍යා වේ. මන්ද සංකීර්ණ සංඛ්‍යාවක සංකීර්ණ කොටස i සමග බින්දුව වීමටද (උදා ib = 0) හැකි බැවිනි.

සංකීර්ණ සංඛ්‍යා අපට ශ්‍රිතයක් ඇසුරින් මෙසේ නිරූපනය කල හැත මෙම අවකාශය සංකීර්ණ අවකාශය ලෙසද ශ්‍රිතය ආගන්ඩ් තලය ලෙසද හදුන්වනු ලැබේ. . මෙම ශ්‍රිතයේ x යනු සැබෑ සංඛ්‍යාවක් වන විට y යනු අතාත්වික කොටසයි.

x2 - 1 = 0 යන ශ්‍රිතය සැලකුවහොත් අපට බැලූ බැල්මට මෙහි විසදුමක් දැකිය නොහැක. නමුත් විසදුමක් තිබිය යුතු බවද පැහැදිලිය. ආතාත්වික සංඛ්‍යා පිහිටට එන්නේ මෙවැනි ගැටලු හමුවේයි.

නමුත් ආතාත්වික සංඛ්‍යා භාවිතයට ගැනීමෙන් අපට x අක්ෂය කැපෙන ලක්ෂ -i හා +i ලෙස වටහා ගත හැක. සරලව විසදුම ඇත්තේ අපට පෙනෙන මානයේ නොව සංකීර්ණ අවකාශය තුලයි.

අතාත්වික සංඛ්‍යාවක් එම ආතාත්වික සංඛ්‍යාවෙන්ම ගුණ කරනවා යනු එම ගුණ කරන වාරයක් පාසා එය , $\sqrt{-1}$ ,-1,1 ලෙස එකම ලක්ෂය ඔස්සේ කරකැවේ.

$\sqrt{-1}$ $\sqrt{-1}$ = -1 , -1 $\sqrt{-1}$ = $\sqrt{-1}$ , $\sqrt{-1}$ $\sqrt{-1}$ $\sqrt{-1}$ $\sqrt{-1}$ =1

අතාත්වික සංඛ්‍යාව සංඛ්‍යා ඉංග්‍රීසි i අකුරෙන් නිරූපනය කෙරේ.

එවිට සංකීර්ණ සංඛ්‍යාවක් යනු a + ib වේ. a යනු ඕනෑම සැබෑ සංඛ්‍යාවකුයි . සෑම සංකීර්ණ සංඛ්‍යාවකටම එය හා බැදුනු ප්‍රතිබද්ධයක් ඇත.. එනම් a + ib සංඛ්‍යාවේ ප්‍රතිබද්ධය(a-ib) වේ.

(a+ib) (a-ib) = a2-aib + aib– ib2

i2 = -1 නිසා

= a2 +b2 (මෙමගින් පෙන්නුම් කලේ ප්‍රරතිබද්ධය භාවියෙන් අතාත්වික කොටස ඉවත්ව නැවතත් සැබෑ සංඛ්‍යාවක්ම ලබා ගැනීමට හැකි බවයි.)

සාමාන්‍ය සංඛ්‍යා යනුද සංකීර්ණ සංඛ්‍යා වේ. මන්ද සංකීර්ණ සංඛ්‍යාවක ඕනෑම අගයක් බින්දුව වීමටද (උදා b = 0) හැකි බැවිනි.

<A|A> අවස්ථාවේදී |A> යනු සංකීර්ණ සංඛ්‍යා පෙලක් නම් <A| යනු එහි ප්‍රරතිබද්ධයයි.

a+bi ආදී සංකීර්ණ සංඛ්‍යා 2x2 න්‍යාස ලෙසද දැක්විය හැක.

$i^{2}= -1$

$a +ib = \begin{pmatrix} a & -b \\ b & a \end{pmatrix}$
සාධනය මෙතනින්

ඔයිලර් ගේ සමීකරණය

ක්වොන්ටම් යාන්ත්‍ර විද්‍යාවේදී ගණනය කිරීම් වලදී ඉතාමත්ම වැදගත් වන සම්බන්ධයක් ඔයිලර් ගේ සමීකරණය ලෙස හැදින් වේ.

සංකීර්ණ සංඛ්‍යාවන් වුනු මෙය

$e^{i\Theta }$ = $=sin\Theta + icos\Theta$ ලෙස දක්වනු ලැබේ.

ඡායාරූප උපුටා ගෙන ඇති නිසා පහත රටාවේ $\Theta$ , x මගින් දක්වා ඇත.
ඕනෑම cos x හෝ sin x සදහා
taylor series cos(x) = 1-x^2/2! + x^4/4! - ..., and sin(x) = 1-x^3/3! + x^5/5! - ...

(! යනු ඖනෑම සංඛ්‍යාවක් සදහා 3! = 1 x 2 x 3, 4! = 1 x2 x 3 x 4 වේ)

සත්‍ය වේ .

පහත රටාව සලකන්න.

x සදහා කුමන අගයක් යෙදුවද රටාවේ එකතුව 2.718281828459045 ට ආසන්න වේ.

e^x = Sigma n=0 to infinity of x^n/n! = 1 + x + x^2/2! + x^3/3! + x^4/4! + x^5/5! + ...

මෙම රාශියට i එකතු කිරීමෙන්
e^ix = 1 + ix + (ix)^2/2! + (ix)^3/3! + (ix)^4/4! + (ix)^5/5! + ...

i අගයන් වර්ගය අනුව සුලු කිරීමෙන් ( $i^{2}= -1$ )

e^ix = 1 + ix - x^2/2! - ix^3/3! + x^4/4! + ix^5/5! - ...

i අගයන් සහිත කොටස් වෙන් කර i පිටතට ගැනීමෙන්

taylor series e^ix = (1-x^2/2! + x^4/4! - ...) + i (1-x^3/3! + x^5/5! - ...)

මෙය ඉහත cos හා sin සදහා ලැබුනු කොටස්ම බව පැහැදිලි වනු ඇත .
එම නිසා. x , $\Theta$ මගින් නිරූපනය වේ.

$e^{i\Theta }$ $=sin\Theta + icos\Theta$

$e^{i\Theta }$ අපට ඛන්ඩාංක තලයක (සංකීර්ණ ඛන්ඩාංක තලයක) නිරූපනය කල හැක. $\Theta$ කුමණ අගයක් ගත්තද මෙය සෑම විටම අපට අරය 1 වූ වෘත්තයක් මත පිහිටි කෝණයක් ගෙන දේ. මෙය ඒකක වෘත්තය නැතිනම් unit circle ලෙස හැදින්වේ. $\pi$ , රේඩියන් හෝ ඕනෑම අගයක් සදහා මෙය වලංගුය. මෙම ඒකක වෘත්තය වැදගත් වන්නේ ගණනය කිරීම් මේ හරහා සුලු කර ගැනීම හැකි වීමයි. උදාහරණයක් ලෙස තරංගයක කම්පනය අපට මෙම වෘත්තයේ මධ්‍යා ලක්ෂය වටා භ්‍රමණය වන වාරගණනින් නිරූපනය කල හැක. අරය1 බැවින් sin සහ cos ආදී ත්‍රිකෝණ මිතික ගණනය කිරීම්ද පහසු වේ. එසේම මෙය ත්‍රිමාණ ගෝලයක් ලෙස සැලකීමෙන් ක්වොන්ටම් බිටු නිරූපනය කිරීම සදහා ත්‍රිමාණ අවකාශයේ ඉලෙක්ට්‍රෝණයක භ්‍රමණය නිරූපනය එය තුලින් සිදු කෙරේ. මෙම ගෝලය බ්ලොච් ස්පියර් ලෙස හැදින් වේ.

$e^{i\pi }$ +1 = 0 යන්න ද මෙවැනිමය.

පහසුවෙන් ත්‍රිකෝණමිතිය මතක් කර ගැනීමට පහත රූපය උදව් කරගන්න.

Monday, July 3, 2017

අකුණු සන්නායක තැටි වංචාව

මෙම ලිපියේදී අප සාකච්ඡා කිරීමට බලාපොරාත්තු වසර සිය ගණන් පැරණී අකුණු සන්නායක හා ඒවා තුල ගැබ්වී තිබෙන ශක්තියක් පිලිබද ව්‍යාපාරයයි. සමහරුන් රැපියල් කෝටි ගණනකට මෙම ශක්තිය යම් යන්ත්‍ර භාවිතා කර ඒවා තුලට ඇද ගනිමින් රැගෙන ගොස් අතර සමහරුන් අකුණු සන්නායක පාද තැටි පිටින්ද රැගෙන ගොස් තිබුනි. වසර සිය ගණනක් අකුණු ගැසීඹ නිසා මේවා තුල අනුතර් ගත වී ඇති ශක්තිය කොපමනද යත් එය භාවිතා කර මිසයිල ගමන් මාර්ග වෙනස් කිරීම අභ්‍යවාකාශ යානා ධාවනය මෙන්ම න්‍යශ්ටික අවි තැනීම වැනි විවිධ කටයුතු සදහා භාවිතා කල හැක.තැටියක් රැගෙන වාහනයක් තුලට නැගුනු විට වාහනය නවතින අතර නැවතත් එය කාබන් කොලයකින් වුසුව හොත් වාහනය පන ගැන්වේ. මෙම තැටි අපට අයත් දෙයක් වුවද කුණු කොල්ලයට මේ සියල්ල ඉන්දියන් සමාගම් විසින් රැගෙන ගොස් තිබුනි. සමහර ඒවා ලක්ෂ පනහේ සිට කෝටි සියය දක්වා අගය වී තිබුනි. විශේෂයෙන්ම මේවා ඉතා ඉහල මිල ගණන් වලට මිළදී ගන්නේ අමෙරිකාවේ නාසා ආයතනය වීමද වි‍ශ්ෂත්වයකි.

මෙම ශක්ති විශේෂය සෑම අකුණු තැටියකම ස්ථාපනය වී නොතිබීඹද විශේෂත්වයකි. මෙම ශක්තිය මැන ගැනීමට එක්කෝ අකුණු පාද තැටිය අසල හාල් ඇට දමා ඒවා අකාර්ශණය වීම නැරඹීය යුතු අතර නැතිනම් අත තබා රෝම කූප කෙලින් වීම වැන්නකින් හෝ නැතිනම් විශේෂ යන්ත්‍ර භාවිතයෙන් මෙගා බයිට් වලින් මැනිය යුතුය. කෙසේ වුවත් අතරමැදියන් සියගණන් හරහා මෙවැනි පාද තැටි බොහෝමයක් දැනටමත් ගලවාගෙන ගොස් අවසන්ය.

ලෝකයේ පළමු අකුණු සන්නායක නිපදවීමේ ගෞරවය හිමි වන්නේ ශ්‍රී ලාංකිකයින්ටය. පසුව සුද්දන් විසින් ලංකාව යටතක් කර ගැනීමෙන් පසු ඔවුන්ගේ තේ වතු බංගලා ආදිය අකුණු පහර වලින් රැක ගැනීම සදහා තඹ භාවිතා කල මෙම අකුණු පාද තැටි යොදමින් තඹ අකුණු සන්නායක සවිකර තිබුනි. මෙම අකුණු සන්නායක තැටි වල විශේෂයක් වූයේ තඹත් සමග දුර්ලභ විකිරණ ශීලී ලෝහයක් වන ඉරිඩියම් අඩංගු වීඹයි. අධික තාපාංකයකින් යුත් ඉරිඩියම් වටිනා ලෝහයකි. ප්ලැටිනම් පවුලට අයත් මෙම ලෝහය බොහෝ විට උල්කාපාත වලින් හමු වෙයි. පෘථාවිය මත ඩයිනසෝරයන් විනෂ වූයේ උල්කාපාතයක් නිසා බවට මතයක් ගොඩ නැගුනේ විශාල උල්කාවක් වැටුනු බවට සැක කෙරෙන ඇරිසෝනා? ප්‍රාන්තයේ ඇති විශාල ආවාටයතුලින් හමුවුනු අධික ඉරිඩියම් ප්‍රමාණයයි. වර්ථ මානයේ වෛද්‍ය උපකරණ වල සිට ස්පාර්ක් ප්ලග් දක්වා විවිධ උපකරණ සෑදීම සදහා ඉරිඩියම් යොදා ගනු ලබයි.

ඉරිඩියම් ඝණැති ලෝහයක් වුවද විකිරණශීලී ලෝහයකි. විකිරණ ශීලීග්තව මනින මිනුම් ඒකක වන්නේ බෙකියුරල් වන අතර එය ප්‍රමාණය අනුව මෙගා බෙකියුරල්( Mbq) ගිගා බෙකියුරල් (Gbq) වෙනස් වේ. ලංකාවේදී මෙගබෙයිට් ගිගා බයිට් ලෙස වෙනස් වූයේ මෙයයි. 37Gbq කියුරීස් එකක් වේ. සමහරුන් විකිරණමාන වලින් අකුණු පාද තැටි මැන බැලුවේ මෙම විකිරණශීලීත්වයයි. නමුත් වර්ථමාන ලෝක වෙළද පොලේ ඉරිඩියම් අවුන්සයක් ඩොලර් අටසියයකට පමන මිලට ගත හැක (http://www.infomine.com/investment/metal-prices/iridium/). සමස්ථානික වුවද මෙහි වැඩි වෙනසක් නොමැත. නමුත් අකුණු පාද තැටියක අඩංගුවන ඉරිඩියම් ප්‍රමාණය ඉතාමත්ම සුලුය. එසේනම් ඉරිඩියම් මිශ්‍ර තඹ තැටියක් සදහා එහි විකිරණශීලීත්වය අනුව bq එකකට හෝ ඊට වැඩි ප්‍රමාණයකට රුපියල් කෝටි ගණනක් ගෙවන්නේ ඇයි? කෙසේ නමුත් මෙම තැටිය රැගෙන නොගොස් විකිරණශීලීත්වය පමනක් යන්ත්‍රයකින් ය ඇද ගත හැකි යැයි සිතීම මුලාවකි. එය හරියටම විදුලි බුබුලකින් ආලෝකය උරාගන්නවා වැනි දෙයකි. තඹ ඉරිඩියම් තරම් වටිනා ලෝහයක් නොවේ . එම නිසා තඹ වල වටිනා කම මෙහිදී අදාල නොවේ . නමුත් සමහරුන් අත තබා මෙ තැටි වලින් මැන බැලුවේ කුමක්ද? අකුණු සන්නායකයක් සමහර විට නිවසේ විදුලි රැහැන් සමගද සම්බන්ද වී තිබිය හැක. අර්ත් නැතිනම් බිම් ගත් වයරයක් ලෙස මෙය භාවිතා වන විට එය හරිහැටි බිම් ගත නොවී නම් එය තුලින් යම් විදුලියක් රැදීම සාමාන්‍යයය. මෙයම නියුට්‍රල් වයරය සදහාද බලපායි. හාල් ඇට ඇද ගැනීඹ රෝමකූප කෙලින් වීම මහි තුල රැදි ස්ථීතික විද්‍යුතයේ ප්‍රති පලයි. නමුත් දැනටමත් වෝල්ට් ලක්ෂ ගණනක ස්ථිතික විද්‍යුතය නිපද විය හැකි යන්ත්‍ර ලොව ඇත. එසේ නම් මේ තැටි සදහා ඉහල මිලක් ගෙවන මෙය තුල රැදි අභ්‍යවකාශ යානා පවා රැගෙන යා හැකි අධික ශක්තිය කුමක්ද?

මෙය තුල රැදී පවතින අධික ශක්තිය නම් අධික වංචාවයි. ලංකාවට මෙය අලුත් වුවද දැනට වසර ගණනාවක සිට මෙවැනි දේ ඉන්දියාව ප්‍රමුක කර ගනිමින් ක්‍රියාත්මක වේ. සරලව මෙහිදී සිදු කරන්නේ වැඩි අගයක් නොමැති දෙයකට බොරුහේතු රැසක් දමා ඉහල අගයකට පත් කිරීමයි. ට්‍රයිටන් නම් වාලම්පුරි ව්‍යාපාරයද මෙසේම විය. ආකාර කීපයකින් ක්‍රියත්මක වන මෙය තුල අවසානයේ කිසිවකු හෝ අධික මුදල් හානියකට පත් වේ.

ඔබ හොදින් මුදල් හදල් ඇති අයෙකු නම් මම ඔබ හමුවී මෙවැනි තැටි සදහා කෝටි ගණණ් මුදල් ගෙවන බව පවසයි. මින් පසු මා හදුනන බව නොදන්නා නමුත් ඔබ හදුනන අයෙකු හෝ අලුත් තැරුව් කරුවකු මෙවැනි තැටි රැපියල් ලක්ෂ පනහකට පමන රැගෙන යා හැකි බවත් ඒ සදහා පරීක්ෂක වරුන් පවා සිටින බව පවසයි. රැපියල් පනස් ලක්ෂයක ලාභයක් ගැන සිතන ඔබ තැටිය පරීක්ෂා කරයි. සමහර විට ඉන්දියාවේදී නම් හාල් ඇට පොගවා එය යකඩ කුඩු සමග මිශ්‍රකර පැරණි තඹ කාසි මුට්ටි ආදිය තුල කාන්දමක් සගවා එයට ඇදෙන බව පෙන්වාද වංචා කර ඇත. මෙවැනි වීඩියෝ යූ ටියුබ් තුලින් කොතෙකුත් බලා ගත හැක.කෙසේ හෝ ලක්ෂ පනහක් දී ඔබ තැටිය මිලට ගනී. ඉන් භාගයක් තැටියේ හිමි කරුට යන අතර ඉතිරිය තැරැව් කරු හා මා අතර බෙදේ. ඔබ තැටිය විකීණීමට මා සොයන ත් සමග විට පමා වී වැඩිය. නැතිනම් මම කරදරයකට පත්වී ඇති නිසා මුදල් ගෙවිය නොහැක. තැටිත් සමග ඔබ අතරමන් වෙයි.

මෙහිම තවත් ආකාරයක් වන්නේ මිලදී ගන්නා සතුව නාසා ආයතනයෙන් මෙම තැටි ලබා ගැනීම සදහා නිකුත් කල සහතියක් පවා පෙන්වීමයි.මේ අනුව ඔබ උනන්දු වී කෝටි ගණන් වලින් තැටි කිහිපයක් සොයා ගනී. නමුත් ඔබ මෙය විකිනීමට මිලදී ගන්නා වෙත ගිය විට ඔහු විශාල මුදල් අර්බුදයකට මුහුණ පා ඇත. ඔහු පවසන්නේ මෙම සහතිකයද ඇතුලුව ඔහු සතුව ඇති අනෙක් තැටි කිහිපයකුත් ඔබට ලබා දිය හැකි බවත් තමුන් සදහා රැපියල් කෝටි දහයක් ලබා දෙන ලෙසත් තැටි සියල්ල රැපියල් කෝටි දහසකට පමන නාසා ආයතනට විකිනිය හැකි බවත්ය. ඔබ මෙයට කැමති වන අතර ඉන්පසුව සිදුවන දේ ගැන අමුතුවෙන් කිව යුතු නැත. සමහරුන් පවසන පරිදි තැටි රැගෙන නොයන අතර යම් ශක්තියක් උරා ගත හැකි යන්ත්‍ර මගින් එම ශක්තිය පැය ගණන් ලබා ගනී. යන්ත්‍රය කුමක් වුවත් වංචාවේ වෙනසක් නොමැත. සමහරුන් මේ සදහා ඇමීටර ආදියද යොදා ගෙන ඇත. තැටිය වෙනුවට එම ශක්තිය ගබඩා වුනු යන්ත්‍රය විකුණයි.

මෙම වංචාව ප්‍රසිද්ධීයේ හදුන්වන්නේ රයිස් පුලර් වංචාව ලෙසයි (Rice Puller scam). මෙය පෙර තඹ කාසි , භාන්ඩ ආදියටද වලංගු වූවකි. මෙම වංචාවේ විශේෂත්වය වන්නේ එක් රටක් තුල නොව රටවල් ගණනාවක් තුල මෙය පැතිර තිබීමත් මිළදී ගණ්නා අසරණයා සමහර විට පිටරැටියකු වීමටත් ඉඩ තිබීමෙනි. අනෙක් අතට මෙය ඉතාමත් පිලිගත් ව්‍යාපාරයක් බව පෙන්වීම සදහා වෙනම වෙබ් අඩවි වීඩියෝ පවා දැක ගත හැක. නමුත් මෑතකදීද ඉන්දියාවේ මෙසේ වංචා කල කිහිප දෙනෙකුට එරෙහිව නීතිය කටයුතු කර තිබුනි.

Thursday, October 27, 2016

රන් සමනලයා

කුරුල්ලන්ගේ කෑ කෝ සද්දෙට පුංචි කුරුමිනියාට ඇහැරුනා. උදේ හිරු රැස්වැටිලා පලාතම රන්වන්පාටින් බැබලනවා. ගස්වල කොල අග එල්ලෙන පිනිබිංදුවලට ඉර එලිය වැටිලා මුතුකැට වගේ බබලනවා. තැන තැන ලස්සන ලස්සන මල්පිපිලා මල්සුවද හැම තැනම පැතිරිලා. ඇත්තටම කුරුල්ලෝ කෑ ගහන්නේනෑ. මේ ලස්සනෙන් වසීවෙලා වගේ. උන් සින්දු කියනවා. කොච්චර ලස්සන උදෑසනක්ද? තව ටිකක්නිදා ගන්න හිතුනත්මේ වගේ ලස්සන උදෑසනක කම්මැලිවෙන එක හොද නෑ කියලා පුංචි කුරුමිණියාට හිතුනා.
සුබ උදෑසනක් යාලුවේ ......අය්යෝ යාලුවේ ඔයා තාම නිදිද? පුංචි කුරුමිණියාගේ යාලූ තනකොල පෙත්තප්පු සන්තොසෙන් පුංචි කුරුමිණියා වටේ පියාඹන ගමන් ලංවෙලා ඇහුවා.මම දැනුයි නැගිට්ටේ ඔයා කොහේද යන්නේ පුංචි කුරුමිණියා ඇහුවා.අද හරිම ලස්සන දවසක් යාලුවේ මම යනවා වට පිට බලන්න හැම තැනම හරිම ලස්සනයි ඔයත් එනවද මගෙත් එක්ක යන්න? පුංචි කුරුමිණියාට යන්න ආස වුනත් තනකොල පෙත්තප්පු හයියෙන් පියාඹන නිසා තනියෙන් යන්න ඕනෑ කියලා හිතුනා. තනකොල පෙත්තප්පු එක්ක වේගෙන් පියාඹන්න පුංචි කුරුමිණියාට බෑ . එයා තාම පොඩීනේ. ඔයා යන්න යාලූවේ මම පස්සේ එන්නම් පුංචි කුරුමිණියා කිව්වා. ගිහින් එන්නම් පෙත්තප්පු ඈතට පියාඹලා ගියා.

.පුංචි කුරුමිණියා එයාගේපුංචි අත් දෙකෙන් ඇස් දෙක පොඩි කරලා ලග තිබිචිච පි ණි බිංදුවකින් මූ ණ කට හෝදා ගත්තා. උදේ නැගිටිට ගමන් පිරිසිදු වෙන එක හොද පුරුද්දක්බව අපේ මේ පොඩිත්තො වගේම පුංචි කුරුමිණියාත් දැනගෙන හිටියා. ඊට පස්සේ අත්දෙක හොදට සෝදාගෙන ලග තිබුනු නිල්මල් ගහේ මලක් ඇතුලට රිංගලා ඇති තරම් මල් පැණි බිව්වා.

ඔන්න දැන් පුංචි කුරුමිනියාත් ලස්සන උදෑසන බලන්න යන්න සූදානම් ්‍ කුරුමිණියා කෙලින්ම පෙකු ණ පැත්තට පියෑඹුවා.. ඇත්තටම කොචිචර ලස් සන දවසක්ද හැමදාමත් හැම හැමදාම මෙහෙමම ලස්සනනම් . පුංචි කුරුමිණියාට තව ටිකක් උඩට පියාඹලා වටපිට බලන්න ඕනෑ කියලා හිතුනා. උඩට පියාඹන කොට ටිකක් බය හිතුනත් ඈතට යනකම් පරිසරය ලස්සනට පේන බව පුංචි කුරුමිනියා දැනගෙන හිටියා . අනිත් එක පුංචි කුරුමිණියාගේ යාලූ පැණි කුරුල්ලෝ. ලේන හාමිලා ගිරා හාමිලා වගේ අයත් ඉන්න නිසා පුංචි කුරුමිණියාට බය වෙන්න දෙයක් තිබුනෙත් නෑ.පුංචි කුරුමිණියා අඹ මල් පිරිලා තියෙන අඹ ගහක මුදුන් අත්තේ කොලයක වහලා වට පිට බැලූවා. එතනට කොලවරක් නැති නිල් අහසත් ඈතට යනකම් කොල තන පිට්ටනියක් වගේ ගස්මුදුනුත් ඒ මැද නිල්පාටින් දිලිසෙන පොකු ණත් ගස්වලට ඈතින් හොරෙන් හොරෙන් ගලා ගෙන යන ගංගවත් හොදට පෙනුනා . ඈත කදු යායාක් සුදුම සුදු පාට වාලාකුලූ ගොඩකින් වටවෙලා හරිම ලස් සනයි. ගග පැත්තේ ඉදන්ආපු හීතල සනීප හුලංවලින අපේ පුංචි කුරුමිණියාව නෑවිලා ගියා.අඹ ගහේ මල් අතු අපේ පුංචි කුරුමිනියාට අත වනනවා වගේ හිමීට පැද්දුනා.

අහස දිහා බලපු පුංචි කුරුමිනියා දැක්කේ තවත් පුදුම දෙයක්. මේ මොකද්ද මේ. අද ඉරවල් දෙකක් පායලා නේද? ඈත අහසේ තවත් දිලිසෙන ඉරක් පායලා තියෙන හැටි දැකලා පුංචි කුරුමිණියා පුදුම උනා. ඇත්තටම අපේ ඉර වගේම තවත් දිලිසෙන ඉර ක් ඈත අහසේ පායලා තිබුනා. ඒක තමා අද මෙචිචර ලස් සන. පුංචි කුරුමිණියාට හරිම සංතෝෂයක් දැනුනා. ඒත් ඒ ඉර අපේ යාලූ පරණ ඉරහාමි වගේ නොවන බව පුංචි කුරුමිණියාට තේරුණා එයා අපේ ඉරහාමි තරම් සැර නෑ ඒ දිහාබලාගෙන ඉන්න කොට ඇස්රිදෙන්නේනෑ. ඒ විතරක් නෙමෙයි ඒ ඉර හාමි ටිකෙන් ටික ලොකු වෙනවා නේද .ඒඇයි? ආනේ එයා අපිව බලන්න එනවා වත්ද කියලා පුංචි කුරුමිනියාට හිතුනා. හරි හරි මේ අපේ ලෝකේ ලස්සන බලන්න ආපු අපේ ඉර හාමිගේ යාලූවෙක්ද කොහෙද. පුංචි කුරුමිණියා සන්තෝසෙන් හිතුවා.ටිකකින් අලූත් ඉරහාමි ලං වෙන එක නැවතුනා. ඒ විතරක් නෙමෙයි. පුංචි කුරුමිණියා පුදුම කරමින් ඒ ඉර හාමිගෙන් තවත්ඉර හාමිලා ගෙඩක් මතුඋනා. කලින් ඉර හාමි තරම් ලොකු නොවුනත් ඒ ඉරහාමිලා හාමිලාත් එක්ක දැන් ඉර හාමිලා ගොඩයි. හරියට තරු ගොඩකුත් එක්කගෙනම ඉර පායලා වගේ . ඒ අලූත් ඉරහාමිගේ පැටව්ද කොහේද කියලා පුංචි කුරුමිණියාට හිතුනා.ඒත් එක්කම ඒපුංචි ඉරහාමි කෙනෙක් එක්ක සෙල්ලම් කරන්න ඇත්නම් කොචිචර හොදද කියලා ත් පුංචි කුරුමිණියාට හිතුනා. ඒ අයත් පොඩීනේ. . අනේ පුංචි ඉර හාමිලාට තාම හරියට පියාඹන්න බැරුවා වද්ද පුංචි කුරුමිණියාට හිතුනේ ඉරහාමිලා පොලවට හය්යෙන් එනවා වගේ හිතිලා. හිතවාත් එක්කම ඒ එක පුංචි ඉර හාමි කෙනෙක් ඩොග් ගාලා පුංචි කුරුමිණියාට දුරින් තිබිච්ච පොකු ණ පැත්තට වැටුනා

. අනේපව් පුංචි ඉර හාමිට හරියට රිදෙන්න ඇති. මම ගිහින් එයාට උදව් කරන්න ඕනෑ. පුංචි කුරුමිණියා ඉක්මනට ඒපැත්තට පියාඹන්න පටන්ගත්තා. කෙනෙක් කරදරේ වැටුනාම ඒඅයට හිනා වෙන නරක ලමයිනුත් ඉන්න බව අපේ පොඩිත්තොත් දන්නවනේ. එහේම කරන්න හොද නෑ. අපේ පුංචි කුරුමිණියා වගේ හැම වෙලාවෙම කෙනෙක් කරදරේ වැටුනාම ඒඅයට උදව් කරන්න පුංචි ඔයාලත් හිතට ගන්න ඔීනෑ. පුංචි කුරුමිණියා පුංචි ඉර හාමි වැටිචිච තැනට ගිහින් බැලූවා. අනේ එතන එක එක පාට කෑලි ගොඩක් සමහර ඒවායින් මීදුම් පිට වෙනවා අනේ පුංචි ඉර හාමි මැරුණාවත්ද පුංචි කුරුමිණියාට හුගාක් දුක හිතුනා. අලූතෙන් ආපු ඉර හාමි ආපහු ඈත අහසට ගහිල්ලා දුකෙන් වගේ බලා ගෙන ඉන්න හැටි පුංචි කුරුමිණියාට පෙනුනා. එයා දැන්ගොඩාක් උඩින්ඉන්න නිසා පේන්නේ ගොඩාක් පුංචියට. ඒත් එයා පුංචි ඉරහාමිට මොකද වුනේවත් බලන්න එන්නැත්තේ ඇයි. එයා නේ පුංචි ඉර හාමිලාව පොලවට එව්වේ. සමහර විට එයාට එන්න බැරිතරම් දුක ඇති පුංචි කුරුමිණියාට හිතුනා අනේ පව්. පුංචි කුරුමිණියා දුකෙන් අර ඉරහාමි ගේ පැටියා වැටුනු තැන බැලූවා. ඒත් එක්කම පුංචි කුරුමිණියා දැකපු දෙයින් පුදුම උනා. මෙන්න රත්තරන් සමනලයෙක් අම්මෝ උගේ ලස් සන. පුංචි කුරුමිණියාට ඇස් අදහා ගන්නත් බැරි වුනා . උගේ තටු දෙක හරහායි ඇග හරහායි ගිය ඉරියි ි, ඇස්දෙකයි, කටයි එහෙම පිටින්ම රත්තරන්පාටයි. තව ඇග පල්ලෙහාට දිග රැල් වගයකුත් එල්ලිලා තිබුනා. රන්සමනලයා අවේ මේ ඉර හාමි වැටුනු තැනින්නේද? ඒකියන්නේමේ ඉරහාමි වගේ ඇවිල්ලා තියෙන්නේමේ සමනලයාද නැතිනම් මැරුනු ඉරහාමි සමනලයෙක් වෙලා ඉපදුනාවත්ද ?. පුංචි කුරුමිණියාට හිතාගන්න බැරිවුනා. ඒත් අනේ උගේ ලස්සන. හරියට දිව්‍ය ලෝකෙන් ඇවිල්ලා වගේ.

රන්සමනලයා හෙමීට උඩට පියාඹලා බොහෝම ආඩම්බරෙන් වට පිට බැලූවා.හරියට මේ පැත්ත ගැන හොදට දන්න කෙනෙක්වගේ. රන් සමනලයා එක්ක යාලූ වෙන්න හිතාගෙන පුංචි කුරුමිණියා එයා ඉස්සරහට ගියා. එයා පුංචි කුරුමිණියාව දැක්කත් පුංචි කුරුමිණියාව ගණන්ගත්තේ නෑ.පුංචි කුරුමිණියාට දුක හිතුනා. හරිම ආඩම්බර සමනලයෙක් එයා ලස්සන බව ඇත්ත. ඒත් එයා ඔචිචර ආඩම්බර වෙන්නේ ඇයි. ආඩම්බර වෙන එක හොද නැති දෙයක් බව පුංචි කුරුමිණියා දැනගෙන හිටියා. ආඩම්බර මොනරා අන්තිමට දුකට පත් වෙච්චි කථාව පුංචි කුරුමිණියාට මතක්වුනා. මේ කැලෑවේ යාලූවො වගේම කොචිචර නරක සත්තුත් ඉන්නවද. බළල් හාමිලා ගැන මේ රන්සමනලයා දන්නවාද? මගෙත් එක්ක යාලූ වුනා නම් මම මේ සේරම කියලා දෙනවානේ. අනේ මට ඕන්නෑ එයත්එක්ක යාලූ වෙන්න. මට ඕනෑ තරම් තව යාලූවෝ ඉන්නේ. පුංචි කුරුමිණියා තරහින් හිතුවා.රන් සමනලයා වටපිට බලලා හෙමින් හෙමින් පියාඹලා කොහේදෝ යන්න පටන් ගත්තා. යාලූවෙන්න ඕනෑ නැති වුනත් රන් සමනලයා යන්නේ කෙහේද කියලා බලන්න පුංචි කුරුමිණියාට ආස හිතුනා. පුංචි කුරුමිණියාත් හොරෙන් හොරෙන් රන් සමනලයා පස්සෙන්ම පියාඹලා ගියා. ගස් අතරින්,මල් අතරින් රන්සමනලයා පියාඹලා ගියත් එයා මල්වල පැණිබොන්නවත් ලස් සන බලන්නවත් නැවතුනේනෑ. එයා කෙලින්ම පියාඹන්නේ පිටිටනියා පැත්තට නේද කියලා පුංචි කුරුමිණියාට හිතුනා.
ඉස්කොලෝ නිවාඩුකාලේ නිසා සිරිමලූයි එයාගේ යාලූ යහෙලෙියෝ ටිකයි පිටිටනියේ සෙල්ලම් කරනවා. සිරිමල් හරිම හොද ලමයෙක් බව පුංචි කුරුමිණියා දැනගෙන හිටියා. උදේ පාන්දරම ඇහැරෙන සිරිමල් පිරිසිදු වෙලා පාඩම් වැඩ කරන්න පටන් ගන්නවා පුංචි කුරුමිණියා දැකලා තිබුනා. ඊට පස්සේ අම්මටයි තාතතටයි වැදලා, එයාගේ තාත්තත් එක්ක ඉස්කෝලෙට යනවා. හවස ගෙදර ඇවිල්ලාත් පාඩම් වැඩ කරනවා. ගේදොර අස්පස්කරනවා. කි සිම කම්මැලිකමක් නෑ. පුංචි සිරිමල් ගෙදර ඉන්න දවස්වල උදේට එයාගේ කුරුලූයාලූවන්ටයි ලේන යාලූවන්ටයි කෑම කවනවා. එයාගේ තාත්තගේ හරි අම්මගේ හරි වැඩට උදව් වෙනවා. ඒවගේම හරිම කීකරුයි.අසරණ කෙනෙක් දැ ක්කොත් උදව් කරනවා. ඒක නි සා පුංචි සිරිමල්ට පුංචි කුරුමිණියා ගොඩාක් කැමතිවුනා. පුංචි සිරිමල්වගේ හොද ළමයෙක් වෙන්න පුංචි ඔයාලත් අදම හිතට ගන්නඕනෑ. එහෙම අයට හැමෝම කැමතියි.

පිටිටනිය ලගට ගිය රන්සමනලයා පුංචි ළමයින්ට පෙනෙන විදියට පිටිටනිය අයිනෙන් පියාඹන්න පටන් ගත්තා. අනේ රන් සමනලයාට පුංචි අයත් එක්ක සෙල්ලම් කරන්න හිතිලාද කොහේද පුංචි කුරුමිණියාට හිතුනා. කොචිචර හොදද පුංචිකුරුමිණියාට රන්සමනලයා එක්ක මුලින් තිබුනු තරහා අමතක වුනා. පුංචි ළමයි එක්ක සෙල්ලම් කරන්න පුංචි කුරුමිණියාටත් ඔීනෑ වුනත් ඒ අය තමුන්එක්ක සෙල්ලම් කරන්න නොඑන බව පුංචි කුරුමිණියා දැන ගෙන හිටියා. ඒක නි සා ගහක කොලයක් උඩට වෙලා දුකෙන්බලා ගෙන ඉන්නවා ඇරෙන්න පුංචි කුරුමිණියාට වෙන කරන්න දෙයක් තිබුනේ නෑ.රන් සමනලයාව දැකපු පුංචි ඈයෝ හරියට සන්තෝ ස උනා. . අන්න රන් සමනලයෙක් කිය කියා ඒඅය රන් සමනලයා ලගට දුව ගෙන ආවත් ඒ අය ලං වෙන කොට රන් සමනලයා ටිකෙන් ටික ඈතට යන්න පටන් ගත්තා. පුංචි අයත්හිනා වෙව් ඒපස්සේයන හැටි පුංචි කුරුමිණියා ආසාවෙන් බලා ගෙන හිටියා. මෙහෙම වට කීපයක් ගියපු රන් සමනලයා එක පාරට ආපහු කැලේ ඇතුලට ගියා. රන්සමනලයාට මහන්සි ඇති පුංචි කුරුමිණියාට හිතුනා.

ඒත් පුංචි සිරිමල් විතරක් රන්සමනලයා පස්සෙන්ම හිනා වෙවී කැලෑව ඇතුලට ගියා. අනේ මටත් රන් සමනලයා එක්ක යාලූ වෙලා සෙල්ලම් කරන්න ඇත්නම් පුංචි කුරුමිණියාට ආයෙත් හිතුනා. පුංචි කුරුමිණියා ආයෙත් රන් සමනලයයි පුංචි සිරිමලූයි ඉන්න පැත්තට ගියා. රන්සමනලයයි පුංචි සිරිමලූයි සෙල්ලම් කරනවා රන්සමනලයා පුංචි සිරිමල් වටේට පියාඹනවා. පුංචි සිරිමල් රන්සමනලයාව අල්ලන්න වගේ අත්පුඩි ගහ ගහ උඩ පනිනවා. ඒත් එක සැරේටම සිරිමල්ගේ පිටිපස්සට ගිය රන්සමනලයා සිරිමල්ගේ ඔලූව පිටිපස්සෙන් නොපෙනීගියා. පුංචි සිරිමල් එකපාරටම බය වෙලා එයාගේඔලූව අල්ලාගෙන හය්යෙන් කෑ ගහන්න පටන්ගත්තා. පුංචි කුරුමිණියාටත් බය හිතුනා එයා ඉක්මනට පුංචි සිරිමල් ලගට පියාඹලා ගියා. පුංචි සිරිමල්ගේ ඔලූව පිටිපස්සෙන් මොනවදෝ රතුපාට තීන්ත වගයක් බිමට වැටෙනවා. රන්සමනලයා පේන්න නෑ. අනේ මොකද්ද වුනේ රන්සමනලයා කෝ . පුංචි සිරිමල් අඩන්නේඇයි. පුංචි කුරුමිණියාට හිතා ගන්නවත් බැරිවුනා. ඒත් එක්කම පුංචි සිරිමල්බිමට වැටුනා.රන් සමනලයා පේන්නවත්නෑ. අනේ පුංචි සිරිමල්ට මොකද වුනේ රන් සමනලයා ඒයාට රිදෙන්න මොනවා හරිකලාද? ඉක්මනට පුංචි සිරිමල්ගේ යාලූවන්ට මේ ගැනකියන්න ඕනෑ. පුංචි කුරුමිණියාට හිතුනා. පුංචි කුරුමිණියා ඉක්මනටම පියාඹලා පිටිටනියට ගිහිල්ලා පුංචි සිරිමල්ගේ යාලූවන්ට ඒගැන කෑ ගහලා කිව්වත් ඒ අයට පුංචි කුරුමිණියා කියපුදේ තේරුනේ නෑ. අනේ ඉක්මන්කරන්න. පුංචි කුරුමිණියා කෑගැහුවා.කවුරුවත් අහන්නේ නැති නිසා ආපහු සිරිමල් ලගට යන්න ඕනෑ කියලා පුංචි කුරුමිණියා හිතුවා. ඒත් මෙන්න බොලේ එතකොට සිරිමල් ආපහු පිටිටනියට එනවා. පුංචි කුරුමිණියාට හරිම සතුටක්දැනුනා. රන්සමනලයා පේන්න නැතිවුනත් මුලින් රන්සමනලයා පුංචි සිරිමල්ට අනතුරුක් කරයි කියලා හිති ච්ච එක ගැන පුංචි කුරුමිණියාට ගොඩාක්ලැජ්ජා හිතුනා. ඒ ගැන රන්සමනලයාට කියලා සමාව ගන්න ඕනෑ කියලාත් පුං චි කුරුමිණියාට හිතුනා. ඒත් රන්සමනලයා පේන්න නෑ. රන් සමනලයාආපහු යන්න ගියාද. පුංචි කුරුමිණියාට දුක හිතුනා.

සිරිමල් ආපහු පිටිටනියට ආවත් එයා යාලූ යෙහෙලියො ලගට යන්නැතුව කෙලින්ම වෙන පැත්තකට යන්න පටන් ගත්තා. එයා නිකමටවත් තමුන්ගේ යාලූවෝ දිහා බැලූවේ වත් නැහැ. සිරිමල්ට එයාගේ යාලූවොත් එක්ක තරහා ඇති. ඇයි එයා කරදරේ වැටුනහම එක්කෙනක්වත්උදව් කරන්නවත් ආවේ නැහැනේ. පුංචි කුරුමිණියා කල්පනා කලා අනේ පව් තරහ ගන්න එක නරක දෙයක් වුනත් පුංචි සිරිමල්ට දුක හිතෙන්න ඇති. පුංචි කුරුමිණියාට හිතුනා. පුංචි කුරුමිණියාත් හෙමින් හෙමින් පුංචි සිරිමල් පස්සෙන් යන්න පටන් ගත්තා අඩුගානේ මම හරි එයාගේ තනියට ඉන්නවානේ.පුංචි සිරිමල් කෙලින්ම ගියේ සිරිපාල මාමා වාහන හදන තැනට ඒක ඇතුලේ සිරිපාල මාමා මොකක්දෝ ලොකූ වැඩක්. වෙනදාටත් පුංචි සිරිමල් නිවාඩු දවස්වල සිරිපාල මමා ගේ වැඩපලට ඇවිල්ලා සිරිපාල මාමා කරන වැඩ දිහා බලා ගෙන ඉන්නවා පුංචි කුරුමිණියා දැකලා තිබුනා. ඒත් සිරිපාල මාමා සිරිමල් එක්ක කථා කලේ කලාතුරකින්. එයාගේ යන්ත්‍ර සූත්‍ර ගැන පුංචි සිරිමල් ඇහුවොත් විතරක් වෙලාවකට බුම්මාගෙන මොනවදෝ කියනවා. සමහර දවස්වල සිරිපාල මාමාට මොනවාදෝ වෙලා වැනි වැනී දකින දකින එක්කෙනා එක්ක රන් ඩු කර ගන්න හැටි පුංචි කුරුමිණියා දැකලා තිබුනා. පුංචි කුරුමිණියා එයාට පොඩිඩක්වත් කැමති වුනේනෑ. එක සැරයක් පුංචි කුරුමිණියාව දැකපු සිරිපාල මාමා කොස්සක් අරගෙන පස්සෙන් පන්නාගෙන ආවා. පුංචි කුරුමිණියා ඉක්මනටම කැලේට පියාඹලා එදා පන බේරා ගත්තා. ඒත් එයා පුංචි සිරිමල්ට නම් මොනවත් කිව්වේ නැහැ.

පුංචි සිරිමල්ව දැකපු සිරිපාල මාමා වෙනදා වගේ හැසිරුනේනෑ. පුංචි සිරිමල්ව දැකපු සිරිපාල මාමා එක පාරටම බය වෙලා වගේ පස් සට පැන්නා. ඒ ඇයි කියලා පුංචි කුරුමිණියාට හිතා ගන්නවත් බෑ. ඒත් පුංචි සිරිමල් ගාණක්වත් නැතුව සිරිපාල මාමා ලගටම ගියා. එතකොට සිරිපාල මාමා කෑ ගහලා අත්දෙක වනලා පුංචි සිරිමල්ට මොනවදෝ කිව්වා. ඒත්පුංචි සිරිමල් ඉස් සරහටම ගියා. පුංචි සිරිමල් ලගටම එනකොට පැනලා දුවන්න වගේ හදලා එක පාරටම ලග තිබීච්ච යකඩ පොල්ලක්අරගෙන පුංචි සිරිමල්ට ගහන්න පැන්නා. පුංචි කුරුමිණියාට හරියට බය හිතුනා ඒවගේම හරියට තරහාත් ගියා.කොච්චර නරක මනුස් සයෙක්ද සිරිමල්වගේ හොද ලමයකුට නිකං ගහන්න හදන්නේ සිරිමල මොන වරදක්කලාටද? අනික පුංචි සිරිමල්ට වුනුදේ නිකමටවත් ඇහුවේ නෑ නේද? සිරිපාල මාමා ගහන්න පැන්නත් පුංචි සිරිමල් පොඩිඩක්වත් බය වුනේ නෑ. එයා ලොකු මිනිහෙක්වගේ සිරිපාල මාමාගේ අතින් අල්ලලා පොල්ල විසිකරලා දැම්මා. සිරිපාල මාමා කෑ ගහලා බයෙන් අඩන්න ගත්තම පුංචි කුරුමිණියාට පුංචි සිරිමල් ගැන පුදුම හිතුනා. ඒ වගේම ලොකුසතුටකුත් දැනුනා. පුංචි සිරිමල් පොඩි වුනාට එයාට කොච්චර ශක්තියක් තිනවාද? හොද වැෙඩි නපුරු මනුස් සයාට.පුංචි සිරිමල්බිම වැටුන සිරිපාල මාමාව හිර කරගෙන එක අතකින්අල්ලාගෙන අනිත් අතින් එයාගේ ඔලූව ඇල්ලූවා. සිරිපාලමාමා බය වෙලාද මන්දා හය්යෙන් කෑ ගැහුවත් සිරිමල් එයාව අත ඇරියේ නෑ ටිකකින් සිරිපාල මාමා සද්ද නැතුව නිදා ගත්තාම තමයි සිරිමල් නැගිටිටේ. එතකොට සිරිපාල මාමාගේ ඔලූවෙනුත් තැනින්තැනින් රතුපාටට මොනවදෝ ගලා ගෙන එන බව පුංචි කුරුමිණියා දැක්කා. පුංචි සිරිමල් මොකක්කරාද කියලා පුංචි කුරුමිණියාට තේරුනේනැහැ. මෙකක් උනත් ඒ සිරිපාල මාමා නරක විදියට හැසිරුනු නිසා බව විතරක් පුංචි කුරුමිණියාට තේරුනා. ඔව් කවුරු වුනත් අනික් අයට නරක විදියට සලකපුවාම කවදාහරි එයාටත් ඒකේ විපාක විදින්න වෙන බව මේ පොඩිත්තොත් හොදට හිතට අරගන්න ඕනෑ. අනික් අයට හැම වෙලේම ආදරයෙන් කරුණාවෙන් සලකන්න ඕනෑ. එතකොට තමයි අනිත් අයත් අපිට ආදරෙන් සලකන්නේ.
සිරිමල් හැරිලා එලියට එන්න එනකොට තමා පුංචි කුරුමිණියා දැක්කේ පුංචි සිරිමල්ගේ ඇස්දෙක වෙනදා වගේ නෙමෙයි.ඒකේ කලූපාට බොල දෙකක් නෑ මුලූ ඇස්දෙකම රත්තරන් පාටට බැබලෙනවා. හරියට අර රන් සමනලයා වගේ. පුංචි කුරුමිණියාට තේරුනා මේ තෑග්ග දෙන්න ඇත්තේ රන් සමනලයා බව. එයත් එක්ක සෙල්ලම් කෙරුවාට.ඒක ඇත්තටම තෑග්ගක් වෙන්න ඕනෑ. පුංචි සිරිමල් එලියට එනකොටම මෙන්න බොලේ අර බිම වැටිලා හිටිය සිරිපාල මාමා නැගිට්ටා පුංචි කුරුමිණියාට බය හිතුනා එයා පුංචි සිරිමල්ට අනතුරක් කරයිද?. පුංචි කුරුමිණියා පුංචි සිරිමල් ලගට ඉක්මනට පියාඹලා ගියා. හරියට සිරිපාල මාමාගෙන් පුංචි සිරිමල්ව බේරා ගන්න වගේ. ඒත් සිරිපාල මාමා ඉස්සෙල්ලා වගේ කලබල කරේ නෑ. පුංචි සිරිමල්එයාගේපාඩුවේ යනවා දැක්කත්සිරිපාල මාමා ඒක ගණන් නොගෙන එයාගේ බඩු අස්සේ මොනව දෝ හොයන්න පටන්ගත්තා.

. පුංචි කුරුමිණියාට පුදුම හිතුනා ඉස්සෙල්ලා පි ස් සුවෙන් වගේ හිටපු සිරිපාල මාමා දැන්හොද කෙනෙක් වෙලා වගේ.පුංචි සිරිමල්ගේ දඩුවමෙන් එයා හොද කෙනෙක් වෙන්න තීරණය කරන්න ඇති කියලා පුංචි කුරුමිණියාට හිතුනා.කොච්චර හොදද. බලන්න හොද ලමයින් නිසා වැඩිහිටියොත් හොද අය වෙන හැටි. පුංචි කුරුමිනියා අලුත් පාඩමකුත් ඉගෙන ගත්තා.

පුංචි සිරිමල් එහා ගෙදර එයාගේ පුංචිව බලන්න යනවා පුංචි කුරුමිණියා බලා හිටියා.සිරිමල්ගේ ඒ පුංචිත් පුංචි කුරුමිණියාවගේ අහිංසක සත්තුන්ට කි සිම කරුණාවක් නැති කෙනෙක් නිසා එහෙට යන්න පුංචි කුරුමිණියා බය වුනා. එයාලගේ බලූහාමි වෙලාවකට අඩ අඩා පාරේ යන හැටි පුංචි කුරුමිණියා දැකලා තිබුනා. සිරිපාල මාමා මොනවා දෝ බඩු පොදියක් අතට ගන්නවා දැකලා සිරිපාල මාමා කරන්න යන්නේමොකද්ද කියලා බලන්න එතනට වෙලා ඉන්න පුංචි කුරුමිණියාට ආසා හිතුනා. සිරිපාල මාමා වෙනදා නැතිවිදියට හරිම සංසුන්විදියට බඩු මල්ලත්කරේ තියාගෙන පිට්ටනිය පැත්තට යන්න පටන්ගත්තා. අපේ පුංචිකුරුමිණියාත් එයා පිටිපස්සෙන් යන්න පටන්ගත්තා. මෙන්න පිට්ටනිය මැද ළමයි දෙන්නෙක්නිදි. සංජුගේ තාත්තත් නිදාගෙන ඉන්නවා පුංචි කුරුමිණියා දැක්කා. ඒත්සිරිපාල මාමා ඒගැන බැලූවේ නෑ. ඒ ගොල්ලන් නිදි නිසා කරදර කරන එක හොද නැති නි සා ත් පුංචි කුරුමිණියාත් ඒ ලගට ගියේනෑ.

සිරිපාල මාමා යන දිහාව දැක්කහම එයා යන්නේ අර රන්වන් ස මනලයා ආපු පැත්තට නේද කියලා පුංචි කුරුමිණියාට හිතුනා. අය්යෝ මට දැන්නේ තේරුනේ වෙලා තියෙන දේ පුංචි කුරුමිණියා පුදුම වුනා. අර රන්වන් සමනලයා නිකම් සමනලයෙක් කියලා හිතුවත් ඒක එහේම නොවන බව පුංචි කුරුමිණියාට තේරුනා. එයා නරක අයව පුංචි සිරිමල්වගේම හොද අය කරන්න කියලා පුංචි සිරිමල්ට කිව්වා වද්ද? රන් සමනලයා එහෙම අයව තමුන් ලගට එවන්න කියලා පුංචි සිරිමල්ට කිව්වා වත්ද? ඔව් ඒක එහෙම වෙන්න ඕනේ.
ගස් අතරින් පුංචි දිය සීරා මැදින් වල අගොඩැලි අතරින් සිරිපාල මාමා නොනැවතීම ගමන්කලා. පුංචි කුරුමිණියාට දැන් හරිම මහන්සියි ඇයි උදේ නැගිට්ට වෙලාවේ ඉදන්ම එයා කලේ හැම තැනම පියාඹපු එකනේ. ඒත් සිරිපාල මාමා යන තැනට ගිහින් බලන්නත් පුංචි කුරුමිණියාට ඕනෑ වුනා. පුංචි කුරුමිණියා ටිකක් බයෙන් වුනත් සිරිපාල මාමා ලගට ගිහිල්ලා මාමේ මාව අරන් යන්නකෝ මට හරි මහන්සියි. මමත් ආසායි ඔයත්එක්ක එන්න කියලා කනට කරලා කිව්වා. සිරිපාල මාමා ඔලූව වැනුවා. සිරිපාල මාමා ඇත්තටම හොද කෙනෙක් වෙලා බව පුංචි කුරුමිණියාට තේරුනා. එයා සිරිපාල මාමාගේඋරහිසක්උඩින් වැහුවා. දැන්පුංචි කුරුමිණියාට පියාඹන්න ඕන්නෑ. ඇයි සිරිපාල මාමා එයාව එක්කගෙන යනවානේ.

ගස් උඩ තවමත් කුරුල්ලෝ මිහිරි ගීත ගායනා කරනවා. ලේන් හාමිලා ගස්වල අතු දිගේ තරගෙට එහේට මෙහෙට දුවනවා. මල් ගස්වලින් මල් සුවදක්හැම තැනම පැතිරිලා . . ගස්වල කොල අතරින් තැනින් තැන ඉර හාමි පොලවට එඹිකම් කරනවා. ඒ අස්සේ මකුලූ හාමි කෙනෙක් හරිම හදි ස් සියකින් දැලක් බදිනවා. ගහක හිටපු පුංචි කුරුමිණියාගේ යාලූ කටසුහාමි කෙනෙක් පුංචි කුරුමිණියාව දැකලා ඔලූව හොල්ලලා කොහේද පුතේ යන්නේ කියලා ඇහුවා. මම ලොකු වැඩකට යනවා මාමේ ගිහින් එන්නම් කියලා පුංචි කුරුමිණියා උත්තර දුන්නා. කටුසුහාමි අතවනලා පරි ස් ස මින් ගිහින් එන්න කියලා කිව්වා.

පුංචි කුරුමිණියා හිතපු විදියටම හරියටම හරි. සිරිපාල මාමා කෙලින්ම ගියේ අර රන්වන් සමනලයා ආපු තැනටමයි. එතකොට තමා පුංචි කුරුමිණියා දැක්කේ එතන තවත් ගොඩක් කට්ටිය ඇවිල්ලා ඉන්න බව. ඒ අය මොකද්දෝ හදනවා. හැබැයි හැමෝම හරිම හොද වෙලා.කවුරුවත් කෑ ගහන්නේවත්. කථා කරන්නේවත්නෑ.එතන කොහෙන් ආවද දන්නැති ලොකූ යන්තරයක් වගේ එකක් එතන තියෙනවා පුංචි කුරුමිණියා දැක්කා. පුංචි සිරිමල්ගේ පුංචිත් ඒ වෙලාවේම එතනට එනවා පුංචි කුරුමිණියා දැක්කා.මේ ඔක්කොම රන් සමනලයා ආපු නි සා හොදවෙචිච අය වෙන්න ඇති කියලා පුංචි කුරුමිණියාට හිතුනා.
සිරිපාල මාමලා ඒ හදන එක මොකද්ද කියලා බලන්න පුංචි කුරුමිණියාටත් ආසා හිතුනා. ඒ ත් තවම ඒගොල්ලෝ හදනවානේ. එතකන් මහනසිය යන්නත් එක්ක ටිකක් නිදාගන්න ඕනෑ කියලා පුංචි කුරුමිණියාට හිතුනා. ඇවිදලා ඇවිදලා එයාට හරිම මහන් සියි. අනික ඉතින් එයා හරිම පොඩියිනේ.ලස් සන කහ පාට මලක් ඇතුලට රිංගා ගත්තු පුංචි කුරුමිණියාට මල හුලගේ පැද්දෙන තාලෙට හොදටම නින්ද ගියා. හීනෙන් එයා දැක්කා පුංචි සිරිමලූයි එයාගේ යාලුවෝ කට්ටියයි, සිරිපාල මාමායි ඒ විතරක්ද රන් සමනලයයි. එයත් එක්ක සෙල්ලම් කරනවා. ඒ විතරක්ද වටේ තවත් අයත් ගොඩාක් හිටියා ඒ අය ඒ අය දිහා බල බල. ඒ අය සන්තෝසෙන් කෑගැහුවා. පුංචි කුරුමිණියාට හරිම සතුටුයි.

එතකොටම පුංචි කුරුමිණියාට ඇහැරුනා. අනේ මට හොදටම නින්ද ගියා නේද? ඒත් වටේ ඇත්තටම මිනිස්සු කෑගහන හැටි පුංචි කුරුමිණියාට ඇහුනා. එතකොට මම දැක්කේ හීනයක් නෙමෙයිද පුංචි කුරුමිණියාට හිතුනා.එයාට සිරිපාල මාමලා මතක්වුනා. ඉක්මනට නැගිටලා සිරිපාල මාමලා හිටපු තැනට පියාඹලා ආවා. එතකොටයි එයා දැක්කේ. සද්දේ එන්නේ එතනින් කියලා. සිරිපාල මාමය් එතන අනික් මාමලයි නැනදල යි එකතු වෙලා මොකද්දෝ ලොකූම ලොකූ යන්තරයක් හදලා.ඒක අර මුලින් තිබු බුනු යන්තරේටත් හයි කරලා හයිකරලා. ඒක හරියට පණ තියෙන එකක්වගේ සද්ද කර කර වැඩ කරනවා. කැලෑව ඇතුලේ ඉදන් එක් කෙනා දෙන්නා එක එක නැන්දලාවයි මාමලාවයි එතනට අරගෙන ආවා. ඒ ගොල්ලෝ එන්න බෑ කියලා හරියට කෑගහනවා, අඩනවා. ඒත් සිරිපාල් මාමලාගේ අය ඒ අයව අල්ලලා අර යන්තරේ ඇතුලට දාලා දොර වැහුවා.

පුංචි කුරුමිණියා ඉක්මනට පියාඹලා අර මුලින් තිබුනු යන්තරේ සිදුරකින් යන්තරේ ඇතුලට රිංගලා බැලූවා. ඇතුලේ තැන තැන. නැන්දලා මාමලා නිදාගෙන ඉන්නවා මකුලු හාමිලාගේ අඩු වගේ අඩු ගොඩකින් ඒ අයව අල්ලා ගෙන. සමහරු නිදාගෙන හිටියත් තවමත් කෑ ගහනවා. සමහර අයගේ ඇගවල් හරහා තැනින් තැනින් න්මොනවාදො කූරු ගෝ ඩාක් ගිහිල්ලා තියෙනවා . එක මාමි කෙනෙක්ගේ ඔලුව ඇතුලට කූරක් අර එක අඩුවකින් යනව කොට ඒ මාමා කෑ ගහ ගහ ඇඩුවා.

පුංචි කුරුමිණියා යන්තරේ පිටිපස්ස පැත්තට ගිහින් බැලුවා. ඒ යන්තරේ පිටිපස්සේ දොරකින් අලුත් කට්ටියක් එලියට යනවා ඒ අය අපේ නැන්දලා මාමලා වගේ නෙමෙයි. ඇස් හරියට අර පුංචි සිරිමල්ගේ වගෙයි. ඒ අය යන තැන එහා පැත්තේ තවත් නැන්දලා මමාලා ගෙඩක් බිම නිදා ගෙන හිටියා. ඒඅය අර අලූත් අය වගේ නෙමෙයි. කලින් හිටපුඅය වගෙයි. ඒ ගොල්ලන් ලගින් අර රතුපාට සායම් ගගක් වගේ දිගටම ගලාගෙන ගියා. මේ අලූතෙන් යන අය බොහොම හොදින් යන්නේ ඒ අය හොද වෙලා නිසා බව පුංචි කුරුමිණියාට තේරුම් ගියා.ඒ අලූත් අය හරිම සන්සුන් විදියට කොහේදෝ . යන්න පිටත් උනා. එයාලා හොද වෙලා ගෙවල් වලට යනවා වෙන්න ඖනේ පුංචි කුරුමිණියා හිතුවා.

එතකොටම අහසේ බඹර කැරකෙන යකඩ කුරුල්ලෝ පියාඹන්න පටන්ගත්තා ඒ ගොල්ලෝ ඔකකොමන්ලාම එකම පැත්තකට ගියා. හරිම සද්දයි. පුංචි කුරුමිණියා උඩටම පියාඹලා ඒඅය කොහේ යනවාද කියලා බැලූවා. එතකොට තමා පුංචි කුරුමිණියා දැක්කේ ඈතින් මල්වෙඩි පුපුරනවා. හැම තැනින්ම එලිවිහිදුනා. එක තැනකින් හරියට මීදුම වගේ මොනවදෝ අහසට යනවා. ඒ පැත්තම අහස රතුපාට වෙලා. පුංචි කුරුමිණියා උඩ බලපුවහම දැක්කා අර උදේ ආපු දෙවෙනි ඉර හාමි තවමත් ඈතට වෙලා පොලව දිහා බලාගෙන ඉන්නවා.ඉරහාමී ඔයාගේ රන් සමනලයා කෝ ?කියලා පුංචි කුරුමිණියා කෑ ගහලා ඒ ඉර හාමිගෙන්ඇහුවා.

මෙන් බොලේ එතකොටම අපේ පුංචි කුරුමිණියා කියපු එක ඇහුනා එයාගේ යාලූ රන්සමනලයා ඈතින් පියාඹනවා. පුංචි කුරුමිණියාට හරිම සන්තෝ සයක් දැනුනා. එයා යාලූවේ කියලා කෑ ගහගෙන රන් සමනලයා ලගට ගියා. ඒත් ලගට ගියහමයි දැක්කේ. මෙතන එක රන් සමනලයෙක් නෙමෙයි. රන්සමනල්ලලූ ගොඩාක්. ගණන්කරන්න බැරිතරම් රන් සමනල්ලූ. අනේ මගේ යාලූ සමනලයාව මම කොහොමද හොයා ගන්නේ පුංචි කුරුමිණියාට හිතා ගන්න බැරිවුනා.ඒත් මේ රන් සමනලයින් ඇවිත් ඉන්නේ අපේ ලෝකේ අයව හොද කරන්න නේද? එහෙම නිසා මේ හැම සමනලයෙක්ම හොද ඇති කියලා පුංචි කුරුමිණියාට හිතුනා.
රන් සමනල්ලූ මී මැසි පොදියක් වගේ සද්ද නැතුව ඈතට පියාඹලා යන හැටි පුංචි කුරුමිණියා බලාගෙන හිටියා. මේ රන් සමනල්ලූ ඈතට ගිහින් හොද ළමයින්ව හොයලා ඒඅයට අනික් අයවත් එයලා වගේ හොද අය කරන්න කියලා කියාවි. ඒකට අකමැති අයව බලෙන්ම හොද අය කරන්න කියලත් කියාවි කියලා පුංචි කුරුමිණියාට හිතුනා. ඕව් නරක අය හොද අයවෙන්න හරිම අකමැතීනේ. ඒත් හොද වෙන එක්කොච්චර හොදද කියලා ඒගොල්ලන්ටම තේරෙන්නේ ඒ ගොල්ලන් හොද අයවුනාම තමයි.

පුංචි කුරුමිණියාගේ ඇග රතුපාට සායම් වැස් සකින් තෙමුනා ඒක කොහෙන්ද ආවේ කියලා බලපු පුංචි කුරුමිණියා දැක්කේ ඈත අහසේ ගිය යකඩ කුරුල්ලෙක් දුරින් තියෙන පිටිටනිය පැත්තට පාත්කරන්න යනවා ඒකෙනුත් මීදුම් වගේ මොනවාදෝ පිට වෙනවා. ටිකකින් ලොකු සද්දයක ඇවිල්ලා ගිණිබෝලයක් පිටවුනා. අම්මෝ පුංචි කුරුමිණියා බය වෙචිචතරම. ඒවා බිමට එන කොට මෙචිචර සද්ද නම් ඒවා හදන්නේ මොකටද කියලා පුංචි කුරුමිණියාට හිතුනා.

අයෙත් රතුපාට වැහි බීංදුදි අහසෙන් වැටෙන්න පටන්ගත්තා අර මීදුම් උඩට නගින හරියේ ඉදලා ඒවා ගොඩාක් එනවා කියලා පුංචි කුරුමිණියාට හිතුනා. ඒ විතරක් නෙමෙයි අර යකඩ කුරුල්ලන් ආවාට පස්සේ තවත් තැන් ගොඩකින් මීදුම් පිට වෙන්නත් පටන් අරගෙන. මල්වෙඩි පුපුරණ පැතිවලින් එන සද්දේ කුරුලූ හාමිලාගේ ගී හඩ යට කරගෙන ටික ටික වැඩිවුනා. ඒ පැතිවලින් කපුටුහාමිලා ගොඩාක් පියාඹාගෙන එනවා පුංචි කුරුමිණියා දැක්කා සමහර විට කපුටුහාමිලාට මෙහෙට එන්න කියලා රන් සමනලයින් කියන්න ඇති.මේ නි සා දැන් අර උදේ තිබුනු ලස්සන ටිකෙන් ටික නැතිවෙලා යනවාද කියලා පුංචි කුරුමිණියාට හිතුනා. අහසත් ටිකෙන් ටික අදුරු වෙනවා වගේ . ඒත් ඉතින් මේ ඔක්කොම හොද වැඩක් නිසානේ. රන්සමනලයින් මේ මුලූ ලෝකෙම කවදා හරි හොද තැනක් කරයි අපේ පුංචි කුරුමිණියා කල්පනා කලා. ඒක එහෙමම වෙන්න ඕනෑ කියලා හිතපු පුංචි කුරුමිණියාට ලොකූ සන්තෝසයක් දැනුනා. එදාට මේ ලෝකේ කොචිචර ලස්සන වෙයිද? හැමෝම කොචිචර සතුටු වෙයිද? පුංචි කුරුමිණියා සතුටින් නැටුමක් නටලා හුලගේ ගලා ගෙන එන රතුසායම් අතරින් ඈතට ඉගිලිලා ගියා.

ඉතින් පුංචි යාලූවනේ ඔයාලත් කවදා හරි ලොකුවෙලා මේ රන් සමනලයින් වගේලෝකේ ලස්සන තැනක් කරන්න හිතට ගන්න ඕනෑ. ඉතින් අපේ රන් සමනල යාලූවෝත් පුංචි ඔයාලාවත් හොයාගෙන ඉක්මනින්ම ඒවි. එතකොට ඒ අයට උදව් කරන්න අමතක කරන්න එපා. ඒ අය හමුඋනාම අපේ මේ පුංචි කුරුමිණි යාලුවත් ඒ අයව ආදරයෙන් මතක් කරපු බව කියන අමතක කරන්නත් එපා.. .

නොසැලෙන මනස

Blog Archive